ପେଟେ ମଦ ପିଇ ସାର୍‌ ସ୍କୁଲ ଯାଉଥିଲେ, ବାଟରେ..

ରାସ୍ତା କଡରେ ବାଇକ ଛିଡା ହୋଇଛି, ଆଉ ରାସ୍ତା ପାଖରେ ମାତାଲ ଶିକ୍ଷକ ଗଡୁଛନ୍ତି। ତାହା ପୁଣି ଫୁଲ୍‌ ସ୍କୁଲ ୟୁନିଫର୍ମରେ । ଏ ଭିଡିଓ ଦେଖିଲେ ଆପଣ କହିବେ, ଏଭଳି ଶିକ୍ଷକ ଆମ ଛୁଆଙ୍କୁ ମଣିଷ କରିବେ, ଯାହାଙ୍କର ନିଜର ହୋସ୍‌ ନାହିଁ । ଆମ ସାର ଏତେ ମାତ୍ରାରେ ପିଇଛନ୍ତି ଯେ ପୂରା ବେହୋସ୍‌ ହୋଇ ରାସ୍ତା କଡରେ ଗଳିପଡିଛନ୍ତି ।

ଗାଡି ନମ୍ବର 0D-03-N-7482 । ବାସ୍‌ ଏଇ ଗାଡିରେ ବସି ଆସିଲେ ଜୋର ନିଶା ହେବାରୁ ରାସ୍ତା କଡରେ ଗଡିପଡ଼ିଲେ। ଶିକ୍ଷକଙ୍କ ଏହି ଭିଡିଓ ସୋସିଆଲ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି ।

ମଦ ପିଇ ମାତାଲ ହେଲେ ଶିକ୍ଷକ । ସ୍କୁଲ ଯିବା ବେଳେ ରାସ୍ତା କଡ଼ରେ ଏମିତି ପଡିଲେ ଯେ ରାସ୍ତାରେ ଯିଏ ଗଲା ସିଏ ଦେଖିଲା। ଆଉ ସେହି ମାତାଲ ଲୋକ ଜଣକ ହେଉଛନ୍ତି ଜଣେ ସହକାରୀ ଶିକ୍ଷକ । ଭିଡିଓରେ ଦେଖାଯାଉଥିବା ଏହି ଶିକ୍ଷକ ଜଣକ ହେଲେ ପାଟଣାଗଡ଼ ଉପଖଣ୍ଡ ସହକାରୀ ଶିକ୍ଷକ ଖଗେଶ୍ୱର ବାରଲେବିଡ଼ିଆ।

ମଙ୍ଗଳବାର ଦିନ ୧୧ ଟା ସମୟରେ ପାଟଣାଗଡ଼ -ପଦ୍ମପୁର ରାସ୍ତାର ଚିକିଟାମାଳ ଛକଠାରେ ଏମିତି ମାତାଲ ହୋଇ ପଡ଼ିଥିବା ବେଳେ ସ୍ଥାନୀୟ ଲୋକ ଭିଡ଼ିଓ କରିଥିଲେ । ଯାହା ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ତେବେ ଏନେଇ ସମ୍ପୃକ୍ତ ଶିକ୍ଷକ କିମ୍ବା ପ୍ରଶାସନର ପ୍ରତିକ୍ରିୟା ମିଳିପାରିନାହିଁ ।

(ରିପୋର୍ଟ- ବଲାଙ୍ଗୀର ପାଟଣାଗଡରୁ କରୁଣାକର ବୁଡେକ)