LIVE TV
ଗୁଜୁରାଟର ଭରୁଚରେ ଥିବା ଏକ କେମିକାଲ ଫ୍ୟାକ୍ଟ୍ରିରେ ଭୟାବହ ବିସ୍ଫୋରଣ । ଏଥିରେ କମ୍ପାନୀର ୬ ଜଣ କର୍ମଚାରୀଙ୍କ ମୃତ୍ୟୁ ଘଟିଛି । ଏହି ଦୁର୍ଘଟଣା ପରେ କମ୍ପାନୀର ଜଣେ କର୍ମଚାରୀ ନିଖୋଜ ଅଛନ୍ତି । ଖବର ପାଇବା ପରେ ଘଟଣାସ୍ଥଳରେ ପହଞ୍ଚିଥିବା ପୋଲିସ ଉଦ୍ଧାର କାର୍ଯ୍ୟ ଆରମ୍ଭ କରିଛି ଏବଂ ଏକ ମାମଲା ରୁଜୁ କରି ଦୁର୍ଘଟଣାର କାରଣ ଅନୁସନ୍ଧାନ ଆରମ୍ଭ କରିଛି ।
ଅହମ୍ମଦାବାଦ ଠାରୁ ପ୍ରାୟ ୨୩୫ କିଲୋମିଟର ଦୂରରେ ଥିବାଇଣ୍ଡଷ୍ଟ୍ରିଆଲ୍ ଅଞ୍ଚଳରେ ଆଜି ସକାଳ ପ୍ରାୟ ୩ ଟାରେ ଏହି ଘଟଣା ଘଟିଛି । ବିସ୍ଫୋରଣ ଏତେ ଭୟଙ୍କର ଥିଲା କମ୍ପାନୀରେ କାମ କରୁଥିବା ୫ ଜଣ କର୍ମଚାରୀ ଜୀବନ୍ତ ଜଳିଯାଇଛନ୍ତି । ବିସ୍ଫୋରଣର ଶବ୍ଦ ବହୁ ଦୂର ପର୍ଯ୍ୟନ୍ତ ଶୁଣାଯାଇଥିଲା । ଚାରିଆଡେ ଖୋଜାଖୋଜି କରୁଥିବା ବିସ୍ଫୋରଣ ପରେ ଜଣେ କର୍ମଚାରୀ ନିଖୋଜ ଥିବା କୁହାଯାଉଛି।
ତେବେ ଭରୁଚଙ୍କ କେମିକାଲ ଫ୍ୟାକ୍ଟ୍ରିରେ ଏପରି ଦୁର୍ଘଟଣାର ପ୍ରଥମ ଘଟଣା ନୁହେଁ । ଏହାପୂର୍ବରୁ ମଧ୍ୟ ଏଠାରେ କମ୍ପାନୀ ଗୁଡିକରେ ବିସ୍ଫୋରଣର ହୋଇ ଜୀବନହାନୀ ହୋଇଥିବାର ନଜିର ରହିଛି । ଏହାପୂର୍ବରୁ ୨୩ ଫେବୃଆରୀ ୨୦୨୧ GIDCର ଏକ କେମିକାଲ ଫ୍ୟାକ୍ଟ୍ରିରେ UPL-5 ପ୍ଲାଣ୍ଟରେ ନିଆଁ ଲାଗିଯାଇଥିଲା । ସେହି ଅଗ୍ନିକାଣ୍ଡରେ ୨୪ଜଣ ଗୁରୁତର ଆହତ ହୋଇଥିଲେ । ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ଏହାର ଶବ୍ଦ ୧୫ କିଲୋମିଟର ଦୂରରେ ଶୁଣାଗଲା ।
ବିସ୍ଫୋରଣ ହେତୁ ଆଖପାଖ ଗାଁଗୁଡ଼ିକ ଭୂକମ୍ପ ଭଳି ଅନୁଭବ କରିଥିଲେ । କେତେକ ଗାଁରେ ଲୋକମାନେ ଘରୁ ବାହାରକୁ ବାହାରି ଆସିଥିଲେ । ଆହତମାନଙ୍କୁ ଭରୁଚ ଏବଂ ବଡ଼ୋଦରା ଡାକ୍ତରଖାନାରେ ଭର୍ତ୍ତି କରାଯାଇଥିଲା।
