LIVE TV
ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ଭାବେ ଆଜି ଶପଥ ନେବେ ସୁଖବିନ୍ଦର ସିଂ ସୁଖୁ । ଗତକାଲି କଂଗ୍ରେସ ବିଧାୟକ ଦଳ ବୈଠକରେ ସୁଖବିନ୍ଦରଙ୍କ ନାଁରେ ମୋହର ଲାଗିଛି । ଏହାପରେ ସରକାର ଗଠନ ନେଇ ରାଜ୍ୟପାଳଙ୍କୁ ଭେଟିଛନ୍ତି ସୁଖବିନ୍ଦର । ଛତିଶଗ଼ଡ଼ ମୁଖ୍ୟମନ୍ତ୍ରୀ ତଥା AICC ପର୍ଯ୍ୟବେକ୍ଷକ ଭୂପେଶ ବଘେଲଙ୍କ ସୂଚନା ଅନୁସାରେ, ଆଜି ଦିନ ୧୧ଟାରେ ସୁଖବିନ୍ଦର ସିଂ ସୁଖୁ ହିମାଚଳପ୍ରଦେଶ ମୁଖ୍ୟମନ୍ତ୍ରୀ ଭାବେ ଶପଥ ନେବେ।
ସେହିପରି ଉପମୁଖ୍ୟମନ୍ତ୍ରୀ ଭାବେ ଶପଥ ନେବେ ପାଂଚ ଥରର ବିଧାୟକ ମୁକେଶ ଅଗ୍ନିହୋତ୍ରୀ । ହିମାଚଳପ୍ରଦେଶରେ କିଏ ମୁଖ୍ୟମନ୍ତ୍ରୀ ହେବେ, ତାକୁ ନେଇ ଦୁଇ ଦିନ ହେଲା ଜୋରଦାର କସରତ ଚାଲିଥିଲା । ହିମାଚଳ ପ୍ରଦେଶ କଂଗ୍ରେସ ସଭାପତି ପ୍ରତିଭା ସିଂ ମୁଖ୍ୟମନ୍ତ୍ରୀ ରେସରେ ସବୁଠୁ ଆଗରେ ଥିବା ଚର୍ଚ୍ଚା ହେଉଥିଲା । ତେବେ କଂଗ୍ରେସ ହାଇକମାଣ୍ଡ ସୁଖବିନ୍ଦର ସିଂ ସୁଖୁଙ୍କ ନାଁ ଘୋଷଣା କରିଛି ।
Also Read
ସୁଖବିନ୍ଦରଙ୍କ ସପକ୍ଷରେ ବହୁ କଂଗ୍ରେସ ବିଧାୟକଙ୍କ ସମର୍ଥନ ବି ରହିଛି । ମୁଖ୍ୟମନ୍ତ୍ରୀ ଭାବେ ହାଇକମାଣ୍ଡ ତାଙ୍କ ନାଁରେ ମୋହର ମାରିଥିବାରୁ ସୋନିଆ ଗାନ୍ଧୀ, ପ୍ରିୟଙ୍କା ଗାନ୍ଧୀ ଏବଂ ହିମାଚଳର ଜନସାଧାରଣଙ୍କୁ କୃତଜ୍ଞତା ଜଣାଇଛନ୍ତି ସୁଖବିନ୍ଦର । ରାଜ୍ୟରେ ତାଙ୍କ ନେତୃତ୍ୱରେ ସରକାର ପରିବର୍ତ୍ତନ ଆଣିବ ବୋଲି ସୁଖବିନ୍ଦର କହିଛନ୍ତି । ନିର୍ବାଚନ ବେଳେ ହିମାଚଳବାସୀଙ୍କୁ ସେ ଦେଇଥିବା ସମସ୍ତ ପ୍ରତିଶ୍ରୁତି ପୂରଣ କରାଯିବ ଏବଂ ରାଜ୍ୟର ବିକାଶ ପାଇଁ ସରକାର କାମ କରିବେ ବୋଲି ସୁଖବିନ୍ଦର କହିଛନ୍ତି ।
ସୁଖବିନ୍ଦର ସିଂ ସୁଖୁ ହିମାଚଳ ପ୍ରଦେଶର ଚାରି ଚାରି ଥରର ବିଧାୟକ ଦଳର ନିର୍ବାଚନ ପ୍ରଚାର କମିଟି ମୁଖ୍ୟ । ୫୮ ବର୍ଷୀୟ ସୁଖବିନ୍ଦର ନଦାଉଁ ନିର୍ବାଚନମଣ୍ଡଳୀରୁ ବିଜୟୀ ହୋଇଛନ୍ତି । ବିଜେପିର ବିଜୟ କୁମାରଙ୍କୁ ୩ହଜାର ୩ଶହ ଭୋଟରେ ମାତ୍ ଦେଇଛନ୍ତି ସୁଖବିନ୍ଦର । ୨୦୦୩ରୁ ଏଯାଏଁ ପାଂଚଥର ବିଧାନସଭା ନିର୍ବାଚନ ଲଢିଥିବା ବେଳେ ୪ଥର ବିଜୟୀ ହୋଇଛନ୍ତି ।
୨୦୧୩ରୁ ୨୦୧୯ ଯାଏଁ ସେ ରାଜ୍ୟ କଂଗ୍ରେସ ସଭାପତି ଦାୟିତ୍ୱରେ ଥିଲେ ,ଉଖବିନ୍ଦର । ଛାତ୍ର ସମୟରୁ ରାଜନୀତି ସହ ଜଡିତ ସୁଖବିନ୍ଦର ଦୁଇ ଦୁଇ ଥର କାଉନସିଲର ଭାବେ ମଧ୍ୟ ନିର୍ବାଚିତ ହୋଇଛନ୍ତି । ଚଳିତ ନିର୍ବାଚନରେ ଦଳ ବିଜୟୀ ହେବା ପରେ ମୁଖ୍ୟମନ୍ତ୍ରୀ ରେସ୍ରେ ସବୁଠୁ ଆଗରେ ଥିବା ରାଜ୍ୟ କଂଗ୍ରେସ ମୁଖ୍ୟ ପ୍ରତିଭା ସିଂ ଏବଂ ବିରୋଧୀ ଦଳ ନେତା ମୁକେଶ ଅଗ୍ନିହୋତ୍ରୀଙ୍କୁ ପଛରେ ପକାଇଦେଇଛନ୍ତି ସୁଖବିନ୍ଦର । ମିଳିଥିବା ସୂଚନା ଅନୁସାରେ, ସୁଖବିନ୍ଦରଙ୍କ ପାଖରେ ନବନିର୍ବାଚିତ ହୋଇଥିବା ୪୦ ବିଧାୟକଙ୍କ ମଧ୍ୟରୁ ୨୫ ବିଧାୟକଙ୍କ ସମର୍ଥନ ରହିଛି ।
