LIVE TV
କଂଗ୍ରେସର ଇସ୍ତାହାର ପତ୍ର ପ୍ରକାଶ ପାଇବାର ଦିନକ ପରେ ଶ୍ୟାମ୍ ପିଟ୍ରୋଡା ଦେଲେ ବିସ୍ଫୋରକ ବୟାନ । ଆଉ ତାଙ୍କ ବୟାନ୍ କଂଗ୍ରେସର ଭଲ ପାଇଁ ଥିଲା ନା ଡୁବାଇବା ପାଇଁ ଥିଲା। ତାକୁ ନେଇ ଏବେ ଖୁବ୍ ଚର୍ଚ୍ଚା । ଗୋଟିଏ ପଟେ କଂଗ୍ରେସ ପକ୍ଷରୁ ଆକର୍ଷଣୀୟ ଇସ୍ତାହାର ପତ୍ର ପ୍ରକାଶ ପାଇଥିବା ବେଳେ ସବୁ ଆଶା ଉପରେ ପାଣି ଢ଼ାଳି ଦେଇଛନ୍ତି ପିଟ୍ରୋଡା । ସେ ସିଧା ସିଧା ସ୍ୱୀକାର କରିଛନ୍ତି ଆଉ କହିଛନ୍ତି, କଂଗ୍ରେସ ଆସିଲେ ମଧ୍ୟବିତ୍ତ ଶ୍ରେଣୀର ଲୋକଙ୍କ ପାଇଁ ବଢ଼ିବ ଟିକସ ।
Also Read
ଏକ ଗଣମାଧ୍ୟମ ସଂସ୍ଥାକୁ ସାକ୍ଷାତକାର ଦେଲା ବେଳେ ଏଭଳି କହିଛନ୍ତି ପିଟ୍ରୋଡା । ଏନେଇ ଏକ ଭିଡିଓ ମଧ୍ୟ ଭାଇରାଲ ହେଉଛି । ତେବେ ଏହି ଭିଡିଓ କେତେ ସତ କେତେ ମିଛ ସେନେଇ ଆମେ କୌଣସି ପ୍ରକାର ଯୁକ୍ତି ରଖୁନାହୁଁ ।
ଭିଡିଓରେ ଦେଖିବାକୁ ମିଳିଛି ଯେ, ଜଣେ ବ୍ୟକ୍ତି ପିଟ୍ରୋଡାଙ୍କୁ ପଚାରୁଛନ୍ତି କଂଗ୍ରେସ ଯେଉଁଭଳି ଭାବେ ମାଗଣା ଯୋଜନା ସବୁ ଘୋଷଣା କରିଛି, ସେହି ସବୁ ଯୋଜନା ଲାଗୁ ପାଇଁ ଟଙ୍କା କେଉଁଠୁ ଆସିବ । ଆଉ ସେହି ଟଙ୍କା ଆଦାୟ କରିବାକୁ ହେଲେ ଟିକସ ବଢ଼ାଇବାକୁ ହେବ । ଯାହାକି ସାଧାରଣ ତଥା ମଧ୍ୟବିତ୍ତ ଶ୍ରେଣୀର ଲୋକଙ୍କ ଉପରେ ପଡ଼ିବ ।
ତେବେ ଉକ୍ତ ବ୍ୟକ୍ତିଙ୍କ କଥାକୁ ସ୍ୱୀକାର କରିଛନ୍ତି ପିଟ୍ରୋଡା, ଆଉ ସେହି ଭିଡିଓରେ ହିଁ କହିଛନ୍ତି ଯେ, ମଧ୍ୟବିତ୍ତଙ୍କ ପାଇଁ ଟିକସ ବଢ଼ିବ ସତ । ହେଲେ ଏହା ବିଶେଷ ପ୍ରଭାବ ପକାଇବ ନାହିଁ ।
ମାତ୍ର ୫୦ ସେକେଣ୍ଡର ଏହି ଭିଡିଓରେ ଅନେକ କମେଣ୍ଟ ଆସିଛି । ଲୋକେ କଂଗ୍ରେସକୁ ପୁଣି ପ୍ରତ୍ୟାକ୍ଷାନ କରିବେ ବୋଲି ଚେତାବନୀ ଦେଇଛନ୍ତି ।
ତେବେ ଶ୍ୟାମ ପିଟ୍ରୋଡା ହେଉଛନ୍ତି ରାହୁଲ ଗାନ୍ଧିଙ୍କ ରାଜନୈତିକ ପରାମର୍ଶ ଦାତା ।
If Congress Wins, then
— Megh Updates 🚨™ (@MeghUpdates) April 8, 2024
TAXES will go up for middle class for financing subsidies and freebies promised !
Middle class, Don't be selfish , Have Big Heart, Says Rahul Gandhi’s Advisor Sam Pitroda pic.twitter.com/m4GKPK5EFE
