Technical Snag: ପୁଣି ବିମାନରେ ଦେଖାଦେଲା ଯାନ୍ତ୍ରିକ ତ୍ରୁଟି, ଅଳ୍ପ ସମୟ ମଧ୍ୟରେ ଫେରିଆସି ଲ୍ୟାଣ୍ଡ କଲା

ଦିଲ୍ଲୀରୁ ଇମ୍ପାଲ ଅଭିମୁଖେ ବାହାରିଲା ଇଣ୍ଡିଗୋ ବିମାନ । ଟେକ୍ ଅଫ୍ କଲା । କିଛି ସମୟ ପରେ ପୁଣି ଫେରିଆସିଲା ବିମାନବନ୍ଦରକୁ । କାହିଁକି ନା ବିମାନରେ ଦେଖାଦେଇଥିଲା ଯାନ୍ତ୍ରିକ ତ୍ରୁଟି । ଅଳ୍ପକେ ବର୍ତ୍ତି ଯାଇଥିଲେ ବିମାନରେ ଯାଉଥିବା ଯାତ୍ରୀ । ଗତ ୨୪ ଘଣ୍ଟା ଭିତରେ ଦୁଇଟି ଇଣ୍ଡିଗୋ ବିମାନରେ ଏମିତି ଘଟିଛି ।

ଗୁରୁବାର ସକାଳେ ଦିଲ୍ଲୀରୁ ମଣିପୁରର ରାଜଧାନୀ ଇମ୍ପାଲ ଅଭିମୁଖେ ଯାଉଥିବା ଇଣ୍ଡିଗୋ ବିମାନ (ଫ୍ଲାଇଟ ନମ୍ବର 6E-5118) ଟେକ୍ ଅଫ୍ ପରେ କିଛି ସମୟ ମଧ୍ୟରେ ଏକ ଛୋଟ ତାନ୍ତ୍ରିକ ତ୍ରୁଟି ଯୋଗୁଁ ଦିଲ୍ଲୀର ଇନ୍ଦିରା ଗାନ୍ଧୀ ଆନ୍ତର୍ଜାତୀୟ ବିମାନବନ୍ଦରକୁ ଫେରିଆସିଥିଲା। ଏହି ଘଟଣା ବିମାନ ଉଡ଼ାଣ ପରେ ପ୍ରାୟ ଏକ ଘଣ୍ଟା ମଧ୍ୟରେ ଘଟିଥିଲା। ବିମାନଟି ନିରାପଦରେ ଅବତରଣ କରିଥିଲା ଏବଂ ଆବଶ୍ୟକ ଯାଞ୍ଚ ପରେ ପୁନର୍ବାର ଇମ୍ପାଲ ଅଭିମୁଖେ ଯାତ୍ରା କରିଥିଲା। ଏହା ଇଣ୍ଡିଗୋ ବିମାନରେ ୨୪ ଘଣ୍ଟା ମଧ୍ୟରେ ଦ୍ୱିତୀୟ ତାନ୍ତ୍ରିକ ତ୍ରୁଟି ଘଟଣା ଥିଲା ।

ଏହି ବିମାନ ଦିଲ୍ଲୀରୁ ସକାଳ ୧୦:୨୫ରେ ଉଡ଼ାଣ ଭରିବାର ଥିଲା, କିନ୍ତୁ ୯ ମିନିଟ୍ ବିଳମ୍ବରେ ୧୦:୩୪ରେ ଉଡ଼ାଣ ଭରିଥିଲା। ଏହା ଇମ୍ପାଲରେ ଦିନ ୧:୧୦ରେ ଅବତରଣ କରିବାର ଥିଲା।

ଉଡ଼ାଣ ଭରିବାର କିଛି ସମୟ ମଧ୍ୟରେ ବିମାନରେ ଏକ ଛୋଟ ଯାନ୍ତ୍ରିକ ତ୍ରୁଟି ଚିହ୍ନଟ ହୋଇଥିଲା। ସୁରକ୍ଷାକୁ ଦୃଷ୍ଟିରେ ରଖି ପାଇଲଟ ବିମାନକୁ ଦିଲ୍ଲୀକୁ ଫେରାଇ ଆଣିବାକୁ ନିଷ୍ପତ୍ତି ନେଇଥିଲେ। ବିମାନଟି ନିରାପଦରେ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିଥିଲା।

ଅବତରଣ ପରେ ବିମାନଟିର ଆବଶ୍ୟକ ଯାଞ୍ଚ କରାଯାଇଥିଲା। ତ୍ରୁଟି ସଂଶୋଧନ ପରେ ବିମାନଟି ପୁନର୍ବାର ଇମ୍ପାଲ ଅଭିମୁଖେ ଯାତ୍ରା କରିଥିଲା। ଇଣ୍ଡିଗୋ ମୁଖପାତ୍ରଙ୍କ କହିବା ଅନୁଯାୟୀ, “ବିମାନରେ ଯାନ୍ତ୍ରିକ ତ୍ରୁଟି ଦେଖାଦେବା ପରେ ସୁରକ୍ଷା ପାଇଁ ଏହାକୁ ଦିଲ୍ଲୀକୁ ଫେରାଯାଇଥିଲା। ଆବଶ୍ୟକ ଯାଞ୍ଚ ପରେ ବିମାନ ପୁନର୍ବାର ଯାତ୍ରା ଆରମ୍ଭ କରିଥିଲା।”

ଇଣ୍ଡିଗୋ ଏହି ଘଟଣା ଯୋଗୁଁ ଯାତ୍ରୀମାନଙ୍କ ଅସୁବିଧା ପାଇଁ ଦୁଃଖ ପ୍ରକାଶ କରିଛି ଏବଂ ଯାତ୍ରୀ, କ୍ରୁ ଓ ବିମାନର ସୁରକ୍ଷାକୁ ସର୍ବୋଚ୍ଚ ଅଗ୍ରାଧିକାର ଦେଇଥିବା କହିଛି।

ଇଣ୍ଡିଗୋ ବିମାନରେ ଏହା ଗତ ୨୪ ଘଣ୍ଟା ମଧ୍ୟରେ ଦ୍ୱିତୀୟ ଯାନ୍ତ୍ରିକ ତ୍ରୁଟି ଘଟଣା ଥିଲା। ଗତକାଲି ଦିଲ୍ଲୀରୁ ଗୋଆ ଅଭିମୁଖେ ଯାଉଥିବା ଇଣ୍ଡିଗୋ ଫ୍ଲାଇଟ 6E-6271ରେ ମଝି ଆକାଶରେ ଇଞ୍ଜିନ୍ ଫେଲ୍ ହୋଇଯାଇଥିଲା । ତେଣୁ ମୁମ୍ବାଇରେ ଜରୁରୀ ଅବତରଣ କରିଥିଲା। ଏହି ବିମାନଟି ରାତି ୯:୫୨ରେ ନିରାପଦରେ ଅବତରଣ କରିଥିଲା ଏବଂ ଯାତ୍ରୀମାନଙ୍କୁ ଅନ୍ୟ ଏକ ବିମାନରେ ଗୋଆ ପଠାଯାଇଥିଲା।

ଅଧିକ ପଢ଼ନ୍ତୁ: ଡ୍ରୋନ ବଞ୍ଚାଇଦେଲା ଜୀବନ, ମାତ୍ର ୧୫ ମିନିଟରେ ପହଞ୍ଚାଇଦେଲା ରକ୍ତ