Delhi Air Pollution: କାହିଁକି ପ୍ରଦୂଷିତ ହେଉଛି ଦିଲ୍ଲୀ ବାୟୁ ? CAQM ରିପୋର୍ଟରେ ସାଂଘାତିକ ତଥ୍ୟ...ଜାଣନ୍ତୁ

ପ୍ରଦୂଷଣରେ ଆକ୍ତାମାକ୍ତା ରାଜଧାନୀ ଦିଲ୍ଲୀ। ଭୟଙ୍କର ପ୍ରଦୂଷଣ ପାଇଁ ବାୟୁ ଗୁଣବତ୍ତା ବିପଦପୂର୍ଣ୍ଣ ବର୍ଗରେ ପପହଞ୍ଚିଛି। ତେବେ ଏହାକୁ ରୋକିବା ପାଇଁ ଦିଲ୍ଲୀ ସରକାର ଅନେକ ପଦକ୍ଷେପମାନ ନେଉଛନ୍ତି। ପ୍ରଦୂଷଣ ଉପରେ ନଜର ରଖିବା ଏବଂ ବିଭିନ୍ନ ରାଜ୍ୟକୁ ଉପଯୁକ୍ତ ପଦକ୍ଷେପ ନେବାକୁ ନିର୍ଦ୍ଦେଶ ଦେବା ପାଇଁ ବାୟୁ ଗୁଣବତ୍ତା ପରିଚାଳନା ଆୟୋଗ (CAQM) କୁ ଦାୟିତ୍ୱ ଦିଆଯାଇଛି। ବାୟୁ ପ୍ରଦୂଷଣ ପାଇଁ ପଞ୍ଜାବ ଏବଂ ହରିୟାଣାର ନଡ଼ା ଜାଳିବାକୁ ଦାୟୀ କରାଯାଏ। ମାତ୍ର ଚଳିତ ବର୍ଷ ଏହାକୁ ଜଳିବା ଉପରେ କଟକଣା ଲଗାଯାଇଛି। ଏହାସତ୍ତ୍ୱେ ବି ଦିଲ୍ଲୀର ପ୍ରଦୂଷଣସ୍ତର ଚଳିତ ବର୍ଷ ରେକର୍ଡ ଭାଙ୍ଗୁଛି।

ବାୟୁ ପ୍ରଦୂଷଣ ବୃଦ୍ଧିର ଅନେକ କାରଣ କହିଛି CAQM। ତେବେ ମୁଖ୍ୟ କାରଣ ହେଉଛି ଜଳବାୟୁ ପରିବର୍ତ୍ତନ ଓ ବିଶ୍ୱତାପନ ବା ଗ୍ଲୋବାଲ୍ ୱାର୍ମିଂ। ଏକ ସାକ୍ଷାତକାରରେ ଆୟୋଗର ବୈଷୟିକ ସଦସ୍ୟ ଏସଡି ଆଟ୍ରି କହିଛନ୍ତି ଯେ ଗତବର୍ଷ ନଭେମ୍ବରରେ ଘନ କୁହୁଡ଼ି ମୌସୁମୀରେ ଅନେକ ପରିବର୍ତ୍ତନ ଆଣିଛି। ଏହା ବାୟୁ ଗୁଣବତ୍ତା ଉପରେ ଗୁରୁତର ପ୍ରଭାବ ପକାଇଛି। ଫଳରେ ଦିଲ୍ଲୀ ଏବଂ ଏନସିଆରରେ ପ୍ରଦୂଷଣ ଆଶଙ୍କା ବଢାଇ ଦେଇଛି।

ଗତ ଦୁଇ ସପ୍ତାହ ମଧ୍ୟରେ ପ୍ରଦୂଷଣ ସ୍ତର ଚିନ୍ତାର କାରଣ ହୋଇଛି। ଯେଉଁଥିପାଇଁ ଏହା ପୁଣି ଏକ ମୁଖ୍ୟ କାରଣ ହୋଇଥିବାରୁ ପାଣିପାଗ ଅବସ୍ଥା ଉପରେ ଧ୍ୟାନ ଦିଆଯାଇଛି । ଏସଡି ଆଟ୍ରି କହିଛନ୍ତି ଯେ ଗତ ୨୦ ବର୍ଷ ମଧ୍ୟରେ ନଭେମ୍ବରରେ ସବୁଠୁ ଅଧିକ ଘନ କୁହୁଡି ରେକର୍ଡ କରାଯାଇଥିଲା। ଅବଶ୍ୟ, ଚଳିତ ବର୍ଷ ପ୍ରବଳ ଧୂଆଁ ପରିସ୍ଥିତିକୁ ଅଧିକ ଜଟିଳ କରିଦେଇଛି। ଯାହାଦ୍ୱାରା ପ୍ରଦୂଷଣ ବଢିବା ସହ ଲୋକଙ୍କ ସ୍ୱାସ୍ଥ୍ୟ ପାଇଁ ଏକ ପ୍ରମୁଖ ସମସ୍ୟା ରୂପରେ ଉଭା ହୋଇଛି। ତେବେ ଗ୍ଲୋବାଲ୍ ୱାର୍ମିଂ ଏବଂ ଜଳବାୟୁ ପରିବର୍ତ୍ତନ ସମସ୍ତଙ୍କ ପାଇଁ ଏକ ଆହ୍ୱାନ ପାଲଟିଛି।

ସାଧାରଣତଃ, ଅକ୍ଟୋବର ଏବଂ ନଭେମ୍ବର ମାସରେ ଘୂର୍ଣ୍ଣିବାତ୍ୟା ହେତୁ ଭାରତର ଅନେକ ଅଞ୍ଚଳରେ ବର୍ଷା ହୋଇଥାଏ। ତେବେ ଚଳିତ ବର୍ଷ ସେପରି ବର୍ଷା ହୋଇନାହିଁ। ତେବେ ସ୍ୱଳ୍ପ ବୃଷ୍ଟିପାତ ଦିଲ୍ଲୀର ପ୍ରଦୂଷଣ ସଙ୍କଟକୁ ଆହୁରି ଖରାପ କରିଦେଇଛି ଯେଉଁଠାରେ ବାୟୁ ଗୁଣବତ୍ତା ବିପଜ୍ଜନକ ସ୍ତରକୁ ଖସି ଆସିଛି। ବାୟୁ ଗୁଣବତ୍ତା ପରିଚାଳନା ଆୟୋଗ (CAQM) ସମ୍ମୁଖୀନ ହେଉଥିବା ଆହ୍ୱାନ ଉପରେ ଗୁରୁତ୍ୱାରୋପ କରିଛି। ଯଦିଓ ଆୟୋଗ ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛନ୍ତି, ତଥାପି ପାଣିପାଗ ଏବଂ ବାୟୁମଣ୍ଡଳୀୟ କାରକକୁ ନିୟନ୍ତ୍ରଣ କରିବା ପ୍ରାୟ ଅସମ୍ଭବ।

ପ୍ରଦୂଷଣକୁ ରୋକିବା ଓ ସାନ୍ଧ୍ରତା ନିର୍ଣ୍ଣୟ କରିବାରେ ଏହି କାରଣଗୁଡ଼ିକ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ପବନର ବେଗଠାରୁ ଆରମ୍ଭ କରି ପବନ ଦିଗ ପର୍ଯ୍ୟନ୍ତ ପ୍ରତ୍ୟେକ ଉପାଦାନ ପ୍ରଦୂଷଣ ଉପରେ ପ୍ରଭାବ ପକାଇଥାଏ। ଦୁର୍ଭାଗ୍ୟବଶତଃ ଗତ ଦୁଇ ସପ୍ତାହ ମଧ୍ୟରେ ଏହି କାରଣଗୁଡିକ ଅନୁକୂଳ ହୋଇନଥିଲା। ଫଳସ୍ୱରୂପ ବାୟୁ ସ୍ଥିର ହୋଇ ପ୍ରଦୂଷଣ ବୃଦ୍ଧି ପାଇଲା ।

ଅଧିକ ପଢ଼ନ୍ତୁ: Delhi Air Pollution: ବିଷ ବଳୟରେ ରାଜଧାନୀ ଦିଲ୍ଲୀ; ୱାର୍କ ଫ୍ରମ ହୋମ୍‌ କରିବେ ୫୦% ସରକାରୀ କର୍ମଚାରୀ

CAQM ଦ୍ୱାରା ପ୍ରଦାନ କରାଯାଇଥିବା ସୂଚନା ଦିଲ୍ଲୀ ଏବଂ ଅନ୍ୟ ସହରାଞ୍ଚଳରେ ବାୟୁ ପ୍ରଦୂଷଣର ସମାଧାନର ଜଟିଳତାକୁ ସୂଚିତ କରେ। ଯେହେତୁ ଗ୍ଲୋବାଲ୍ ୱାର୍ମିଂ ଏବଂ ଜଳବାୟୁ ପରିବର୍ତ୍ତନ ପାଣିପାଗର ଢାଞ୍ଚା ବଦଳାଇବାରେ ଲାଗିଛି, ବାୟୁ ଗୁଣବତ୍ତା ପରିଚାଳନା ପାଇଁ ସମାଧାନର ପରିକଳ୍ପନା କରିବା ସମୟରେ ନୀତି ନିର୍ଣ୍ଣୟକାରୀଙ୍କ ପାଇଁ ଏହିସବୁ ବିଷୟ ଉପରେ ବିଚାର କରିବା ଜରୁରୀ । ଏହି ବିଶ୍ୱସ୍ତରୀୟ ସମସ୍ୟାଗୁଡିକ ଦ୍ୱାରା ଉପ୍ତନ୍ନ ହେଉଥିବା ପ୍ରଦୂଷିତ ଆହ୍ୱାନକୁ ପ୍ରଭାବଶାଳୀ ଢଙ୍ଗରେ ମୁକାବିଲା କରିବା ପାଇଁ ଦୀର୍ଘକାଳୀନ ରଣନୀତିରେ ଜଳବାୟୁ ସ୍ଥିରତା ଅନ୍ତର୍ଭୂକ୍ତ କରାଯିବା ଆବଶ୍ୟକ ।