ସାରା ବିଶ୍ୱରେ ବର୍ତ୍ତମାନ କରୋନା ହଇଚଇ ସୃଷ୍ଟି କରିଛି । ଏହି ମହାମାରୀକୁ ମାତ୍ ଦେବା ପାଇଁ ଏବେ ଏକମାତ୍ର ସାହାରା ପାଲଟିଛି ଟିକା । ସାରା ବିଶ୍ୱ ଏବେ ଟିକା ଉପରେ ନିର୍ଭର କରି ରହିଛି। ଏହି ପରିସ୍ଥିତିରେ ଟୀକାକରଣର ସ୍ଥିତି ଜାଣିବା ପାଇଁ ଅତ୍ୟାଧୁନିକ ଜ୍ଞାନ ଓ କୌଶଳରେ ଏକ ମାଇକ୍ରୋଚିପ୍ ଉଦ୍ଭାବନ କରାଯାଇଛି । ମାଇକ୍ରୋଚିପ୍କୁ ହାତରେ ଲାଗାଇ ସ୍କାନ୍ କରିବା ମାତ୍ରେ ହିଁ ବ୍ୟକ୍ତିର ଟୀକାକରଣ ସ୍ଥିତି ଅତି ସହଜରେ ଜଣାପଡିଥାଏ ।
Also Read
ସ୍ୱିଡେନର ଷ୍ଟାର୍ଟ ଅପ୍ ଆଇଡିଆସ୍ ଟେକ୍ କମ୍ପାନୀ ଏହି ମାଇକ୍ରୋଚିପ୍କୁ ତିଆରି କରିଛନ୍ତି । ଯାହା ଲୋକଙ୍କ ହାତରେ ଲଗାଯିବ। ଏହାପରେ ମାଇକ୍ରୋଚିପ୍ ସ୍କାନ୍ ହେବା ମାତ୍ରେ କରୋନା ଟୀକାକରଣର ସବୁ ସ୍ଥିତି ଦର୍ଶାଇବ । ଫଳରେ ଲୋକଙ୍କୁ ନିଜ ଟିକାକରଣର ପ୍ରମାଣପତ୍ର ବହନ କରିବାକୁ ପଡିବ ନାହିଁ ।
- ଛୋଟ ଚିପ୍ ହେଲେ କାମ ବଡ
ଏହି ମାଇକ୍ରୋଚିପ୍ Dsruptive Subdermals ନାମକ ଏକ ଟେକ୍ ଷ୍ଟାର୍ଟ ଅପ୍ କମ୍ପାନୀ ଦ୍ୱାରା ତିଆରି କରାଯାଇଛି । ଚିପ୍ଟି ପ୍ରାୟ ୨ ମିଲିମିଟରରୁ ୧୬ ମିଲିମିଟର ପର୍ଯ୍ୟନ୍ତ ଆକାରର ହୋଇଥିବାବେଳେ ଏହା ଖୁବ୍ ଶୀଘ୍ର ବଜାରରେ ଉପଲବ୍ଧ ହେବ ବୋଲି ଆଶା କରାଯାଉଛି ।
ଏଏଫ୍ପି ନ୍ୟୁଜ୍ ଏଜେନ୍ସିର ରିପୋର୍ଟ ଅନୁସାରେ, ଟେକ୍ ଷ୍ଟାର୍ଟ ଅପ୍ କମ୍ପାନୀର ପରିଚାଳନା ନିର୍ଦ୍ଦେଶକ ହାନେସ୍ ସଜୋବ୍ଲାଡ୍ କହିଛନ୍ତି, ସେ ମଧ୍ୟ ଏହି ଚିପ୍କୁ ନିଜ ହତରେ ଲଗାଇଛନ୍ତି । ଏହାକୁ ନିଜ ହାତରେ ଲଗାଇବାକୁ ସେ ପ୍ରାୟ ୧୦୦ ୟୁରୋ ଟଙ୍କା ଖର୍ଚ୍ଚ କରିଛନ୍ତି । ଥରେ ଏହାକୁ ଫୋନ୍ରେ ସ୍କାନ କରିବା ପରେ ଏହା ତାର କାର୍ଯ୍ୟ ଆରମ୍ଭ କରିଦେଇଥାଏ । ଯାହା ପରେ ବ୍ୟକ୍ତିଙ୍କ ଭ୍ୟାକ୍ସିନେସନ୍ ଷ୍ଟାଷ୍ଟସକୁ ଏକ ଡିଜିଟାଲ୍ ପିଡିଏଫ୍ ଆକାରରେ ପ୍ରଦର୍ଶିତ ହୋଇଥାଏ ।
- ଯେ କୌଣସି ସ୍ଥାନରେ ଜାଣିହେବ ଟିକାକରଣର ଷ୍ଟାଟସ
ଏହି ମାଇକ୍ରୋଚିପ୍ ମାଧ୍ୟମରେ ଲୋକମାନେ ଯେ କୌଣସି ସ୍ଥାନରେ ମଧ୍ୟ ନିଜ ଟିକାକରଣ ଷ୍ଟାଟସ୍କୁ ଦେଖାଇପାରିବେ । ସପିଂ ମଲ୍ ହେଉ, ବା ଫିଲ୍ମ ହଲ୍ ହେଉ ବା ଯାତ୍ରା ସମୟରେ ସବୁ ସ୍ଥାନରେ ଏହା କାମ କରିଥାଏ । ସବୁଠୁ ସନ୍ତୋଷଜନକ କଥା ହେଉଛି ପାଖରେ ନିଜ ଫୋନ୍ ନଥିଲେ ମଧ୍ୟ ଚିପ୍ ମାଧ୍ୟମରେ ଭ୍ୟାକ୍ସିନେସନ୍ ଷ୍ଟାଟସ୍ ଜାଣିହୋଇପାରିବ ।