କାର୍ତ୍ତିକ ମାସର ପ୍ରଥମ ସୋମବାର, ସନ୍ଧ୍ୟାରେ ଆୟୋଜନ ହେବ ଭଜନ କୀର୍ତ୍ତନ

ଭୁବନେଶ୍ୱର: ଆଜି ପବିତ୍ର ମାସ କାର୍ତ୍ତିକର ପ୍ରଥମ ସୋମବାର ରାଜ୍ୟର ବିଭିନ୍ନ ଶୈବ ପୀଠରେ ଶ୍ରଦ୍ଧାଳୁଙ୍କ ଭିଡ଼ ଜମିଛି ।ମହାଦେବଙ୍କ ଦର୍ଶନ କରି ଆଶିଷ ଲାଭ କରୁଛନ୍ତି ଶ୍ରଦ୍ଧାଳୁ। ସେହିପରି ଶ୍ରୀକ୍ଷେତ୍ର ପୁରୀରେ ଶ୍ରଦ୍ଧାଳୁଙ୍କ ସମାଗମ ହୋଇଛି। ଭୋରରୁ ସ୍ନାନ ସାରି ତୁଳସୀ ଚଉରା ନିକଟରେ ପୂଜାର୍ଚ୍ଚନା କରି ବ୍ରତ ପାଳନ କରୁଛନ୍ତି ହବିଷ୍ୟାଳି। ଚଳିତ ବର୍ଷ କରୋନା କଟକଣା ଥିବାରୁ ହବିଷ୍ୟାଳିଙ୍କ ଭିଡ ଏତେଟା ନାହିଁ । ଲଜ୍ ଓ ହୋଟେଲରେ ହବିଷ୍ୟାଳିଙ୍କୁ ନ ରଖିବା ପାଇଁ ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି। ଏପରିକି ଏ ବର୍ଷ ପୁରୀ ନ ଆସିବାକୁ ହବିଷ୍ୟାଳିଙ୍କୁ ଅନୁରୋଧ କରିଥିଲା ପୁରୀ ଜିଲ୍ଲା ପ୍ରଶାସନ। ତେବେ ପ୍ରଥମ ସୋମବାର ପାଇଁ ରାଜ୍ୟର ବିଭିନ୍ନ ସ୍ଥାନରେ ସନ୍ଧ୍ୟାରେ ଭଜନ କୀର୍ତ୍ତନର ମଧ୍ୟ ଆୟୋଜନ କରାଯାଇଛି। 

Also Read

କଥା ଦେଇ କଥା ରଖିଲେ ପ୍ରେମୀକ। ଆଇସିୟୁରେ ପ୍ରେମିକାଙ୍କୁ କଲେ ବିବାହ

ଦିଲ୍ଲୀରେ କୋରାପୁଟର ସ୍ୱତନ୍ତ୍ର ଧାନ ‘କଳାଜିରା’, GI ଟ୍ୟାଗ୍‌ ମାନ୍ୟତା ପାଇଁ ଉଦ୍ୟମ

67th National Film Awards: ମେଗାଷ୍ଟାର୍‌ ରଜନୀକାନ୍ତ, ଧନୁଷ, କଙ୍ଗନା ଓ ମନୋଜ ବାଜପେୟୀ ସମ୍ମାନିତ

ସେପଟେ କରୋନା କଟକଣା ପାଇଁ ଧବଳେଶ୍ୱରଙ୍କୁ ଦର୍ଶନ କରିପାରୁନାହାନ୍ତି ଶ୍ରଦ୍ଧାଳୁ। ପ୍ରତି ଥର ପରି ଏଥର ମନ୍ଦିରରେ ଭକ୍ତଙ୍କ ନାହିଁ ଭିଡ଼। ପ୍ରଶାସନ ପକ୍ଷରୁ ମନ୍ଦିରରେ ୧୪୪ ଧାରା ଲାଗୁ କରାଯାଇଛି। ଭୋର ୪ଟାରୁ ରାତି ୧୦ ପର୍ଯ୍ୟନ୍ତ ନିୟମ ବଳବତ୍ତର ରହିବ ବୋଲି ପ୍ରଶାସନ ପକ୍ଷରୁ କୁହାଯାଇଛି।