LIVE TV
EPFO ପେନ୍ସନ୍ଭୋଗୀଙ୍କ ପାଇଁ ଆଣିଲା ନୂଆ ଗାଇଡ୍ଲାଇନ୍। ଏବେ ପେନ୍ସନ୍ଭୋଗୀମାନେ ଡିଜିଟାଲ୍ ମାଧ୍ୟମରେ ସେମାନଙ୍କର ଜୀବନ ପ୍ରମାଣ ପତ୍ର କିମ୍ବା ବାର୍ଷିକ ଜୀବନ ପ୍ରମାଣପତ୍ର ଦାଖଲ କରିପାରିବେ। ୮୦ ବର୍ଷ କିମ୍ବା ତଦୁର୍ଦ୍ଧ୍ୱ ବ୍ୟକ୍ତିମାନେ ଏହାକୁ ଅକ୍ଟୋବର ୧ ରୁ ନଭେମ୍ବର ୩୦ ମଧ୍ୟରେ ଦାଖଲ କରିପାରିବେ। ଅନେକ ପେନ୍ସନ୍ଭୋଗୀ ସେମାନଙ୍କ ଜୀବନ ପ୍ରମାଣପତ୍ର ଅନ୍ଲାଇନ୍ରେ ଦାଖଲ କରିସାରିଛନ୍ତି।
ଯଦି ଆପଣଙ୍କର ପେନ୍ସନ୍କୁ ବର୍ଷେ ହୋଇନି କିମ୍ବା ଆପଣ ଏହାକୁ ଡିସେମ୍ବର ୨୦୨୧ ରେ ଦାଖଲ କରିଛନ୍ତି, ତେବେ କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନ (EPFO) ତରଫରୁ ପରାମର୍ଶ ଦିଆଯାଇଛି ଯେ ଜୀବନ ପ୍ରମାଣ ପତ୍ର ନଭେମ୍ବର ୨୦୨୨ ରେ ଦାଖଲ କରିବା ଆବଶ୍ୟକ ନାହିଁ।
Also Read
କିପରି କରିବେ ଡିଜିଟାଲ୍ ଜୀବନ ପ୍ରମାଣପତ୍ର ଆବେଦନ:
- ଷ୍ଟେପ୍-୧: ଜୀବନ ପ୍ରମାଣପତ୍ର ଦାଖଲ କରିବାକୁ, Doorstep Banking App ଡାଉନଲୋଡ୍ କରନ୍ତୁ
- ଷ୍ଟେପ୍-୨: ଆପଣଙ୍କର ବ୍ୟାଙ୍କ୍ ଚୟନ କରନ୍ତୁ
- ଷ୍ଟେପ୍-୩: ଆପଣଙ୍କର ପେନ୍ସନ୍ ଆକାଉଣ୍ଟ୍ ନମ୍ବର ଏଣ୍ଟ୍ରି କରନ୍ତୁ ଏବଂ ଯାଞ୍ଚ କରନ୍ତୁ
- ଷ୍ଟେପ୍-୪: ପେମେଣ୍ଟ୍ ସମ୍ପୂର୍ଣ୍ଣ କରନ୍ତୁ
- ଷ୍ଟେପ୍-୫: ଅନୁରୋଧ ପଠାନ୍ତୁ
ଏହା ପରେ ବ୍ୟକ୍ତିଙ୍କ ନିକଟକୁ ଏଜେଣ୍ଟଙ୍କ ନାମ ଥିବା ଏକ SMS ଆସିବ
ଜୀବନ ପ୍ରମାଣପତ୍ର ଦାଖଲ କରିବାକୁ, ଏଜେଣ୍ଟ ଆପଣଙ୍କ ଘରକୁ ଆସିବେ।
ଜୀବନ ପ୍ରମାଣପତ୍ର କ’ଣ:
ଭାରତ ସରକାରଙ୍କ ପେନ୍ସନ୍ ସ୍କିମ୍ର ଡିଜିଟାଲ୍ ଲାଇଫ୍ ସାର୍ଟିଫିକେଟ୍ ହେଉଛି ଜୀବନ ପ୍ରମାଣ ସାର୍ଟିଫିକେଟ୍। ପେନସନଭୋଗୀଙ୍କ ପାଇଁ ଲାଇଫ୍ ସାର୍ଟିଫିକେଟ୍ ଦାଖଲ କରିବା ପାଇଁ ଏହା ଏକ ଅତିରିକ୍ତ ସୁବିଧା ଏବଂ ଆଧାର-ଆଧାରିତ ବାୟୋମେଟ୍ରିକ୍ ପ୍ରାମାଣିକରଣ ପ୍ରଣାଳୀ, ଯାହା ପେନ୍ସନ୍ଭୋଗୀମାନଙ୍କ ପାଇଁ ଏକ ଡିଜିଟାଲ୍ ସେବା।
