ଆଉ ଡେଇଁ ଡେଇଁ ସ୍କୁଲ ଯିବନି ଦିବ୍ୟାଙ୍ଗ ଝିଅ : ସୀମାକୁ ମିଳିଲା କୃତ୍ରିମ ଗୋଡ଼

ଦିବ୍ୟାଙ୍ଗ ଝିଅର ମନୋବଳରେ ଲାଗିଗଲା ଡେଣା । ଦଇବର ଉପହାସକୁ ପାଦେ ପାଦେ ଚ୍ୟାଲେଞ୍ଜ କରୁଥିବା ସୀମାକୁ ମିଳିଲା ଦ୍ୱିତୀୟ ଗୋଡ଼ । ଏବେ ଗୋଟିଏ ଗୋଡ଼ରେ ଡେଇଁ ଡେଇଁ ନୁହେଁ, ଦୁଇ ଗୋଡ଼ରେ ସ୍କୁଲ ଯିବ । ସାଧାରଣ ପିଲାଙ୍କ ପରି ଦୁନିଆ ଦେଖିବ । ଆଉ ସେହି ନୂଆ ଦୁନିଆରେ ଦୁଇ ଗୋଡ଼ରେ ଚାଲିବ । କିଛି ଦିନ ପୂର୍ବରୁ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ ସୀମା ଗୋଟିଏ ଗୋଡରେ ସ୍କୁଲ ଯାଉଥିବା ଦେଖିବାକୁ ମିଳିଥିଲା ।

जमुई की सीमा को ट्राइसिकल भी मिली और कृत्रिम पैर भी लग गए लेकिन बिहार में लाखों बच्चे हैं जिन्हें शिक्षा तक नहीं मिल रही. सरकार को बहुत कुछ करना बाकी है. pic.twitter.com/3BQeYEqLyb

— Utkarsh Singh (@UtkarshSingh_) May 27, 2022

ଭିଡିଓଟି ଭାଇରାଲ ହେବା ପରେ ଝିଅର ଅସହାୟତାକୁ ଅନୁଭବ କରି ଲୋକମାନେ ସାହାଯ୍ୟର ହାତ ବଢ଼ାଇଥିଲେ । ଫଳରେ ବିହାର ଫତେହପୁର ଗାଁର ଦିବ୍ୟାଙ୍ଗ କୁନି ଝିଅ ସୀମାର ଦୁନିଆ ବଦଳି ଯାଇଛି । ସେ ଗୋଟିଏ ଗୋଡ଼ରେ ସ୍କୁଲ ଯାଉଥିବା ଭିଡିଓ ଭାଇରାଲ ହେବା ପରେ ତାଙ୍କୁ କୃତ୍ରିମ ଗୋଡ଼ ପ୍ରଦାନ କରାଯାଇଛି । ତେବେ ଦ୍ୱିତୀୟ ଗୋଡ଼ ପାଇଁ ସୀମାର ଖୁସି କହିଲେ ନସରେ । ଆଜି ଆଖି ତା’ର ଚିକ୍‌ମିକ୍‌ କରୁଛି । କାରଣ ଭିନ୍ନକ୍ଷମତା ତା’ର ସ୍ୱପ୍ନ ଆଗରେ ଆଉ କଣ୍ଟା ସାଜିପାରିବନି । ପାଠପଢ଼ି ଭବିଷ୍ୟତରେ ଶିକ୍ଷକତା କରିବାକୁ ଚାହୁଁଥିବା ସୀମା ବାପାମା’ର ଟେକ ରଖିବ ।

बहुत बढ़िया 👏 https://t.co/Q89bAfaBpc

— Umashankar Singh उमाशंकर सिंह (@umashankarsingh) May 27, 2022

ସୀମାକୁ କୃତ୍ରିମ ଗୋଡ଼ ମିଳିବା ପରେ ସୋସିଆଲ ମିଡିଆରେ ପୁଣି ଥରେ ତା’ର ଫଟୋ ଭାଇରାଲ ହେଉଛି । ଫଟୋରେ ଦେଖିବାକୁ ମିଳୁଛି ସୀମା ଦୁଇ ଗୋଡରେ ଛିଡ଼ା ହୋଇଛି । ଫଟୋରେ ତା ମୁହଁରେ ଖୁସି ସ୍ପଷ୍ଟ ଦେଖିବାକୁ ମିଳୁଛି । @UtkarshSingh_ ନାମକ ଏକ ଟ୍ୱିଟର ହ୍ୟାଣ୍ଡେଲରୁ ଏହି ଫଟୋ ସେୟାର କରାଯାଇଛି । ଲୋକମାନେ ଏହି ଚିତ୍ରକୁ ବହୁତ ପସନ୍ଦ କରୁଛନ୍ତି । ଏହି ଫଟୋ ଭାଇରାଲ ହେବା ପରେ ଲୋକେ ବିଭିନ୍ନ ପ୍ରକାର କମେଣ୍ଟ କରୁଛନ୍ତି। ଜଣେ ୟୁଜର କହିଛନ୍ତି – ଝିଅଟିକୁ ନୂଆ ଜୀବନ ମିଳିଛି, ସେ ଏବେ ଦୁନିଆକୁ ନୂଆ ରୂପରେ ଦେଖିବ ।