ଏମିତି ଗାଁ ଯେଉଁଠି ସମସ୍ତେ ରୁହନ୍ତି ବିନା କପଡାରେ

ଦୁନିଆରେ ଏପରି ଅନେକ ସ୍ଥାନ ଅଛି ଯାହା ଅଜବ ଜୀବନଯାପନ ପାଇଁ ଜଣାଯାଏ। ଏହିସବୁ ସ୍ଥାନ ଅଛି ବିଷୟରେ ଜାଣିଲେ ଯେକେହି କି ଆଶ୍ଚର୍ଯ୍ୟ ହେବେ। ସାଧାରଣତଃ ଲୋକମାନେ ଯେତେବେଳେ ବାହାରକୁ ଯାଆନ୍ତି ଚିକ୍କଣ ଚାକ୍କଣ ହୋଇ ଭଲ ପୋଷାକ ପିନ୍ଧି ବାହାରନ୍ତି। କିନ୍ତୁ ଏ ଦୁନିଆରେ ଏପରି ଏକ ଗାଁ ଅଛି ଯେଉଁଠାରେ ଲୋକମାନେ ଏକ ଅଜବ ପରମ୍ପରାକୁ ନେଇ ଜୀବନଯାପନ କରନ୍ତି। ଏହି ଗାଁର ଲୋକମାନେ ୯୦ ବର୍ଷ ଧରି ଏକ ଅଜବ ପରମ୍ପରା ଅନୁସରଣ କରୁଛନ୍ତି। ତେବେ ଆସନ୍ତୁ ଜାଣିବା ଏହି ଗାଁର ଏହି ଅଦ୍ଭୁତ ପରମ୍ପରା ବିଷୟରେ।

ଏହି ଅଦ୍ଭୁତ ଗାଁଟି ବ୍ରିଟେନରେ ଅବସ୍ଥିତ। ଏଠାରେ ଲୋକମାନେ ଗତ ୯୦ ବର୍ଷ ଧରି ବିନା ପୋଷାକରେ ରହୁଛନ୍ତି। ଆପଣ ହୁଏତ ଏହାକୁ ବିଶ୍ୱାସ କରିପାରିବେ ନାହିଁ, କିନ୍ତୁ ଏହା ସମ୍ପୂର୍ଣ୍ଣ ସତ। ରିପୋର୍ଟ ଅନୁଯାୟୀ, ବ୍ରିଟେନର ଏହି ଗାଁର ଲୋକମାନେ ବର୍ଷ ବର୍ଷ ଧରି କୌଣସି ପୋଷାକ ନ ପିନ୍ଧି ଜୀବନ ବିତାଉଛନ୍ତି। ଏହି ଗାଁରେ ଲୋକଙ୍କ ଦୁଇଟି କୋଠରୀ ବିଶିଷ୍ଟ ବଙ୍ଗଳା ମଧ୍ୟ ଅଛି।

ଏହି ଗାଁରେ ରହୁଥିବା ଲୋକଙ୍କ ପାଖରେ ସମସ୍ତ ସୁବିଧା ରହିଛି, କିନ୍ତୁ ଏଠାକାର ଲୋକମାନେ ଏକ ବିଶ୍ୱାସ ଏବଂ ପରମ୍ପରାକୁ ଅନୁସରଣ କରନ୍ତି, ଯେଉଁଥିପାଇଁ ସେମାନେ ପୋଷାକ ପିନ୍ଧନ୍ତି ନାହିଁ। ଏହି ଗ୍ରାମଟି ବ୍ରିଟେନର ହର୍ଟଫୋର୍ଡଶାୟାରରେ ରହିଛି ଯାହାର ନାମ ସ୍ପିଲପ୍ଲାଟଜ୍। ଏହି ଗାଁରେ ପିଲାମାନଙ୍କଠାରୁ ବୃଦ୍ଧ ପର୍ଯ୍ୟନ୍ତ କେହି ବି ପୋଷାକ ପିନ୍ଧନ୍ତି ନାହିଁ।

ଜର୍ମାନରେ ସ୍ପିଲପ୍ଲାଜ୍‌ର ଅର୍ଥ ଖେଳ ପଡିଆ। ହର୍ଟଫୋର୍ଡଶାୟାରରେ ଅବସ୍ଥିତ ଏହି ଅନନ୍ୟ ଗାଁ ବ୍ରିଟେନର ସର୍ବ ପୁରାତନ ଉପନିବେଶ। ଏହି ଗାଁରେ ସୁନ୍ଦର ଘର, ସୁଇମିଂ ପୁଲ୍‌ ଥିବାବେଳେ ଲୋକମାନେ ମଦ୍ୟପାନ ପାଇଁ ବିୟର ମଧ୍ୟ ପାଇଥାନ୍ତି। କୁହାଯାଏ ଯେ ୯୦ ବର୍ଷରୁ ଅଧିକ ସମୟ ଧରି ଏହି ଅନନ୍ୟ ଗାଁରେ ଲୋକମାନେ ଏହିପରି ଜୀବନ ବିତାଉଛନ୍ତି।

କୁହାଯାଏ, ଏହି ସମ୍ପ୍ରଦାୟ ୧୯୧୯ ମସିହାରେ ସ୍ପିଲ୍‌ପ୍ଲାଟଜ୍ ଗ୍ରାମରେ ରହୁଥିବା ୮୨ ବର୍ଷିୟ ଇସେଲ୍ଟ ରିଚାର୍ଡସନ୍‌ଙ୍କ ପିତାଙ୍କ ଦ୍ୱାରା ଏହି ସମୁଦାୟକୁ ପ୍ରତିଷ୍ଠିତ ହୋଇଥିଲା। ସେ କହିଛନ୍ତି ଯେ ପ୍ରକୃତିପ୍ରେମୀ ଏବଂ ରାସ୍ତାକଡରେ ରହୁଥିବା ଲୋକଙ୍କ ମଧ୍ୟରେ କୌଣସି ପାର୍ଥକ୍ୟ ନାହିଁ।

ଏହି ଗାଁର ଅନନ୍ୟ ପରମ୍ପରା ବିଷୟରେ ଦୁନିଆର ଅନେକ ଲୋକ ଡକ୍ୟୁମେଣ୍ଟାରୀ ଏବଂ କ୍ଷୁଦ୍ର ଚଳଚ୍ଚିତ୍ର ମଧ୍ୟ ନିର୍ମାଣ କରିଛନ୍ତି। ପୋଷ୍ଟ୍‌ମେନ୍‌ ଏବଂ ଦୋକାନ ବଜାରରୁ ସାମଗ୍ରୀ ବିତରଣ କରିବାକୁ ଲୋକମାନେ ଏହି ଗାଁକୁ ଆସନ୍ତି।