ବୁଲ୍ଲି ବାଇ ପରେ ସୁଲ୍ଲି ଡିଲ୍‌ ଆପ୍ ତିଆରି କରିଥିବା ଅଭିଯୁକ୍ତକୁ ଧରିଲା ପୋଲିସ୍‌

ଇନ୍ଦୋର : ବୁଲ୍ଲି ବାଇ ପରେ ପୋଲିସ୍ କବଜାରେ ସୁଲ୍ଲି ଡିଲ୍‌ ଆପର ମାଷ୍ଟରମାଇଣ୍ଡ୍ । ମଧ୍ୟପ୍ରଦେଶର ଇନ୍ଦୋରରୁ ସଂଖ୍ୟାଲଘୁ ସଂମ୍ପ୍ରଦାୟର ମହିଳାଙ୍କ ଫଟୋ ଅପଲୋଡ୍ କରି 'ନିଲାମ' ଡାକୁଥିବା ' ସୁଲ୍ଲି ଡିଲ୍' ଆପ୍ ତିଆରି କରିଥିବା ଅଭିଯୁକ୍ତକୁ ଗିରଫ କରିଛି ଦିଲ୍ଲୀ ପୋଲିସର ସାଇବର କ୍ରାଇମ ୟୁନିଟ୍ । ଗିରଫ ହୋଇଥିବା ଅଭିଯୁକ୍ତ ହେଲେ ଇନ୍ଦୋରର ନ୍ୟୁୟର୍କ ସିଟି ଟାଉନସିପ୍ ନିବାସୀ ୨୫ ବର୍ଷିୟ ଓଙ୍କାରେଶ୍ୱର ଠାକୁର । ଅଭିଯୁକ୍ତଙ୍କୁ ଘରୁ ଗିରଫ କରିଛି ପୋଲିସ । ସେ ଆଇପିଏସ୍ ଏକାଡେମୀ ଇନ୍ଦୋରରୁ ବିସିଏ କରିଛନ୍ତି ।

ସୁଲ୍ଲି ଡିଲ୍ ମାମଲାରେ ଆହରି ଅନେକ ଲୋକ ସାମିଲ ପଚରାଉଚରା ବେଳେ ଓଙ୍କାରେଶ୍ୱର ଖୁଲାସା କରିଛି । ସେ ଟ୍ୱିଟରରେ ଏକ ଟ୍ରେଡ୍‌ ଗ୍ରୁପର ସଦସ୍ୟ ଥିଲା ଏବଂ ସଂଖ୍ୟା ଲଘୁ ଶ୍ରେଣୀର ମହିଳାମାନଙ୍କୁ ବଦନାମ ତଥା ଟ୍ରୋଲ କରିବା ପାଇଁ ମତାମତ ବାଣ୍ଟୁଥିବା କଥା ସ୍ୱୀକାର କରିଛି । ଏହାସହ ସେ GitHubରେ କୋଡ୍ ବିକଶିତ କରିଥିବା ନେଇ ମଧ୍ୟ ସ୍ୱୀକାର କରିଛନ୍ତି ।

GitHub ରେ ଥିବା ସମସ୍ତ ସଦସ୍ୟଙ୍କ ପାଖରେ ଥିଲା କୋଡର ଆକ୍ସେସ୍ । ସେ ଏହି ଆପକୁ ନିଜ ଟ୍ୱିଟର ଆକାଉଣ୍ଟରେ ମଧ୍ୟ ସେୟାର କରିଥିଲେ । ଏହାସହ ଗ୍ରୁପର ସଦସ୍ୟଙ୍କ ଦ୍ୱାରା ସଂଖ୍ୟାଲଘୁ ମହିଳା ଫଟୋ ଅପଲୋଡ୍ କରାଯାଉଥିବା କଥା ମଧ୍ୟ ସେ ସ୍ୱୀକାର କରିଛନ୍ତି ।

ପୋଲିସ ସୂଚନା ଅନୁସାରେ ଜାନୁଆରୀ ୨୦୨୦ରେ ଓଙ୍କାରେଶ୍ୱର ତାଙ୍କ ଟ୍ୱିଟର ହ୍ୟାଣ୍ଡେଲ @gangescion ଜରିଆରେ ଟ୍ୱିଟରରେ ଏକ ଗ୍ରୁପରେ ଯୋଗ ଦେଇଥିଲେ । ଏହି ଗୋଷ୍ଠୀର ନାମ ଥିଲା ଟ୍ରେଡ୍ ମହାସଭା । ଏହି ଗୋଷ୍ଠୀରେ ସଂଖ୍ୟାଲଘୁ ମହିଳାମାନଙ୍କୁ ଟ୍ରୋଲ କରିବା ପାଇଁ ବିତର୍କ ହେଉଥିଲା ।

ଏହା ପରେ ସେ GitHub ରେ ସଲି ଡିଲ୍ ଆପ୍ ତିଆରି କରିଥିଲେ । କିନ୍ତୁ ସୁଲ୍ଲି ଡିଲ୍‌ ଆପକୁ ନେଇ ବିବାଦ ବଢ଼ିବାରୁ ସେ ତାଙ୍କର ସମସ୍ତ ସୋସିଆଲ୍ ମିଡିଆର ପାଦଚିହ୍ନ ଡିଲିଟ୍ କରିଦେଇଥିଲେ । ବର୍ତ୍ତମାନ ତାଙ୍କ ଠାରୁ ଜବତ ହୋଇଥିବା ଗ୍ୟାଜେଟ ଗୁଡ଼ିକୁ ନେଇ ପୋଲିସ ଅନୁସନ୍ଧାନ ଜାରି ରଖିଛି ।

OTV is now on Whatsapp

Join and get latest news update delivered to you via whatsapp

Join Now