LIVE TV
ବୟସରେ ଛୋଟ କିନ୍ତୁ କାମରେ ବଡ଼ । ୫ ବର୍ଷ ପିଲାର ନିଆରା ପ୍ରୟାସ । ଶୁଣିଲେ ହେବେ ତାଜୁବ । ମଦ ଦୋକାନ ବନ୍ଦ କରିବାକୁ କୋର୍ଟରେ ପହଞ୍ଚିଛନ୍ତି ୫ ବର୍ଷର ଛାତ୍ର । ସ୍କୁଲ ପାଖରେ ଚାଲିଥିବା ମଦ ଦୋକାନକୁ ହଟାଇବା ପାଇଁ ଜଣେ ପାଞ୍ଚ ବର୍ଷର LKG ଛାତ୍ର ପଦକ୍ଷେପ ନେଇଛନ୍ତି । ମଦ ଦୋକାନ ବନ୍ଦ କରିବା ପାଇଁ ସେ ହାଇକୋର୍ଟରେ ପିଆଇଏଲ୍ ମଧ୍ୟ ଦାଖଲ କରିଛନ୍ତି ।
ସେ କହିଛନ୍ତି ଯେ, ‘ମଦ ଦୋକାନ ଥିବାରୁ ଲୋକମାନେ ମଦ୍ୟପାନ କରନ୍ତି, ପରସ୍ପରକୁ ଦୁର୍ବ୍ୟବହାର କରନ୍ତି ଓ ଝଗଡା କରନ୍ତି । ଏହା ପିଲାଙ୍କ ଉପରେ ଖରାପ ପ୍ରଭାବ ପକାଉଛି ।’ ହାଇକୋର୍ଟ ଏ ନେଇ ଏକ୍ସାଇଜ୍ ବିଭାଗରୁ ଉତ୍ତର ମାଗିଛନ୍ତି । ୧୩ ମାର୍ଚ୍ଚରେ ଏହି ମାମଲାର ଶୁଣାଣି ହେବ ।
Also Read
ଛାତ୍ରଙ୍କ ଓକିଲ ଆଶୁତୋଷ ଶର୍ମା କହିଛନ୍ତି ଯେ, ‘ମଦ ଦୋକାନ ବିଦ୍ୟାଳୟଠାରୁ ୫୦ ମିଟର ଦୂରରେ ଖୋଲିବାର ନିୟମକୁ ଭାଙ୍ଗି ୩୦ ମିଟର ବ୍ୟାସାର୍ଦ୍ଧରେ ଚାଲିଛି ବୋଲି ଆବେଦନରେ କୁହାଯାଇଛି । ନିର୍ଦ୍ଦିଷ୍ଟ ସମୟ ପୂର୍ବରୁ ସନ୍ଧ୍ୟା ୭ଟା ପର୍ଯ୍ୟନ୍ତ ମଦ ଦୋକାନ ଖୋଲାଯାଏ ଓ ପ୍ରାଣୀ ଉଦ୍ୟାନର ସୀମା ପ୍ରାଚୀର ନିକଟରେ ମଦ ପିଉଥିବା ଲୋକମାନେ ଦୁର୍ବ୍ୟବହାର ଓ ଝଗଡା କରନ୍ତି । ଜିଲ୍ଲା ମାଜିଷ୍ଟ୍ରେଟଙ୍କ ନିକଟରେ ଅଭିଯୋଗ କରାଯାଇଥିଲା କିନ୍ତୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ ।’
ଏକ୍ସାଇଜ୍ ବିଭାଗ କହିଛି ଯେ ୩୦ ବର୍ଷରୁ ମଦ ଦୋକାନ ଚାଲୁଥିଲା ଏବଂ ୨୦୧୯ରେ ସ୍କୁଲ ଖୋଲା ଯାଇଥିଲା । ବିଦ୍ୟାଳୟ ଖୋଲିବା ପରେ ମଦ ଦୋକାନର ଲାଇସେନ୍ସ କିପରି ନବୀକରଣ କରାଯାଉଛି ସେନେଇ ହାଇକୋର୍ଟ ଏକ୍ସାଇଜ୍ ବିଭାଗରୁ ଉତ୍ତର ମାଗିଛନ୍ତି । ତାଙ୍କ ବାପା ଜିଲ୍ଲା ମାଜିଷ୍ଟ୍ରେଟଙ୍କ ନିକଟରେ ଅଭିଯୋଗ କରିଥିଲେ । ୧୮ ଜୁଲାଇ ୨୦୨୩ରେ, ଛାତ୍ରଙ୍କ ବାପା ନିୟମକୁ ଭାଙ୍ଗି ଏକ ମଦ ଦୋକାନ ଖୋଲିବା ବିଷୟରେ ଜିଲ୍ଲା ମାଜିଷ୍ଟ୍ରେଟଙ୍କ ନିକଟରେ ଅଭିଯୋଗ କରିଥିଲେ ।
ତଦନ୍ତ ପରେ ଏକ୍ସାଇଜ୍ ବିଭାଗ ଗ୍ରୀନ୍ ସିଗନାଲ୍ ଦେଇଛି...
ମୁଖ୍ୟମନ୍ତ୍ରୀ ପୋର୍ଟାଲରେ ଅଭିଯୋଗ କରିବା ପରେ ଜିଲ୍ଲା ଏକ୍ସାଇଜ୍ ଅଧିକାରୀ ତଦନ୍ତ କରି ୨୦ ଜୁଲାଇ, ୨୦୨୩ରେ ଜିଲ୍ଲା ମାଜିଷ୍ଟ୍ରେଟଙ୍କ ନିକଟରେ ଏକ ରିପୋର୍ଟ ଦାଖଲ କରିଥିଲେ । କୁହାଯାଉଥିଲା ଯେ ମଦ ଦୋକାନ ସମୟ ପୂର୍ବରୁ ଖୋଲା ନଥିଲା । ଏହି ଦୋକାନ ବିଦ୍ୟାଳୟଠାରୁ ୨୦-୩୦ ମିଟର ବ୍ୟାସାର୍ଦ୍ଧରେ ରହିଛି । ନିୟମକୁ ଦର୍ଶାଇ କୁହାଯାଇଛି ଯେ ଗୋଟିଏ ବିଦ୍ୟାଳୟର ୫୦ ମିଟର ମଧ୍ୟରେ ଏକ ମଦ ଦୋକାନ ଖୋଲାଯାଇପାରିବ ନାହିଁ, କିନ୍ତୁ ଯଦି ମଦ ଦୋକାନ ପରେ ଏକ ସ୍କୁଲ ଖୋଲାଯାଏ, ତେବେ ଏହି ବ୍ୟବସ୍ଥା ଲାଗୁ ହେବ ନାହିଁ ।
