LIVE TV
ପୁଣି ଦିଲ୍ଲୀ ସରକାର ବନାମ କେନ୍ଦ୍ର ସରକାର । ଦିଲ୍ଲୀର ସମସ୍ତ ବଦଳି ଓ ନିଯୁକ୍ତି ଦାୟିତ୍ୱ କ୍ଷମତାସୀନ ଆପ୍ ସରକାରଙ୍କୁ ସୁପ୍ରିମକୋର୍ଟ ପ୍ରଦାନ କରିଥିଲେ। ଏହାକୁ ଅଧ୍ୟାଦେଶ ଦ୍ୱାରା ଅକାମୀ କରି କେନ୍ଦ୍ର ସରକାର ପ୍ରଶାସନିକ ସେବାର ସବୁ ଦାୟିତ୍ୱ ଉପ ରାଜ୍ୟପାଳଙ୍କୁ ହସ୍ତାନ୍ତର କରିଛନ୍ତି ।
Also Read
ତେବେ ସୁପ୍ରିମକୋର୍ଟ, ଆପ୍ ସରକାର ସପକ୍ଷରେ ରାୟ ଦେଇଥିବା ବେଳେ ଏବେ ପୁଣି ବିବାଦ ସର୍ବୋଚ୍ଚ ଅଦାଲତରେ ପହଞ୍ଚିଛି । କେନ୍ଦ୍ର ସରକାର ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇ ରାୟର ପୁନଃବିଚାର କରିବାକୁ ଆବେଦନ କରିଛନ୍ତି । ସେପଟେ ନିଯୁକ୍ତି ଓ ବଦଳି ଦାୟିତ୍ୱ ଉପରାଜ୍ୟପାଳଙ୍କର ବୋଲି କହି କେନ୍ଦ୍ର ସରକାର ଆଣିଥିବା ଅଧ୍ୟାଦେଶକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିବାକୁ ନିଷ୍ପତ୍ତି ନେଇଛି ଆପ୍ ସରକାର ।
ଦିଲ୍ଲୀରେ କାର୍ଯ୍ୟରତ ବ୍ୟୁରୋକ୍ରାଟ୍ ଓ ଗ୍ରୁପ୍ A ଅଧିକାରୀଙ୍କ ବଦଳିକୁ ନେଇ ସବୋର୍ଚ୍ଚ ଅଦାଲତ ପୂର୍ବରୁ ଆପ୍ ସରକାରଙ୍କ ସପକ୍ଷରେ ରାୟ ଶୁଣାଇଥିଲେ । ହେଲେ ଗତକାଲି କେନ୍ଦ୍ର ଆଇନ ମନ୍ତ୍ରଣାଳୟ ପକ୍ଷରୁ ଏକ ସ୍ୱତନ୍ତ୍ର ଅଧ୍ୟାଦେଶ ଅଣାଯାଇଛି । ଯେଉଁଥିରେ ନ୍ୟାସନାଲ କ୍ୟାପିଟାଲ ସିଭିଲ୍ ସର୍ଭିସ-NCCS ନାମକ ଏକ କମିଟି ଗଠନ ହୋଇଛି ।
ଦିଲ୍ଲୀ ମୁଖ୍ୟମନ୍ତ୍ରୀ ଏହାର ଅଧ୍ୟକ୍ଷ ଦାୟିତ୍ଆ ତୁଲାଇବେ । ଏହାସହ ପ୍ରମୁଖ ସଚିବ ଓ ଗୃହ ମନ୍ତ୍ରଣାଳୟର ପ୍ରମୁଖ ସଚିବ ମଧ୍ୟ ଏହି କମିଟିରେ ରହିବେ । ବାବୁମାନଙ୍କ ବଦଳି କିମ୍ବା ନିଯୁକ୍ତିକୁ ନେଇ ଏହି କମିଟି ଭୋଟିଂ ଜରିଆରେ ନିଷ୍ପତ୍ତି ନେବ ବୋଲି ସ୍ଥିର ହୋଇଛି । ଏଥିରେ ନିଷ୍ପତ୍ତି ହୋଇ ନପାରିଲେ ଦିଲ୍ଲୀର LG ଏହାର ନିଷ୍ପତ୍ତି ନେବେ । ଏହି କମିଟିର ପରାମର୍ଶ ପରେ କେନ୍ଦ୍ର ସରକାର ନିଯୁକ୍ତି କିମ୍ବା ବଦଳି କରି ପାରିବେ ବୋଲି ଅଧ୍ୟାଦେଶରେ ପ୍ରାବଧାନ ରହିଛି । ହେଲେ ଏବେ ଏହି ଅଧ୍ୟାଦେଶକୁ ନେଇ ରାଜନୀତି ତେଜିବାରେ ଲାଗିଛି ।
#WATCH | They were waiting for the Supreme Court to be closed for summer vacations. They waited because they know this ordinance is illegal. They know it will not stand in the court for 5 minutes. When SC opens on July 1, we will challenge it: Delhi CM Arvind Kejriwal on the… pic.twitter.com/o29Ygb7f7Q
— ANI (@ANI) May 20, 2023
