କେମିତି ଅଛି ଛତିଶଗଡ଼ର ମୃତ୍ୟୁ ବିଜୟୀ ବାଳକ ରାହୁଲ ସାହୁ ? ଚିକିତ୍ସାଧିନ ଅବସ୍ଥାରେ ଥିବା ରାହୁଲର ସ୍ୱାସ୍ଥ୍ୟାବସ୍ଥା କେମିତି ଅଛି ? ସମସ୍ତଙ୍କ ମନରେ ଏଭଳି ନାନା ପ୍ରଶ୍ନ ଉଙ୍କି ମାରିଛି। ଏବେ ରାହୁଲଙ୍କୁ ନେଇ ଆଶ୍ୱସ୍ତିକର ଖବର ସାମ୍ନାକୁ ଆସିଛି। ୮୦ ଫୁଟ ଗଭୀର ବୋରୱେଲ୍ ଭିତରୁ ବାହାରି ହସ୍ପିଟାଲ୍ରେ ଚିକିତ୍ସାଧିନ ଥିବା ରାହୁଲ ଏବେ ସୁସ୍ଥ ହେବାରେ ଲାଗିଛି।
ରାହୁଲ ଏବେ ହସୁଛି, ଖେଳୁଛି, ମୋବାଇଲ୍ରେ ଭିଡ଼ିଓ ଦେଖି ଖୁସି ହେଉଛି। ଯାହାର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। ରାହୁଲ ମେଡ଼ିକାଲ୍ରେ ଭର୍ତ୍ତି ହେବାର ଇତିମଧ୍ୟରେ ୫ ଦିନ ହୋଇଗଲାଣି। ବର୍ତ୍ତମାନ ସେ ଧୀରେ ଧୀରେ ସୁସ୍ଥ ହେଉଛି। ଜେନେରାଲ୍ ୱାର୍ଡରେ ଆଉ କିଛି ଦିନ ମଧ୍ୟରେ ସେ ଡିସ୍ଚାର୍ଜ ହେବ।
ନର୍କର ଛାତି ଚିରି ଯିଏ ବଞ୍ଚିକି ଫେରିଛନ୍ତି ସେହି ରାହୁଲଙ୍କୁ କିନ୍ତୁ ଏବେ ଖୋଜୁଛନ୍ତି ଆତ୍ମୀୟ। ମା’, ବାପା, ଜେଜେମା’ ସମସ୍ତେ ଖୋଜୁଛନ୍ତି। କେବଳ ପରିବାର ଲୋକେ ନୁହଁନ୍ତି , ଗାଁ ଲୋକେ ଓ ଆଖପାଖ ଅଞ୍ଚଳର ଲୋକମାନେ ମଧ୍ୟ ରାହୁଲର ଫେରିବା ବାଟକୁ ଚାହିଁ ବସିଛନ୍ତି। ଏପରିକି ସ୍କୁଲ୍ରେ ରାହୁଲକୁ ଗୁରୁଜୀ,ଗୁରୁମାମାନେ ମଧ୍ୟ ତାକୁ ଖୋଜୁଛନ୍ତି।