୫୧ଟି ଟ୍ରାକ୍ଟରରେ ୧୫୦ ବରଯାତ୍ରୀ : ଜୋରଦାର ପ୍ରୋସେସନ୍‌ କରି କନ୍ୟା ଘରେ ପହଞ୍ଚିଲା ବର

କାର ବି ବସ୍‌ ନୁହେଁ, ଟ୍ରାକ୍ଟରରେ ବାହାରିଲେ ବରଯାତ୍ରୀ । ନିଜେ ବର ଟ୍ରାକ୍ଟର ଚଳାଇ କନ୍ୟା ଘରେ ପହଞ୍ଚିଛନ୍ତି । ବିବାହ ଋତୁ ଆସିବା ମାତ୍ରେ ସୋସିଆଲ ମିଡିଆରେ ବିଭିନ୍ନ ପ୍ରକାର ମଜାଳିଆ ଏବଂ ଆଶ୍ଚର୍ଯ୍ୟଜନକ ଭିଡିଓ ଭାଇରାଲ ହେଉଛି । ଏପରି ଏକ ଭିଡିଓ ପୁଣି ଭାଇରାଲ ହେଉଛି ଲାଗିଛି, ଯାହା ଇଣ୍ଟରନେଟରେ ନିଆଁ ଲଗାଇ ଦେଇଛି । ଭିଡିଓରେ ଏକ ବିବାହ ଶୋଭାଯାତ୍ରା ଯାଉଥିବା ଦେଖିବାକୁ ମିଳୁଛି । ଯେଉଁଥିଲେ ବର ଏବଂ ବରଯାତ୍ରୀ କାର କିମ୍ବା ଅନ୍ୟ କୌଣସି ଗାଡିରେ ନୁହେଁ ବରଂ ଟ୍ରାକ୍ଟରରେ ଯାଉଛନ୍ତି ।

ଆଜିକାଲି ସମସ୍ତେ ନିଜ ବିବାହକୁ କିଛି ଅଲଗା ଏବଂ ସ୍ୱତନ୍ତ୍ର କରିବାକୁ ଚାହୁଁଛନ୍ତି । ଏପରି ପରିସ୍ଥିତିରେ ଜଣେ ଯୁବକ ୫୧ ଟି ଟ୍ରାକ୍ଟର ନେଇ ବିବାହ କରିବାକୁ କନ୍ୟା ପହଞ୍ଚିଥିଲେ । ଭାଇରାଲ୍ ଭିଡିଓରେ ଦେଖିବାକୁ ମିଳୁଛି, ଟ୍ରାକ୍ଟର ଗୁଡିକ ଲମ୍ବା ଲାଇନରେ ଯାଉଛନ୍ତି । ସମସ୍ତ ଟ୍ରାକ୍ଟର ଧୀରେ ଧୀରେ ପରସ୍ପର ପଛରେ ଗତି କରୁଛି । ଟ୍ରାକ୍ଟର ଲମ୍ବା ଲାଇନ୍ ଦେଖିଲେ ଲାଗୁଛି ସୈନ୍ୟମାନେ ଯେପରି ଯୁଦ୍ଧ ପାଇଁ ବାହାରିଛି ।

#WATCH | Rajasthan: A bridegroom arrived with 51 tractors as part of his wedding procession, from Sewniyala to Borwa village in Barmer district. The 1-km long wedding procession had around 150 guests and was led by the bridegroom who himself was driving a tractor. (08.06.2022) pic.twitter.com/euK16AO9LQ

— ANI (@ANI) June 9, 2022

ଏହି ଭିଡିଓ ନ୍ୟୁଜ୍ ଏଜେନ୍ସି ANI ଦ୍ୱାରା ସେୟାର କରାଯାଇଛି । ରାଜସ୍ଥାନରେ ଏକ ବିବାହ ଶୋଭାଯାତ୍ରାର ଏହି ଭିଡିଓ ବୋଲି ଜଣାପଡ଼ିଛି । ଯେଉଁଥିରେ ବର ତାଙ୍କ ୫୧ଟି ଟ୍ରାକ୍ଟର ଏବଂ ୧୫୦ ବରଯାତ୍ରୀ ସହ ବାହା ହେବାପାଇଁ ପହଞ୍ଚିଥିଲେ । ବର ନିଜେ ମଧ୍ୟ ଟ୍ରାକ୍ଟର ଚଳାଉଥିବା ଦେଖାଯାଉଛି । ଭିଡିଓଟି ବର୍ତ୍ତମାନ ପର୍ଯ୍ୟନ୍ତ ୨୩ ହଜାରରୁ ଅଧିକ ଥର ଲୋକେ ଦେଖି ସାରିଛନ୍ତି । ଲୋକମାନେ ଭିଡିଓ ଦେଖି ବିଭିନ୍ନ ପ୍ରକାର ମଜାଳିଆ ମନ୍ତବ୍ୟ ମଧ୍ୟ ଦେଉଛନ୍ତି ।