LIVE TV
ଖରାପ ପାଗ, ଆକସ୍ମିକ ବନ୍ୟା ଓ ଭୂସ୍ଖଳନ ଯୋଗୁଁ ବିବାହରେ ବାଧା । ପ୍ରକୃତିର କରାଳ ରୂପ ତଥା ପ୍ରାକୃତିକ ବିପର୍ଯ୍ୟୟ ପାଇଁ କନ୍ୟା ଘରେ ପହଞ୍ଚି ପାରିଲାନି ବର । ଶେଷରେ ଉଭୟ ପରିବାରଙ୍କ ସହମତିରେ ଅନଲାଇନ୍ରେ ବିବାହ କଲେ ବରକନ୍ୟା । ଭୀଷଣ ବର୍ଷା ହେବାରୁ ଭିଡିଓ କନ୍ଫରେନ୍ସିଙ୍ଗ୍ ଜରିଆରେ ସିମ୍ଲାର ଆଶିଷ ସିଂହ ଓ କୁଲ୍ଲୁର ଶିବାନୀ ଠାକୁରଙ୍କର ବାହାଘର ହୋଇଛି ।
ଗତ ଶନିବାର ଠାରୁ ଲଗାତାର ତିନି ଦିନ ଧରି ହିମାଚଳ ପ୍ରଦେଶରେ ମୂଷଳ ଧାରାରେ ବର୍ଷା ହେଉଛି । ଭୀଷଣ ବର୍ଷା ଯୋଗୁଁ ବନ୍ୟା, ଭୂସ୍ଖଳନ, ଘର ନଷ୍ଟ ହେବା ସହ ଅତି କମରେ ୩୧ ଜଣଙ୍କର ମୃତ୍ୟୁ ଘଟିଛି । ଆଉ ଏହାରି ଭିତରେ ସୋମବାର ଦିନ ସିମଲାର କୋଟଗଡ଼ ଗାଁରୁ ବରଯାତ୍ରୀ ଧରି କୁଲ୍ଲୁ ଜିଲ୍ଲା କନ୍ୟାଘରକୁ ଯାଇଥାଆନ୍ତେ ଆଶିଷ ସିଂହ । କିନ୍ତୁ ବର୍ଷା ପାଇଁ ବିବାହ ଯୋଜନା ଫସର ଫାଟିଗଲା । କାରଣ ଏପରି ପାଗରେ କନ୍ୟା ଘରକୁ ଯିବା ସମ୍ଭବପର ନଥିଲା । ତେଣୁ ଭିଡିଓ କଲ୍ ଜରିଆରେ ଆଶିଷ ଓ ଶିବାନୀଙ୍କ ବାହାଘର ପାଇଁ ସେମାନଙ୍କ ପରିବାର ଲୋକେ ନିଷ୍ପତ୍ତି ନେଇଥିଲେ ।
Also Read
ଏହି ଅନଲାଇନ ବିବାହରେ କିପରି ରୀତିନୀତି ସମ୍ପର୍ଣ୍ଣ ହୋଇଛି ସେସମ୍ପର୍କରେ କୌଣସି ସୂଚନା ନାହଁ । ତେବେ ବର୍ତ୍ତମାନ ସମୟରେ ପାଗ ଖରାପ ରହୁଥିବାରୁ କୁଆଡ଼େ ଗସ୍ତ ନକରିବା ପାଇଁ ସରକାର ଜନସାଧାରଣଙ୍କୁ ସତର୍କ କରାଇ ଦେଇଛନ୍ତି । ଏପରିକି ଘରୁ ବାହାରିବା ସମୟରେ ସଚେତନ ରହିବା ପାଇଁ ପରାମର୍ଶ ଦିଆଯାଇଛି ।
