/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626675966.jpg )
Follow Us/odishatv-khabar/media/post_attachments/uploadimage/library/16_9/16_9_0/s_1690268331.jpg)
Finance ministry big statement on rs 2000 notes exchange deadline
ଚଳିତ ବର୍ଷ ମେ’ ୧୯ରେ ଭାରତୀୟ ରିଜର୍ଭ ବ୍ୟାଙ୍କ(RBI) ୨ ହଜାର ଟଙ୍କିଆ ନୋଟ୍ର ସର୍କୁଲେସନ୍ ବନ୍ଦ ନେଇ ଘୋଷଣା କରିଥିଲା। ଏହାସହ ୨ ହଜାର ଟଙ୍କିଆ ନୋଟ୍ର ବଦଳ ଓ ଜମା ନେଇ ମେ’ ୨୩ରୁ ସେପ୍ଟେମ୍ବର ୩୦ ଯାଏ ଲୋକଙ୍କୁ ପୁରା ୪ ମାସ ସମୟ ଦିଆଯାଇଛି। ଏସବୁ ଭିତରେ ୨ ହଜାର ଟଙ୍କିଆ ନୋଟ୍ ବଦଳ ନେଇ ଏକ ବଡ଼ ସୂଚନା ସାମ୍ନାକୁ ଆସିଛି। ସେପ୍ଟେମ୍ବରରେ ଥିବା ସମୟସୀମାକୁ ଆଉ ଘୁଞ୍ଚାଇବା ଲାଗି ସରକାର କୌଣସି ପ୍ରକାର ଯୋଜନା କରୁନଥିବା ସୋମବାର ଦିନ ଅର୍ଥ ମନ୍ତ୍ରାଳୟ ପକ୍ଷରୁ କୁହାଯାଇଛି।
ଅଧିକ ପଢ଼ନ୍ତୁ: ଥରକେ କେତେ ଟଙ୍କାର ୨ ହଜାର ଟଙ୍କିଆ ନୋଟ୍ ବଦଳାଇ ପାରିବେ ? ବ୍ୟାଙ୍କରେ ଆକାଉଣ୍ଟ ନ ଥିଲେ କ’ଣ କରିବେ ?
ଏନେଇ ଲୋକସଭାରେ କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ ଲିଖିତ ଉତ୍ତର ରଖିଛନ୍ତି। ସେ କହିଛନ୍ତି, ୨ ହଜାର ଟଙ୍କିଆ ନୋଟ୍ ବଦଳର ସମୟସୀମାକୁ ଆଉ ଘୁଞ୍ଚାଇବା ଉପରେ ସରକାର କୌଣସି ବିଚାର କରୁନାହାନ୍ତି କି ଏନେଇ କୌଣସି ଯୋଜନା ମଧ୍ୟ ନାହିଁ।
ସେହିପରି ୨ ହଜାର ଟଙ୍କିଆ ନୋଟ୍ ଛପାରେ କେତେ ଟଙ୍କା ଖର୍ଚ୍ଚ ହୋଇଛି ? ଏହି ପ୍ରଶ୍ନର ଉତ୍ତରରେ ପଙ୍କଜ ଚୌଧୁରୀ ଜବାବ ରଖି କହିଛନ୍ତି ଯେ, RBI ର ବାର୍ଷିକ ରିପୋର୍ଟ ୨୦୧୬-୧୭ ଅନୁସାରେ, ୨୦୧୭ ମସିହା ଜୁନ୍ ଶେଷ ସୁଦ୍ଧା ସିକ୍ୟୁରିଟି ପ୍ରିଣ୍ଟିଂ ଉପରେ ମୋଟ୍ ଖର୍ଚ୍ଚ ୭୯୬୫ କୋଟି ଟଙ୍କା।
ଅଧିକ ପଢ଼ନ୍ତୁ: ଜାଣନ୍ତୁ, କାହିଁକି ଛପାଗଲା ୨ ହଜାର ଟଙ୍କିଆ ନୋଟ୍ ?
୨ ହଜାର ଟଙ୍କିଆ ନୋଟ୍ ୨୦୧୬ ମସିହା ନଭେମ୍ବରରେ ଆରମ୍ଭ ହୋଇଥିଲା। ନଭେମ୍ବର ୮ରେ କେନ୍ଦ୍ର ସରକାର ୫ ଶହ ଓ ହଜାରେ ଟଙ୍କିଆ ନୋଟ୍କୁ ଅଚଳ କରିଦେବା ପରେ ନୋଟ୍ ଅଭାବକୁ ପୂରଣ କରିବା ପାଇଁ ଗୋଲାପୀ ରଙ୍ଗର ୨ ହଜାର ଟଙ୍କିଆ ନୋଟ୍ ଆରମ୍ଭ କରାଯାଇଥିଲା। ମାର୍କେଟରେ ପର୍ଯ୍ୟାପ୍ତ ପରିମାଣର ୫ ଶହ ଟଙ୍କିଆ ନୋଟ୍ ଆସିବା ପରେ ଓ କାରବାର ସ୍ୱାଭାବିକ ହେବା ପରେ ୨୦୧୮-୧୯ରେ ନୂଆ ୨ ହଜାର ଟଙ୍କିଆ ନୋଟ୍ ଛପା ବନ୍ଦ କରିଥିଲା ଆର୍ବିଆଇ।