କୁନି ହାତରେ ରାମାୟଣ ଲେଖା; ଆମାଜନ୍‌ରେ ହେବ ପବ୍ଲିସ୍‌

କୌଣସି ପୌରାଣିକ ଶାସ୍ତ୍ର ପୁସ୍ତକ ରଚନା କରିବାକୁ ହେଲେ ଯେ କେତେ ବଡ ବଡ ଗ୍ରନ୍ଥ ପଢ଼ିବା ସହ ତର୍କ ଶାସ୍ତ୍ର, ଦର୍ଶନ ଶାସ୍ତ୍ର ଆଦି ଭଲ କରି ପଢିବା ଆବଶ୍ୟକ, ତାହାକୁ ଭୁଲ ପ୍ରମାଣିତ କରିଛନ୍ତି ୮ ବର୍ଷୀୟ ଓଡ଼ିଆ ଝିଅ ଓସିନ । TV ରେ ରାମାନନ୍ଦ ସାଗରଙ୍କ ରାମାୟଣ ଧାରାବାହିକ ଦେଖି ଯାହା ମନେ ରହିଲା ତାକୁ ଲେଖୁ ଲେଖୁ ଗୋଟେ ବଡ ଗ୍ରନ୍ଥ ହୋଇଗଲା । ଏବେ ଆମାଜନ ଭଳି ଆନ୍ତର୍ଜାତିକ ସଂସ୍ଥା ଓସିନ ଲେଖିଥିବା ରାମାୟଣକୁ ଛାପି ବିକ୍ରି କରିବ ।

କୁନି ଝିଅ ହାତରେ ମହାନ ଗୀତିକାବ୍ୟ ରାମାୟଣ । ଏହି ଇଂରାଜୀ ପୁସ୍ତକର ରଚୟିତା ସେ ନିଜେ । ନା ଓସିନ୍, ବୟସ ମାତ୍ର ୮ ବର୍ଷ ବାପା-ମାଆଙ୍କ ସହ ରୁହନ୍ତି । ରାଜଧାନୀ ଭୁବନେଶ୍ୱରରେ ଏକ ଘରୋଇ ପବ୍ଲିକ ସ୍କୁଲରେ ତୃତୀୟ ଶ୍ରେଣୀରେ ପଢ଼ିଥିବା ଓସିନ୍ ଇଂରାଜୀରେ ରାମାୟଣର ପ୍ରଥମ ଖଣ୍ଡ- ବାଲ କାଣ୍ଡ ଏବଂ ଅଯୋଧ୍ୟା କାଣ୍ଡ ଲେଖି ଚର୍ଚ୍ଚାକୁ ଆସିଛନ୍ତି ।

ପୁସ୍ତକଟି ଅତି ଶୀଘ୍ର ଜାତୀୟ ଏବଂ ଆନ୍ତର୍ଜାତୀୟ ବଜାରରେ ଉପଲବ୍ଧ ହେବାକୁ ଯାଉଛି । ଏହାର ପ୍ରକାଶନ ଓ ବିତରଣ ଦାୟିତ୍ୱ ନେଇଛି ଆମାଜନ ଭଳି ଆନ୍ତର୍ଜାତିକ ସଂସ୍ଥା । ପ୍ରଥମ ଲହରରେ ସାରା ଦେଶ ଲକ୍‌ଡାଉନ୍‌ରେ ଥିଲା । ସ୍କୁଲ ବନ୍ଦ ଥିବାରୁ ନିଜର ଫ୍ରି ଟାଇମରେ TV ରେ ପ୍ରସାରିତ ରାମାୟଣ ଦେଖି ପ୍ରଭାବିତ ହୋଇଥିଲେ । ଯାହା ଦେଖୁଥିଲେ ତାହା ଲେଖୁଥିଲେ, ରାମାୟଣର ଚରିତ୍ରଙ୍କ ଚିତ୍ର ବି ଆଙ୍କୁଥିଲେ । ଲେଖିବା ଅଭ୍ୟାସ ଜାରି ରଖିଥିଲେ । ବାପା-ମାଆ ମଧ୍ୟ ଝିଅର ଏହି ଅଭ୍ୟାସକୁ ସମର୍ଥନ ଦେଇ ଆଗକୁ ଅଧିକ ଲେଖିବାକୁ ପ୍ରୋତ୍ସାହିତ କରିଥିଲେ ।

ଓସିନ ଲେଖିଥିବା ମୂଳ ଲେଖା ଇଂରାଜୀ ଭାଷାରେ ପୁସ୍ତକ ରେ ସ୍ଥାନ ପାଇଛି । ବାପା ତାଙ୍କର କିଛି ଶବ୍ଦର ଓ ବନାନ ଓ ବ୍ୟାକରଣକୁ ସଜାଡ଼ିଛନ୍ତି । ଏହି ରାମାୟଣ ପୁସ୍ତକ ଶିଶୁ ମାନଙ୍କ ଠାରୁ ଆରମ୍ଭ କରି ବୟସ୍କ ଲୋକଙ୍କର କାମରେ ଆସିବ ବୋଲି ବାପା ମାଆ ଆଶା ରଖିଛନ୍ତି ।

ବଜାରରେ ବହୁ ଭାଷାରେ ରାମାୟଣ ପୁସ୍ତକ ମିଳୁଛି ହେଲେ ଏହି ରାମାୟଣ ପୁସ୍ତକରେ ହାତ ଅଙ୍କା ଚିତ୍ର କାହାଣୀ ରହିଛି ।

ରିପୋର୍ଟର- ନିରଞ୍ଜନ ରେଡ୍ଡୀ