LIVE TV
ସ୍କୁଲ, କଲେଜ୍ରେ ବଢ଼ି ଚାଲିଚି ରାଗିଂ । କଠୋର କଟକଣା ସତ୍ତ୍ୱେ ନିୟମ ମାନୁ ନାହାନ୍ତି ଛାତ୍ରଛାତ୍ରୀ । ମଧ୍ୟପ୍ରଦେଶର ସବୁଠାରୁ ବଡ଼ ସରକାରୀ ଏମଜିଏମ୍ ମେଡିକାଲ କଲେଜ ଇନ୍ଦୋରରେ ଜୁନିଅର ଏମବିବିଏସ ଛାତ୍ରଛାତ୍ରୀଙ୍କୁ ରାଗିଂର ଏପରି ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି । ରତଲାମ ଜିଲ୍ଲାର ସରକାରୀ ମେଡିକାଲ କଲେଜରେ ଜୁନିଅର ଛାତ୍ରମାନଙ୍କୁ ସିନିୟର୍ ମାନେ ରାଗିଂ କରୁଥିବା ଭିଡିଓ ଭାଇରାଲ ହେଉଛି । ସରକାରୀ ମେଡିକାଲ କଲେଜର ବଏଜ୍ ହଷ୍ଟେଲରେ ଜୁନିଅର ଛାତ୍ରଛାତ୍ରୀଙ୍କୁ ଧାଡିରେ ଠିଆ କରାଇ ସିନିୟରମାନେ ଚାପୁଡ଼ା ମାରୁଥିବା ଦେଖିବାକୁ ମିଳୁଛି ।
ମଧ୍ୟପ୍ରଦେଶ ରତ୍ଲାମ ଜିଲ୍ଲାର ଏମଜିଏମ୍ ସରକାରୀ ମେଡିକାଲ କଲେଜର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି । ଜୁନିଅର ଏମ୍ବିବିଏସ୍ ଛାତ୍ରମାନଙ୍କୁ ରାଗିଂ କରୁଛନ୍ତି ସିନିୟର ଛାତ୍ର । ହଷ୍ଟେଲ ଭିତରେ ଜୁନିଅର ଛାତ୍ରଙ୍କୁ ଲାଇନ୍ରେ ଛିଡ଼ା କରାଇ ଚାପୁଡା ମାରିଛନ୍ତି ସିନିୟର୍ମାନେ । ମାଡ଼ ମାରିବା ସହ ଜୁନିୟର୍ ମାନଙ୍କୁ ଅଭଦ୍ର ଭାଷାରେ ଗାଳି ଗୁଳଜ କରୁଛନ୍ତି । କିଛି ସିନିୟର୍ ଜୁନିୟରଙ୍କ ଚୁଟି ଭିଡ଼ୁଥିବା ମଧ୍ୟ ଦେଖାଯାଉଛି । ୨ ମିନିଟ୍ ଏବଂ ୫୧ ସେକେଣ୍ଡ୍ ଭିଡିଓରେ ଜୁନିୟର୍ଙ୍କ ପ୍ରତି ସିନିୟଙ୍କର ବର୍ବରତାର ଭିଡିଓ ଦେଖି ବିଭିନ୍ନ କମେଣ୍ଟ୍ ଆସୁଛି ।
ଫିଜିଓଲୋଜି ବିଭାଗର ଡକ୍ଟର ଜଗଦୀଶ ଏହି ଘଟଣା ସମ୍ପର୍କରେ ସୂଚନା ଦେଇଛନ୍ତି । ହଷ୍ଟେଲ ୱାଡେର୍ନ ତାଙ୍କୁ ସେହି ଭିଡିଓ ପଠାଇଥିଲେ । ୨୦୨୦ ବ୍ୟାଚର ସିନିୟର ମାନେ ୨୦୨୧ ବ୍ୟାଚ୍ର ପିଲାଙ୍କୁ ରାଗିଂ କରିଥିବା କୁହାଯାଇଛି । ତେବେ ଏ ସମ୍ପର୍କରେ ନ୍ୟାସନାଲ ମେଡିକାଲ କମିଶନଙ୍କ ହେଲ୍ପଲାଇନ ମାଧ୍ୟମରେ କଲେଜ ପ୍ରଶାସନକୁ ଏହି ବିଷୟରେ ଅବଗତ କରାଯାଇଛି ।
ଏହା ପରେ କଲେଜର ଆଣ୍ଟି ରାଗିଂ କମିଟିର ବୈଠକ ଡକାଯାଇଥିଲା । ସମ୍ପ୍ରତି ରାଗିଂ ଘଟଣାକୁ ଦୃଷ୍ଟିରେ ରଖି ସମ୍ପୃକ୍ତ ବରିଷ୍ଠ ଛାତ୍ରମାନଙ୍କୁ ଛଅ ମାସ ପାଇଁ ହଷ୍ଟେଲରୁ ସ୍ଥାୟୀ ଭାବେ ବହିଷ୍କାର କରିବା ଓ ଏମାନଙ୍କ ବିରୋଧରେ ଅପରାଧିକ ମାମଲା ପଞ୍ଜୀକରଣ କରିବାକୁ କମିଟି ସୁପାରିଶ କରିଛି।
After the shocking episode of ragging at MGM Medical College in Indore,now in Ratlam juniors slapped by seniors, college committee has recommended the suspension of concerned seniors, permanent expulsion from the hostel. and lodging criminal case against them @ndtv @ndtvindia pic.twitter.com/DyBhgKzF9b
— Anurag Dwary (@Anurag_Dwary) July 30, 2022
