ଫିମ୍ପିକୁ ବିଭିନ୍ନ ମାଧ୍ୟମରେ ବ୍ୟବହାର କରି ଏବଂ ଗହମକୁ ବିଶୋଧନ କରି ପ୍ରସ୍ତୁତ ହେଉଛି ଛତୁ ମଞ୍ଜି । ଆଉ ମଞ୍ଜି ସବୁକୁ ବୋତଲରେ ପୁରାଇ ରଖାଯାଉଛି। ଏତେ ମାତ୍ରାରେ ଛତୁ ଫଳୁଛି ଯେ ପୂରା ରାଜ୍ୟରେ ଏହାର ଚାହିଦା ବଢିଗଲାଣି । ଖାଲି ଛତୁମଂଜି ନୁହେଁ ବରଂ ଛତୁର ବି ଚାଷ କରାଯାଉଛି । ଆଉ ରାତି ପାହିବା ମାତ୍ରେ ଛତୁ ନେବା ପାଇଁ ବେପାରୀଙ୍କ ଲମ୍ବା ଲାଇନ୍ ଲାଗୁଛି ।
ଦିନେ ଅଟୋ ଚଳାଇ ପରିବାର ପ୍ରତିପୋଷଣ କରୁଥିଲେ, ଏବେ ସଫଳ ଛତୁ ଚାଷୀ ହେଲେ। ନିଜ ପରିଶ୍ରମ ଓ ଇଚ୍ଛାଶକ୍ତି ବଳରେ ନିଜେ ଜଣେ ସଫଳ ଚାଷୀ ହେବା ପରେ ପାଖାଆଖ ଲୋକଙ୍କୁ ରୋଜଗାର ମଧ୍ୟ ଦେବାରେ ସଫଳ ହୋଇଛନ୍ତି ପ୍ରଦୀପ୍ତ । ଛତୁ ଚାଷ ପାଇଁ ଜଣେ ମୁଖ୍ୟ ପ୍ରଶିକ୍ଷକଙ୍କ ପ୍ରତ୍ୟେକ୍ଷ ତତ୍ୱାବାଧାନରେ ଚାଲିଛି ଏହି ଚାଷ। ପ୍ରଦୀପ୍ତଙ୍କ ଛତୁ ମଞ୍ଜିର ଚାହିଦା ଏବେ ଆଉ ସାଲେପୁର ଭିତରେ ସୀମିତ ନାହିଁ । କଟକ ଜିଲ୍ଲା ସମେତ ଆଖପାଖ ଜିଲ୍ଲାରେ ମଧ୍ୟ ପ୍ରଦୀପ୍ତଙ୍କ ଛତୁ ମଞ୍ଜିର ଚାହିଦା ଢେର ବଢ଼ିଲାଣି। ଖାଲି ସେତିକି ନୁହେଁ ଛତୁ ମଞ୍ଜି ତିଆରି ସହ ଛତୁ ଚାଷ ମଧ୍ୟ ହେଉଛି ଏହି ଫାର୍ମରେ।
Also Read
ନିଜସ୍ୱ ପରିଶ୍ରମ ବଳରେ ଏହି ଫାର୍ମରୁ ନିତିଦିନ କ୍ୱିଣ୍ଟାଲ କ୍ୱିଣ୍ଟାଲ ଛତୁ ବାହାରୁଛି । ପ୍ରଦୀପ ଛତୁ ଚାଷ କରି ନିଜେ ଭଲ ଦୁଇ ପଇସା ରୋଜଗାର କରିବା ସହ ପାଖାଆଖ ଅଂଚଳର ଯୁବକ-ଯୁବତୀଙ୍କୁ ମଧ୍ୟ ରୋଜଗାର ଦେଉଛନ୍ତି । ତେବେ ଆଗାମୀ ଦିନରେ ଆହୁରି ବିଭିନ୍ନ ପ୍ରକାର ଛତୁ ଚାଷ କରି ଭଲ ଦୁଇ ପଇସା ରୋଜଗାର କରିବାକୁ ଲକ୍ଷ୍ୟ ରଖିଛନ୍ତି ପ୍ରଦୀପ ।
ନିରବିଚ୍ଛିନ୍ନ ପ୍ରୟାସ ଓ ନିଷ୍ଠାପର ଉଦ୍ୟମ ଫଳରେ ସବୁକିଛି ସମ୍ଭବ ହୁଏ । ସାଧରଣ ଅଟୋ ଚାଳକରୁ ଛତୁ ଚାଷୀ ଆଉ ଏବେ ମଞ୍ଜି ତିଆରି କରି ଛତୁ ଇଦ୍ୟୋଗ କରି ଅତି ସଫଳତାର ସହ ନିଜ ପରିଚୟ ତିଆରି କରିଛନ୍ତି କଟକ ଜିଲ୍ଲା ସାଲେପୁର ବ୍ଲକ ମହାଜନପୁର ଗାଁର ପ୍ରଦୀପ୍ତ କୁମାର ନାଥ।ପ୍ରଦୀପ୍ତଙ୍କ ଏହି ପ୍ରଗତିର କାହାଣୀ ଦେଖିବା ପାଇଁ ଚାଲନ୍ତୁ ଯିବା ତାଙ୍କ ଫାର୍ମକୁ।