ଆୟ ବହିର୍ଭୂତ ସମ୍ପତ୍ତିଠୁଳ ଅଭିଯୋଗରେ ଗିରଫ ହୋଇଥିବା ଭଂଜନଗର ଏକ୍ଜିକ୍ୟୁଟିଭ୍ ଇଞ୍ଜିନିୟର କାର୍ତ୍ତିକେଶ୍ୱର ରାଉଳଙ୍କ ସମ୍ପର୍କୀୟଙ୍କ ଠାରୁ ପୁଣି ପୁଳାପୁଳା ଟଙ୍କା ଜବତ ହୋଇଛି । ଆଜି ଭୋରରୁ ଭୁବନେଶ୍ୱର ସାଲିଆ ସାହିରେ ଭିଜିଲାନ୍ସ ଟିମ୍ ଚଢଉ କରି ନଗଦ ୧କୋଟି ୪୧ ଲକ୍ଷ ୬୨ ହଜାର ୪ଶହ ଟଙ୍କା ଜବତ କରିଛି ।
ସୂଚନା ଅନୁସାରେ, କାର୍ତ୍ତିକେଶ୍ୱରଙ୍କ ଦ୍ୱିତୀୟ ପତ୍ନୀ କଳ୍ପନା ପ୍ରଧାନଙ୍କ ଭଉଣୀଙ୍କ ଠାରୁ ୧କୋଟି ୪୧ ଲକ୍ଷ ଟଙ୍କା ଜବତ ହୋଇଛି । କେବଳ ଏତିକି ନୁହେଁ ଏହାସହ ୩୫୪ଗ୍ରାମ୍ ସୁନା ଜବତ ହୋଇଛି କାର୍ତ୍ତିକେଶ୍ୱରଙ୍କ ପତ୍ନୀଙ୍କୁ ଜେରାବେଳେ ତାଙ୍କଠାରୁ ଅଚଳାଚଳ ସମ୍ପତ୍ତି ସମ୍ପର୍କରେ ସୁରାକ ମିଳିଥିଲା ।
ଏହାସହ କାର୍ତ୍ତିକେଶ୍ୱରଙ୍କ ପତ୍ନୀଙ୍କ ଭଉଣୀ ପୋଖରୀପୁଟରେ ୭୮ ଲକ୍ଷ ଟଙ୍କା ଦେଇ ଏକ ଟ୍ରିପଲେକ୍ସ କିଣିଥିବା ଜଣାପଡିଛି । ଭିଜିଲାନ୍ସ ପକ୍ଷରୁ କାର୍ତ୍ତିକେଶ୍ୱରଙ୍କ ବିଭିନ୍ନ ସ୍ଥାନରେ ଚଢଉ ବେଳେ ଏଯାବତ୍ ୩ କୋଟି ୪୧ ଲକ୍ଷ ୬୬ ହଜାର ଟଙ୍କା ମିଳିଥିବା ସୂଚନା ମିଳିଛି ।