ଦମ୍‌ଦାର ଜୁଗାଡ୍ ! ୱାଗ୍‌ନର ଗାଡ଼ିକୁ ଅଟୋରେ ପରିଣତ କଲେ ଏହି ଯୁବକ

ଭାରତ ହେଉଛି ଜୁଗାଡ୍‌ର ଗନ୍ଥାଘର । ଏଠାରେ ଲୋକେ ନିଜ ବୃଦ୍ଧି ବଳରେ ଅନେକ କିଛି ଜୁଗାଡ୍ କରିଥାନ୍ତି । ଯାହା ଲୋକଙ୍କ ଭାବନା ବାହାରେ ଥାଏ । ଠିକ୍ ଏହିପରି ଏକ ବିଚିତ୍ର ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ୍ ହେବାରେ ଲାଗିଛି । ଯାହାକୁ ଦେଖିଲେ ହୁଏତ ଆପଣ ନିଜ ହସକୁ ଅଟକାଇ ପାରିବେ ନାହିଁ । ତେବେ ଆସନ୍ତୁ ଜଣିବା ଏହି ହାସ୍ୟଜନକ ଭିଡିଓ ବିଷୟରେ ।

ନିକଟରେ ସୋସିଆଲ୍‌ ମିଡିଆରେ ଏକ ଭିଡିଓଟି ବେଶ୍ ଭାଇରାଲ୍‌ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ, ରାସ୍ତାରେ ଏକ ଲାଲି ରଙ୍ଗର ୱାଗ୍‌ନର ଗାଡ଼ି ଯାଉଛି । ହେଲେ ଆଗରୁ ଦେଖିଲେ ଏହା ଅଟୋ ପରି ଜଣାପଡ଼ୁଛି । ଗାଡ଼ିରେ ବସିଥିବା ଚାଳକ ଜଣକ ଏହି ଗାଡ଼ିକୁ ଚଲାଉଛନ୍ତି । ବାସ୍ତବରେ ଏହି ଗାଡ଼ିକୁ ଦେଖିଲେ ସ୍ପଷ୍ଟ ଜଣାପଡୁଛି ଯେ, ଏହା ଏକ ୱାଗନର ଗାଡ଼ି ଯାହାକୁ ଜୁଗାଡ୍‌ ମାଧ୍ୟମରେ ଏକ ଅଟୋରେ ପରିବର୍ତ୍ତନ କରାଯାଇଛି ।

ସବୁଠୁ ଆଶ୍ଚର୍ଯ୍ୟର ବିଷୟ ହେଉଛି ଗାଡ଼ିଟି ପଛରୁ ଦେଖିବାକୁ ଏକ ସାଧାରଣ କାର୍ ପରି ହୋଲେ ସାମ୍ନାରୁ ଦେଖିଲେ ଏହା ଅବିକଳ ଅଟୋ ପରି ଦେଖାଯାଉଛି । ଏହାସହ ଏହି ଭିଡିଓରୁ ଜଣାପଡୁଛି ଯେ, ଏହି ହାଇବ୍ରିଡ୍ର ଅଟୋ-କାର୍‌ରେ ୪ଟି ସିଟ୍‌ ଥିବାବେଳେ ତିନୋଟି ଚକ ରହିଛି ।

ଦେଖନ୍ତୁ ଏହି ଭାଇରାଲ୍‌ ଭିଡ଼ିଓ:-

ଏହି ଭିଡ଼ିଓଟି ସୋସିଆଲ୍‌ ମିଡିଆ ପ୍ଲାଟ୍‌ଫର୍ମ ଇନଷ୍ଟାଗ୍ରାମରେ ସେୟାର ହୋଇଛି । ଭିଡିଓଟି ସେୟାର ହୋଇଥିବା ସହ ଏଥିରେ ଲେଖାଯାଇଛି ଯେ, ‘ଏହା କେବଳ ଭାରତରେ ହିଁ ହୋଇପାରିବ’ ।

ତେବେ ୨୦୨୨ ମାରୁତି ୱାଗନ୍‌ରରେ ଏକାଧିକ ଫିଚର୍ସର ଅପସନ୍‌ ରହିଛି । ଭାରତୀୟ ରାସ୍ତାରେ ସାଧାରଣତ ବ୍ୟବହୃତ କାରଗୁଡିକ ମଧ୍ୟରୁ ୱାଗନ୍‌ର ଅନ୍ୟତମ । କେବଳେ ଏତିକି ନୁହେଁ ଏହାର ସୁଲଭତା ହେତୁ ମଧ୍ୟବିତ୍ତମାନଙ୍କ ମଧ୍ୟରେ ଏହା ଖୁବ୍‌ ଲୋକପ୍ରିୟ ରହିଛି ।