ସ୍ଥଳସେନା ମୁଖ୍ୟଙ୍କୁ ଗାର୍ଡ ଅଫ୍ ଅନର

ଭାରତୀୟ ସ୍ଥଳସେନାର ମୁଖ୍ୟ ଜେନେରାଲ ମନୋଜ ପାଣ୍ଡେଙ୍କୁ ଗାର୍ଡ ଅଫ ଅନର । ସାଉଥ ବ୍ଲକରେ ଭାରତୀୟ ସେନା ପକ୍ଷରୁ ତାଙ୍କୁ ଗାର୍ଡ ଅଫ ଅନର ଦିଆଯାଇଛି ।

ଏହି ଅବସରରେ ବାୟୁସେନା ମୁଖ୍ୟ ମାର୍ଶଲ ବି.ଆର ଚୌଧୁରୀ ଓ ଭାରତୀୟ ନୌସେନା ମୁଖ୍ୟ ଏଡମିରାଲ ହରି କୁମାର ଉପସ୍ଥିତ ଥିଲେ । ଭାରତୀୟ ସ୍ଥଳସେନାର ମୁଖ୍ୟ ଭାବେ ଦାୟିତ୍ୱ ନେବା ପରେ ଦେଶର ସୁରକ୍ଷା ତାଙ୍କ ପାଇଁ ଆଗ ବୋଲି ମତ ରଖିଛନ୍ତି ଜେନେରାଲ ମନୋଜ ପାଣ୍ଡେ ।

Delhi | Chief of the Army Staff General Manoj Pande receives Guard of Honour at South Block Lawns pic.twitter.com/S0dY3GpWis

— ANI (@ANI) May 1, 2022

ଏନେଇ ନୂଆ ସ୍ଥଳସେନା ମୁଖ୍ୟ ଜେନେରାଲ ମନୋଜ ପାଣ୍ଡେ କହିଛନ୍ତି, ‘ଏହା ମୋ ପାଇଁ ବହୁତ ଗର୍ବ ଓ ସମ୍ମାନର କଥା ଯେ ମୋତେ ଭାରତୀୟ ଜଳ ସ୍ଥଳସେନା ମୁଖ୍ୟ ଦାୟିତ୍ୱ ଦିଆଯାଉଛି । ଏହାକୁ ମୁଁ ବିନମ୍ରତାର ସହ ସ୍ୱୀକାର କରୁଛି । ଏହାସହ ମୁଁ ଭଗବାନଙ୍କୁ ପ୍ରାର୍ଥନା କରୁଛି କି ଏହି ଦାୟିତ୍ୱ ସମ୍ପର୍ଣ୍ଣ କରିବା ପାଇଁ ମୋତେ ଶକ୍ତି, ସାମର୍ଥ ଓ ସଦ୍‌ବୁଦ୍ଧି ଦିଅନ୍ତୁ’।

ଏହାସହ ସେ କହିଛନ୍ତି, ଭାରତୀୟ ସ୍ଥଳ ସେନା ଦେଶର ସୁରକ୍ଷା ଓ ଅଖଣ୍ଡତା ବଜାୟ ରଖିବା ପାଇଁ ଅନେକ ବଳିଦାନ ଦେଇଛି । ଆଗକୁ ଆମ ଆାଗରେ ଅନେକ ଆହ୍ୱାନ ରହିଛି, ଆଉ ସେହି ଆହ୍ୱାନର ସାମନା କରିବା ପାଇଁ ଭାରତୀୟ ସ୍ଥଳ ସେନା ପୁରା ପ୍ରସ୍ତୁତ ଓ ଏହା ବ୍ୟତୀତ ଦେଶର ସୁରକ୍ଷା ପାଇଁ ତିନି ସେନା ନିଜ ମଧ୍ୟରେ ସମନ୍ୱୟ ରକ୍ଷା କରି କାମ କରିବେ ବୋଲି କହିଛନ୍ତି ନୂଆ ସ୍ଥଳସେନା ମୁଖ୍ୟ ଜେନେରାଲ ମନୋଜ ପାଣ୍ଡେ ।