LIVE TV
ଆପତ୍ତିଜନକ ମନ୍ତବ୍ୟ ଦେଇ ସସପେଣ୍ଡ୍ ହେଲେ ବିଜେପି ନେତା ନୂପୁର ଶର୍ମା ଏବଂ ନବୀନ ଜିନ୍ଦଲ । ଇସଲାମ ବିରୋଧରେ ବୟାନ୍ ଦେଇଥିବାରୁ ଉଭୟଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି ଦଳ । ଉଭୟଙ୍କୁ ଦଳର ପ୍ରାଥମିକ ସଦସ୍ୟତାରୁ ନିଲମ୍ବିତ କରାଯାଇଛି । ଏକ ଟିଭି ବିତର୍କ ସମୟରେ ନୂପୁର ଶର୍ମା ରସୁଲ ମହମ୍ମଦଙ୍କ ସମ୍ପର୍କରେ ଏକ ବିବାଦୀୟ ମନ୍ତବ୍ୟ ଦେଇଥିଲେ ।
ସେଥିପାଇଁ ତାଙ୍କୁ ଦଳରୁ ନିଲମ୍ବିତ କରିବା ସହ ତାଙ୍କ ବିରୋଧରେ ତଦନ୍ତ ନିର୍ଦ୍ଦେଶ ଦେଇଛନ୍ତି ଦଳ। ସେହିପରି ଦିଲ୍ଲୀ ବିଜେପିର ମିଡିଆ ପ୍ରଭାରୀ ନବୀନ ଜିନ୍ଦଲଙ୍କ ବିରୋଧରେ ମଧ୍ୟ ଦଳ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ନବୀନ କୁମାର ଜିନ୍ଦଲ ଏହି ପ୍ରସଙ୍ଗରେ କିଛି ବିବାଦୀୟ ଟ୍ୱିଟ୍ କରିଥିବା କୁହାଯାଉଛି ।
ଏହାପୂର୍ବରୁ ବିଜେପି ପକ୍ଷରୁ ଏକ ଚିଠି ଜାରି କରାଯାଇଛି । ହଜାର ହଜାର ବର୍ଷର ଭାରତର ଯାତ୍ରାରେ ଅନେକ ଧର୍ମର ଜନ୍ମ ହୋଇଛି ଏବଂ ବିକାଶ ହୋଇଛି । କୌଣସି ଧର୍ମର ଉପାସକମାନଙ୍କ ପ୍ରତି ଅପମାନ ଗ୍ରହଣୀୟ ନୁହେଁ ବୋଲି ବିଜେପି କହିଛି ।
ଦଳର ଜାତୀୟ ସାଧାରଣ ସମ୍ପାଦକ ଅରୁଣ ସିଂଙ୍କ ଦ୍ୱାରା ଜାରି ଏକ ପ୍ରେସ ବିଜ୍ଞପ୍ତିରେ ଦଳ କହିଛି, ଧର୍ମୀୟ ଭାବନାକୁ ଆଘାତ ଦେଇଥିବା କୌଣସି ଘଟଣାକୁ ଦଳ ଗ୍ରହଣ କରିବ ନାହିଁ । ଏହାସହ ଏପରି କୌଣସି ବିଚାର ଓ ଲୋକଙ୍କୁ ମଧ୍ୟ ଦଳ ଉତ୍ସାହିତ କରେନାହିଁ । ଭାରତର ପ୍ରତ୍ୟେକ ନାଗରିକ ସମସ୍ତ ଧର୍ମକୁ ସମ୍ମାନ କରିବା ଉଚିତ ।
ନିକଟରେ ଏକ ଟିଭି ନ୍ୟୁଜ୍ ଚ୍ୟାନେଲରେ ଏକ ବିତର୍କ ସମୟରେ ବିଜେପି ମୁଖପାତ୍ର ନୂପୁର ଶର୍ମା ମହମ୍ମଦଙ୍କ ବିରୋଧରେ ଅପମାନଜନକ ମନ୍ତବ୍ୟ ଦେଇଥିବାର ଅଭିଯୋଗ ହୋଇଥିଲେ । ଯେଉଁଥିପାଇଁ ସଂଖ୍ୟାଲଘୁ ସମ୍ପ୍ରଦାୟର ଲୋକମାନେ ଚିହିଙ୍କି ଉଠିଥିଲେ ।
ଏଭଳି ପରିସ୍ଥିତିରେ ବର୍ତ୍ତମାନ ବିଜେପି ରାଜ୍ୟ ସଭାପତି ଆଦେଶ ଗୁପ୍ତା ଏକ ଚିଠି ଜାରି କହିଛନ୍ତି , ନବୀନ କୁମାର ଜିନ୍ଦଲ ସୋସିଆଲ ମିଡିଆରେ ସାମ୍ପ୍ରଦାୟିକକୁ ଟାର୍ଗେଟ କରି ନିଜର ବିଚାର ପୋଷ୍ଟ କରିଥିଲେ । ଏହା ଭାରତୀୟ ଜନତା ପାର୍ଟିର ମୂଳ ବିଚାରକୁ ବିରୋଧ କରୁଛି।
ବକ୍ଷୋଭ ବେଳେ କାନପୁରରେ ହିଂସା ଦେଖାଦେଇଥିଲା . .
ତେବେ ଏହାରି ମଧ୍ୟରେ ନୂପୁର ଶର୍ମାଙ୍କ ବିବାଦୀୟ ବିବୃତ୍ତିକୁ ନେଇ ଶୁକ୍ରବାର ଦିନ କାନପୁରରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଦୋକାନ ବନ୍ଦ କରାଇବାକୁ ଚେଷ୍ଟା କରୁଥିବା ବେଳେ ଦୁଇ ସମ୍ପ୍ରଦାୟର ଲୋକମାନଙ୍କ ମଧ୍ୟରେ ସଂଘର୍ଷ ହୋଇଥିଲା । ପରସ୍ପର ଉପରେ ପଥର ଓ ବୋମା ଫିଙ୍ଗିବା ପରେ କେତେକ ଅଞ୍ଚଳରେ ହିଂସା ଆରମ୍ଭ ହୋଇଥିଲା । ଏହି ସଂଘର୍ଷରେ ଅନେକ ଲୋକ ଆହତ ହୋଇଥିବା ବେଳେ ଅଧା ଡର୍ଜନରୁ ଅଧିକ ଗୁରୁତର ଆହତ ହୋଇଥିଲେ ।
