ଟମାଟୋ ଦରରେ ନିଆଁ; କେଉଁଠି ୧୦୦ ତ କେଉଁଠି ୧୨୦

ସେଞ୍ଚୁରି ମାରିଲା ଟମାଟୋ କିଲୋ । ଏବେ ଟମାଟୋ କିଲୋ ୧୦୦ ଟଙ୍କା ପାର୍ କରିଛି । ବଜାରରେ କିଏ ୧୦୦ ଟଙ୍କାରେ ବିକୁଛି ତ ଆଉ କିଏ ୧୨୦ରେ ବିକୁତିବାର ଦେଖିବାକୁ ମିଳିଛି । ଫଳରେ ପରିବା ମାର୍କେଟକୁ ଗଲେ ଟମାଟୋରୁ ମୁହଁ ଫେରାଇ ନେଉଛନ୍ତି ଗ୍ରାହକ । ଯାହାର କିଲେ ଦରକାର, ସେ ଅଢେଇଶ ନେଇ କାମ ଚଳାଇ ଦେଉଛି ।

ଆଜି ଭୁବନେଶ୍ୱର ୧ ନମ୍ବର ମାର୍କେଟ ଓ କଟକ ଛତ୍ରବଜାରରେ ଟମାଟୋ କେଜି ୧୦୦ରୁ ୧୧୦ ଟଙ୍କାରେ ବିକ୍ରି ହେଉଥିବାର ଦେଖିବାକୁ ମିଳିଛି । ଟମାଟୋ ସାଧାରଣତଃ ନାସିକ୍ ଓ ରାୟପୁରରୁ ଆସିଥାଏ । ତେବେ ବାତ୍ୟା ଭୟରେ ଭୁବନେଶ୍ୱରକୁ ଯୋଗାଣ ବନ୍ଦ ହୋଇଥିବାରୁ ଦର ବଢିଥିବା କୁହାଯାଉଛି ।