ଇତିହାସ ପାଲଟିବ ସାତଭାୟା : ମା ପଞ୍ଚୁ ବରାହୀଙ୍କ ମନ୍ଦିର ଦେଖି ପାରିବେନି ଆଗାମୀ ପୀଢ଼ି

ସାତଭାୟ(ପ୍ରବୀର ନାୟକ) : ଇତିହାସ ପାଲଟି ଯିବ କି ସାତଭାୟା ? ସମୁଦ୍ରର କରାଳ ରୂପରେ ସାତଭାୟାର ସାତ ଟି ଗାଁ ଲୀନ ହୋଇଯାଇଥିବା ବେଳେ ସାତଭାୟାର ସ୍ମୃତି ବଖାଣୁଥିବା ଆରାଧ୍ୟ ଦେବୀ ମା ପଞ୍ଚୁ ବରାହିଙ୍କ ପୁରୁଣା ମନ୍ଦିର ମଧ୍ୟ ସମୁଦ୍ର ଧୀରେ ଧୀରେ ଲୀନ ହେବାକୁ ବସିଛି । ଜନବସତି ଆଡ଼କୁ ସମୁଦ୍ର ମୁହାଁଇବା ହେତୁ ପାଣିରେ ମିଶିବାକୁ ବସିଲାଣି ସାତଭାୟାର ମା ପଞ୍ଚୁ ବରାହୀଙ୍କ ମନ୍ଦିର । ସମୁଦ୍ର ଗର୍ଭରେ ମନ୍ଦିର ବୁଡିଗଲେ ଆଗାମୀ ପିଢ଼ି ପାଇଁ ଏହା ଇତିହାସ ହୋଇ ରହିଯିବ ।

କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକ ସାତଭାୟା ଅଞ୍ଚଳରେ ଥିଲା କାନପୁର, ଗୋବିନ୍ଦପୁର, ମୋହନପୁର, ପରମାନନ୍ଦପୁର, ବାଲିଅଡା, ବିଜୟନଗର ଆଦି ୭ଟି ଗାଁ । ଏଗୁଡିକ ସମୟ କ୍ରମେ ସମୁଦ୍ର ଭିତରେ ଲୀନ ହୋଇଗଲା ପରେ ପୁରୁଷ ପୁରୁଷ ଧରି ବସବାସ କରୁଥିବା ଏହି ଲୋକ ମାନେ ନିଜ ଭିଟାମାଟି ଛାଡି ଅନ୍ୟ ଜାଗାରେ କିଏ ଆଶ୍ରୟ ନେଲା ତ ଆଉ କିଏ ନିରାଶ୍ରୟ ହୋଇ ଘୁରିବୁଲିଲା । ୨୦୧୮ ମସିହାରେ ସରକାର ଗୁପ୍ତିର ବଗପାଟିଆ ଠାରେ ୫୭୧ଟି ପରିବାରକୁ ଥଇଥାନ କରିଥିଲେ । ତେବେ ସାତଭାୟା ଗ୍ରାମବାସୀଙ୍କ ଦାବି ଅନୁସାରେ ମା ପଞ୍ଚୁ ବରାହୀ ବିଗ୍ରହକୁ ମଧ୍ୟ ସ୍ଥାନାନ୍ତରିତ କରିଲେ ସରକାର । ତେବେ ବର୍ତ୍ତମାନ ପଞ୍ଚୁ ବରାହୀଙ୍କ ପୁରୁଣା ମନ୍ଦିର ସମୁଦ୍ର ଗର୍ଭରେ ଲୀନ ହେବାକୁ ବସିଲାଣି ।

ଦିନ ଥିଲା ବଙ୍ଗୋପସାଗର ସାଗରର ତଟବର୍ତ୍ତୀ ଏହି ସାତଭାୟା ଗାଁର ବାଲି ପାହାଡ଼ ସମସ୍ତଙ୍କ ଆକର୍ଷଣର କେନ୍ଦ୍ରବିନ୍ଦୁ ଥିଲା । ଶହ ଶହ ପର୍ଯ୍ୟଟକଙ୍କ ସମାଗମ ସାଙ୍ଗକୁ ସାତଭାୟାର ପଞ୍ଚୁବରରୀଙ୍କ ମନ୍ଦିର ଶୋଭାକୁ ଦ୍ୱିଗୁଣିତ କରୁଥିଲା । ତେବେ ଆଜି ସାତଭାୟାର ଶେଷ ସନ୍ତକ ସମୁଦ୍ର ଗର୍ଭରେ ଲୀନ ହେବାକୁ ବସିଥିବା ବେଳେ ଆଗାମୀ ପିଢ଼ି ପାଇଁ ଏହା ଇତିହାସ ହୋଇ ରହିଯିବ ।

Also Read

କରୋନାର ଦ୍ୱିତୀୟ ଲହରୀ : କେରଳରେ ୧.୧୨ ଗୁଣ, ମଧ୍ୟପ୍ରଦେଶରେ ୨.୮୬ ଗୁଣ ମୃତ୍ୟୁ ସଂଖ୍ୟା

ଟୋକିଓ ଅଲମ୍ପିକ୍ସ: ବ୍ରୋଞ୍ଜ ପଦକ ଜିତିଲେ ଲଭଲିନା

ଓଡ଼ିଶା ଆସିବା ପାଇଁ ହଟିଲା କଟକଣା

ତେବେ ଏଥିପାଇଁ ସନ୍ତୁଳନହୀନ ପରିବେଶକୁ ଦାୟୀ କରାଯାଇଛି । ପରିବେଶ ସନ୍ତୁଳନ ରକ୍ଷା ହେଉ ନଥିବାରୁ ବାୟୁ ମଣ୍ଡଳରେ ତାପମାତ୍ର ବୃଦ୍ଧି ପାଉଛି । ଫଳରେ ଯୋଗୁ ଗତ କିଛି ବର୍ଷ ହେବ ସମୁଦ୍ର ଅଶାନ୍ତ ହେବାରୁ ଉପକୁଳା ମୁହାଁ ହେଉଛି ସମଦ୍ର । ସେପଟେ ସରକାର ମାତ୍ର ୫୭୧ଟି ପରିବାରକୁ ଥଇଥାନ କରିଛନ୍ତି, ହେଲେ ଏବେ ବି ଅନେକ ପରିବାର ସମୁଦ୍ର କୁଳରେ ପଡି ରହିଛନ୍ତି । ଏହି ପରିବାର ଗୁଡ଼ିକୁ ଥଇଥାନ କରିବା ସହିତ କିଭଳି ସେମାନଙ୍କ ଜୀବନ ସୁରକ୍ଷିତ ହୋଇ ପାରିବ, ସେନେଇ ସରକାର ତତ୍ପରତା ଦେଖାଇବା ଆବଶ୍ୟକ ରହିଛି ବୋଲି ଦାବି କରାଯାଉଛି ।