LIVE TV
ମା’କୁ ହତ୍ୟା କରିବା ପରେ ଆତ୍ମହତ୍ୟା କଲା ପୁଅ । ଦିଲ୍ଲୀର ବୁଦ୍ଧବିହାର ଅଞ୍ଚଳରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଜଣେ ୨୫ ବର୍ଷୀୟ ଯୁବକ ନିଜ ମାଆକୁ ହତ୍ୟା କରିବା ପରେ ନିଜେ ଜୀବନ ହାରି ଦେଇଛନ୍ତି । ଘରୁ ଦୁର୍ଗନ୍ଧ ହେବା ପରେ ପଡୋଶୀ ପୋଲିସକୁ ସୂଚନା ଦେଇଥିଲେ । ତେବେ ସୂଚନା ପାଇବା ପରେ ଘଟଣାସ୍ଥଳରେ ପହଞ୍ଚିଥିଲା ପୋଲିସ୍ । ଏବେ ପୋଲିସ୍ ହାତରେ ଲାଗିଛି ୭୭ ପେଜ୍ର ସୁଇସାଇଡ୍ ନୋଟ୍ ।
ଦିଲ୍ଲୀ ପୋଲିସର ସୂଚନା ଅନୁସାରେ, ଏକ ଫ୍ଲାଟରେ ଦୁର୍ଗନ୍ଧ ଆସୁଥିବା ନେଇ ପଡ଼ୋଶୀ ଫୋନ୍ କରି ଜଣାଇଥିଲେ । ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ଘରର କବାଟ ଭାଙ୍ଗି ଘର ଭିତରକୁ ଯାଇଥିଲା । ତେବେ ଭିତରକୁ ପଶିବା ପରେ ପୋଲିସ ଆଶ୍ଚର୍ଯ୍ୟ ହୋଇଯାଇଥିଲା । ଜଣେ ଯୁବକଙ୍କର ରକ୍ତ ଜୁଡୁବୁଡୁ ଶବ ଖଟ ଉପରେ ପଡ଼ିଥିଲା । ଭିତର କୋଠରୀରେ ଜଣେ ମହିଳାଙ୍କ ମୃତଦେହ ମଧ୍ୟ ପଡ଼ିଥିଲା । ହେଲେ ସେତେବେଳକୁ ମହିଳାଙ୍କ ଶରୀର ସଂପୂର୍ଣ୍ଣ ନଷ୍ଟ ହୋଇସାରିଥିଲା ।
दिल्ली के बुद्ध विहार इलाके से एक दिल दहलाने वाली घटना सामने आई है। एक 25 साल के युवक ने अपनी मां की हत्या करने के बाद आत्महत्या कर ली। पड़ोसियों को बदबू आई तो पुलिस को बताया। पुलिस जांच कर रही है, समाज किस दिशा में जा रहा है।
— Swati Maliwal (@SwatiJaiHind) September 4, 2022
ପୋଲିସ ଛାନଭିନ୍ ସମୟରେ ଯୁବକ ଛାଡ଼ିଯାଇଥିବା ୭୭ ପୃଷ୍ଠାର ସୁଇସାଇଡ୍ ନୋଟ୍ ପୋଲିସ୍କୁ ମିଳିଛି । ଯେଉଁଥିରେ ସେ ମା'କୁ ହତ୍ୟା କରିବାର ଉପାୟ ଏବଂ ଆତ୍ମହତ୍ୟା କରିବାର କାରଣ ବିଷୟରେ ଲେଖିଛନ୍ତି । ଆତ୍ମହତ୍ୟା ନୋଟରେ ଯୁବକ ଜଣକ ଲେଖିଛନ୍ତି, ସେ ତାଙ୍କ ମାତାଙ୍କୁ ସେପ୍ଟେମ୍ବର ୧ ରେ ହତ୍ୟା କରିଛନ୍ତି ଏବଂ ସେ ଆଜି ଆତ୍ମହତ୍ୟା କରୁଛନ୍ତି ।
ମୃତ ଯୁବକ ଜଣକ ସୋନୁ ବୋଲି ଚିହ୍ନଟ କରିଛି ପୋଲିସ୍ । ଆଉ ତାଙ୍କ ମା’ଙ୍କ ନାମ ମିଥଲେଶ ବୋଲି କୁହାଯାଉଛି । ଉଭୟ ମା ଏବଂ ପୁଅ ରୋହିଣୀ ସେକ୍ଟର -୨୪ ର ଏକ ତିନି ମହଲା ଘରେ ରହୁଥିଲେ । ରବିବାର ରାତିରେ ପଡୋଶୀମାନେ ଘରୁ ଦୁର୍ଗନ୍ଧ ବାହାରିବା ପରେ ପୋଲିସକୁ ସୂଚନା ଦେଇଥିଲେ ।
ସୂଚନା ପାଇବା ମାତ୍ରେ ବୁଦ୍ଧବିହାର ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଘର ଭିତରକୁ ଯିବାବେଳେ ସୋନୁଙ୍କ ମୃତଦେହ ଖଟ ଉପରେ ପଡ଼ି ରହିଥିଲା । ଏହା ସହିତ ତାଙ୍କ ମା’ଙ୍କର ମୃତଦେହ ମଧ୍ୟ ଉଦ୍ଧାର କରାଯାଇଥିଲା । ସୋନୁଙ୍କ ମୃତଦେହ ନିକଟରୁ କିଛି ଅସ୍ତ୍ରଶସ୍ତ୍ର ଏବଂ ଆତ୍ମହତ୍ୟା ନୋଟ୍ ମିଳିଥିଲା । ଏବେ ହତ୍ୟାକାଣ୍ଡ ସମ୍ପର୍କରେ ଛାନଭିନ୍ କରୁଛି ପୋଲିସ୍ ।
