LIVE TV
ଆତଙ୍କବାଦୀଙ୍କ ଗୁଳିରେ ସହିଦ ହୋଇଥିବା କୁକୁର ଜୁମକୁ ସେନା ପକ୍ଷରୁ ଶେଷ ସମ୍ମାନ ପ୍ରଦାନ କରାଯାଇଛି । ଚିନାର କର୍ପର ଜେନେରାଲ୍ ଅଫିସର କମାଣ୍ଡିଙ୍ଗ ଇନ୍ ଚିଫ୍ ଲେଫ୍ଟନାଣ୍ଟ ଜେନେରାଲ୍ ଅମରଦୀପ ସିଂହ ଅଲଜା ଜୁମକୁ ପୁଷ୍ପମାଲ୍ୟ ଦେଇ ଶ୍ରଦ୍ଧାଞ୍ଜଳି ଦେଇଛନ୍ତି । ଜାମ୍ମୁ ଓ କାଶ୍ମୀରର ଅନନ୍ତନାଗରେ ଆତଙ୍କବାଦ ନିରୋଧୀ ଅଭିଯାନରେ ଆତଙ୍କବାଦୀଙ୍କ ଗୁଳି ବାଜିବାରୁ ଜୁମ୍ ଗୁରୁତର ଆହତ ହୋଇଥିଲା । ଶ୍ରୀନଗର ଆଡଭାନ୍ସଡ ଫିଲ୍ଡ ଭେଟେନାରୀ ହସ୍ପିଟାଲରେ ଚିକିତ୍ସାବେଳେ ଗତକାଲି ତାର ମୃତ୍ୟୁ ହୋଇଛି ।
ଅଧିକ ପଢ଼ନ୍ତୁ: ଆତଙ୍କୀ ଗୁଳିରେ ଆହତ ହୋଇଥିବା ଆର୍ମି କୁକୁର ‘ଜୁମ୍’ ସହିଦ୍
Also Read
#WATCH | 29 Army Dog Unit pays tributes to Indian Army Dog 'Zoom' in Jammu. He passed away yesterday at 54 AFVH (Advance Field Veterinary Hospital) in Srinagar where he was under treatment after sustaining two gunshot injuries in Op Tangpawa, Anantnag, J&K on 9th Oct. pic.twitter.com/0nlU7Mm7Ti
— ANI (@ANI) October 14, 2022
ଜୁମର ବୟସ ଅଢ଼େଇ ବର୍ଷ । ଦୁର୍ଦ୍ଧର୍ଷ ବେଲ୍ଜିଆନ୍ ମାଲିନୋଏସ୍ ପ୍ରଜାତିର କୁକୁର ଜୁମ୍ । ୧୦ ମାସ ଧରି ସେ ଭାରତୀୟ ସେନା ପାଇଁ କାମ କରୁଥିଲା । ତେବେ ଦେଶ ପାଇଁ ସେ ଦେଇଥିବା ବଳିଦାନ ସମ୍ପର୍କରେ ଜାଣିବା ପରେ ଲୋକମାନେ ତା‘ର ଶୁଭମନାସି ପ୍ରାର୍ଥନା କରୁଥିଲେ । ହେଲେ ଶତ ଚେଷ୍ଟା ସତ୍ତ୍ୱେ ଜୁମ୍ ବଞ୍ଚି ପାରିଲା ନାହିଁ । କେବଳ ଆତଙ୍କବାଦୀଙ୍କୁ ଧରିବା ଏବଂ ହତ୍ୟା କରିବା ପାଇଁ ଜୁମକୁ ତାଲିମ ଦିଆଯାଇଥିଲା । ଆଉ ସେ ମଧ୍ୟ ଖୁବ୍ ମନ ଲଗାଇ କାମ କରୁଥିଲା ।
Army Assault Canine 'Zoom' laid down his life in the line of duty. He suffered gunshot wounds during Op Tangpawa on 09 Oct 22 where he fought gallantly with terrorists, saving lives of soldiers. His selfless commitment and service to the Nation will be remembered forever. pic.twitter.com/R6i7Cv5WG5
— Chinar Corps🍁 - Indian Army (@ChinarcorpsIA) October 13, 2022
ସୂଚନାଯୋଗ୍ୟ ରବିବାର ଅନନ୍ତନାଗର ତଙ୍ଗପାୱା ଅଞ୍ଚଳରେ କିଛି ଆତଙ୍କବାଦୀ ଲୁଚି ରହିଥିବା ଖବର ମିଳିଥିଲା । ସୁରକ୍ଷାକର୍ମୀ ରାତି ତମାମ ଆତଙ୍କବାଦୀ ଲୁଚି ରହିଥିବା ଅଞ୍ଚଳକୁ କର୍ଡନ କରିଥିଲେ । ସୋମବାର ଆତଙ୍କବାଦୀ ଲୁଚି ରହିଥିବା ଗୋଟିଏ ସନ୍ଦିଗ୍ଧ ଘର ଭିତରକୁ ଜୁମ୍କୁ ଛଡ଼ା ଯାଇଥିଲା । ଜୁମ୍ ମଧ୍ୟ ଆତଙ୍କବାଦୀଙ୍କୁ ଠାବ କରି ସେମାନଙ୍କୁ ଆକ୍ରମଣ କରିଥିଲା । ତେବେ ଏହି ଲଢ଼େଇ ବେଳେ ଦୁଇଟି ଗୁଳି ତା’ ଦେହରେ ମାଡ଼ ହେବାରୁ ସେ ଗୁରୁତର ହୋଇଥିଲା ।
