ବିବାହ ଉତ୍ସବରେ ବରକୁ ମହଙ୍ଗା ଲେମ୍ବୁ ଉପହାର : ଭାଇରାଲ ହେଉଛି ଫଟୋ

ଆକାଶଛୁଆଁ ଦର ମଧ୍ୟରେ ଲେମ୍ବୁ ସାଧାରଣ ଲୋକଙ୍କ ପକେଟକୁ ମାଡ଼ କରୁଛନ୍ତି । ଅଚାନକ୍‌ ମୂଲ୍ୟ ବୃଦ୍ଧି ଯୋଗୁଁ ସାଧାରଣ ଲୋକଙ୍କ ସ୍ୱାଦକୁ ଖରାପ କରିଦେଇଛି । ବର୍ତ୍ତମାନ ବିଭିନ୍ନ ସ୍ଥାନରେ ଲେମ୍ବୁ ମୂଲ୍ୟରେ ବୃଦ୍ଧି ଘଟି କିଲୋ ପିଛା ୪୦୦ ଟଙ୍କା ପାଖାପାଖି ପହଞ୍ଚିଛି । ଅନେକ ସ୍ଥାନରେ ଲେମ୍ବୁ ଗୋଟାକ ୧୦ରୁ ୧୫ ଟଙ୍କାରେ ବିକ୍ରି ହେଉଛି । ଏଭଳି ପରିସ୍ଥିତିରେ ଲୋକମାନେ ବିବାହରେ ଲେମ୍ବୁ ଉପହାର ଦେଉଥିବା ଦେଖିବାକୁ ମିଳୁଛି ।

ବିବାହରେ ବରକୁ ଲେମ୍ବୁ ଉପହାର । ଗୁଜୁରାଟର ରାଜକୋଟର ଧୋରଜୀ ସହରରେ ଏକ ବିବାହ ଉତ୍ସବରେ ବରକୁ ତାଙ୍କ ସାଙ୍ଗମାନେ ଲେମ୍ବୁ ଉପହାର ଦେଇଥିବା ଦେଖିବାକୁ ମିଳଉଚି । ତେବେ ନୂଆ ଜୀବନ ଆରମ୍ଭ କରିବା ପୂର୍ବରୁ ବରକୁ ଲେମ୍ବୁ ଉପହାର ଦେଇଥିବା ବ୍ୟକ୍ତିଙ୍କ ନାମ ହେଉଛି ଦୀନେଶ ।

गुजरात: राजकोट के धोराजी शहर में एक शादी समारोह के दौरान लोगों ने दूल्हे को नींबू भेंट किए।

दिनेश ने बताया, "इस समय राज्य और देश में नींबू की कीमतें बहुत बढ़ गई हैं। इस मौसम में नींबू की बहुत जरूरत पड़ती है। इसलिए मैंने नींबू भेंट किए हैं।" (16.04) pic.twitter.com/ciQ9MlwIC3

— ANI_HindiNews (@AHindinews) April 17, 2022

ଦୀନେଶଙ୍କ କହିବା ଅନୁସାରେ ' ବର୍ତ୍ତମାନ ସମୟରେ ଲେମ୍ବୁର ମୂଲ୍ୟ ସମଗ୍ର ଦେଶରେ ନୁହେଁ ବରଂ ରାଜ୍ୟରେ ବହୁତ ବୃଦ୍ଧି ପାଇଛି । ଦିନକୁ ଦିନ ଗ୍ରୀଷ୍ମର ପ୍ରକୋପ ବଢ଼ି ଚାଲିଥିବା ବେଳେ ଲେମ୍ବୁର ଆବଶ୍ୟକତା ମଧ୍ୟ ବଢ଼ି ବଢ଼ି ଚାଲିଛି । ସେଥିପାଇଁ ଅନେକ ଚିନ୍ତା କରିବା ପରେ ବିବାହରେ ଏପରି ଉପହାର ଦେବାପାଇଁ ନିଷ୍ପତ୍ତି ନେଇଥିବା ସେ କହିଛନ୍ତି ।

ଆଉ ତା’ପରେ ବିବାହ ଉତ୍ସବରେ ବନ୍ଧୁମାନେ ମିଠା ବାକ୍ସରେ ଟଙ୍କା କିମ୍ବା ଅଳଙ୍କାର ବଦଳରେ ମହଙ୍ଗା ଲେମ୍ବୁ ଉପହାର ଦେ‌ଇଛନ୍ତି । ଉପହାର ଦେବାର ମୂଳ ଉଦ୍ଦେଶ୍ୟ ହେଲା ଲେମ୍ବୁର ଦର ବର୍ତ୍ତମାନ ଏତେ ବଢ଼ିଯାଇଛି ଯେ ଏହାକୁ ବର୍ତ୍ତମାନ ମହଙ୍ଗା ଉପହାର ଭାବରେ ମଧ୍ୟ ଦିଆଯାଇପାରିବ । ଏହି ବିଶେଷ ଉପହାର ଦେଖି ବିବାହରେ ଯୋଗ ଦେଇଥିବା ଅତିଥିମାନେ ହସି ହସି ଗଡ଼ିଯାଇଥିଲେ ।

ସୂଚନାଯୋଗ୍ୟ ବଜାରରେ ଅଚାନକ୍‌ ବଢ଼ି ଯାଇଛି ଲେମ୍ବୁ ଦର । ଫଳରେ କିଛି ସ୍ଥାନରେ ଲେମ୍ବୁ ଚୋରି ହୋଇଯାଉଥିବର ଖବର ମଧ୍ୟ ଦେଖିବାକୁ ମିଳୁଛି । ଏଥିପାଇଁ କାନପୁର ଓ ୟୁପିରେ ଲେମ୍ବୁ ଫସଲ ଜଗି ରହିଛନ୍ତି ଚାଷୀ । ଅନ୍ୟପଟେ ମୂଲ୍ୟବାନ ଲେମ୍ବୁର ସୁରକ୍ଷା ପାଇଁ ପୋଲିସ ବିଭିନ୍ନ ସ୍ଥାନରେ ପାଟ୍ରୋଲିଂ ମଧ୍ୟ କରୁଛି ।

OTV is now on Whatsapp

Join and get latest news update delivered to you via whatsapp

Join Now