୨ କୋଟିରେ ବିକ୍ରି ହେଲା ତେଲିଆ ଭୋଲା ମାଛ

ଜଳେଶ୍ୱର: ମାଛ କଲା କୋଟିପତି।  ଓଡିଶା-ପଶ୍ଚିମବଙ୍ଗ ସୀମାନ୍ତ ଦୀଘାରେ ୧୨୧ଟି ତେଲିଆ ଭୋଲା ମାଛକୁ ୨ କୋଟିରେ ବିକିଲେ ମତ୍ସ୍ୟଜୀବୀ। ଧରାପଡ଼ିଥିବା ଗୋଟିଏ ଗୋଟିଏ ମାଛର ଓଜନ ପ୍ରାୟ ୧୮ କେଜି ହେବ। 

ଦୀଘା ଇଷ୍ଟୋରିଆ ମତ୍ସ୍ୟଜୀବୀ ଏବଂ ମତ୍ସ୍ୟ ବ୍ୟବସାୟୀ ସଂଘର ଏହି ମାଛ ଗୁଡ଼ିକୁ ନିଲାମ ପାଇଁ ରଖିଥିଲା। ତେବେ କୌଣସି ସାଧାରଣ ଲୋକ କିଣିନଥିଲେ । କୋଲକାତାର ଏକ ଫାର୍ମା କମ୍ପାନୀ ଏହି ମାଛକୁ କିଣିନେଇଥିବା ସୂଚନା ମିଳିଛି।

 ଏହି ମାଛ ଔଷଧ ତିଆରିରେ ବ୍ୟବହାର ହେବ। କ୍ୟାନ୍ସର ଓ ବଡ଼ ବଡ଼ ରୋଗ କ୍ଷେତ୍ରରେ ଏହି ମାଛରୁ ପ୍ରସ୍ତୁତ ଔଷଧ ବ୍ୟବହାର କରାଯାଇଥାଏ।