କାବା କଲେ କୁବେର ଶିକ୍ଷକ; ମୋଟ ସଂପତ୍ତି ୪.୭୩ କୋଟି

ରାୟଗଡ଼ାର ଜଣେ କୁବେର ଶିକ୍ଷକଙ୍କ ଘରେ ଭିଜିଲାନ୍ସ ରେଡ୍ । ଏତେ ସମ୍ପତ୍ତି ଜବତ ହେଲା ଯେ, କାବା ହୋଇଗଲେ ଅଧିକାରୀ । ରାୟଗଡ଼ା ବିଇଓ ଅଫିସ୍‌ରେ କାର୍ଯ୍ୟରତ ଶିକ୍ଷକ ଶିଶିର ସେମେଳି ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଶିଶିରଙ୍କ ଘରେ ଭିଜିଲାନ୍ସ ଚଢ଼ାଉ ଚାଲିଛି ।

ଏବେ ସୁଦ୍ଧା ମୋଟ ୪ କୋଟି ୭୩ ଲକ୍ଷ ୮୭ ହଜାର ଟଙ୍କାର ସଂପତ୍ତି ଠାବ ହୋଇଥିବା ସୂଚନା । ଶିଶିରଙ୍କର ଠାବ ୫ଟି କୋଠାର ମୂଲ୍ୟ ପ୍ରାୟ ୪ କୋଟିରୁ ଅଧିକ ଟଙ୍କା ହୋଇଥିବା ଜଣାପଡିଛି । ଦୋରାଗୁଡ଼ା ଥାନା ନୂଆପଡ଼ା ଛକରେ ରହିଛି ଏହି ସମସ୍ତ ୫ଟି କୋଠା । ଏହାସହ ଇନୋଭା କାର୍, ବୋଲେରୋ ମୂଲ୍ୟ ୧୯ ଲକ୍ଷ ୫୦ ହଜାର ଟଙ୍କା ମଧ୍ୟ ଜବତ କରାଯାଇଛି । କେବଳ ଏତିକି ନୁହେଁ ୧୨ ଲକ୍ଷର ସୁନା , ବ୍ୟାଙ୍କ ଜମା ଥିବା ୨୨ ଲକ୍ଷ ଟଙ୍କା ମଧ୍ୟ ଭିଜିଲାନ୍ସ ପକ୍ଷରୁ ଜବତ କରାଯାଉଛି ।

ଏହା ସହ ନଗଦ ୨. ୮୮ ଲକ୍ଷ ଟଙ୍କା, ୪୦୮ ଗ୍ରାମ ସୁନା, ୨୨୯ ଗ୍ରାମ ରୁପା ଗହଣା ଠାବ ହୋଇଛି । କେବଳ ଏତିକି ନୁହେଁ ୨ଟି ତିନି ମହଲା କୋଠା, ୩ଟି ଦୁଇ ମହଲା କୋଠା ଠାବ ହୋଇଛି ୨୧.୬୮ ଲକ୍ଷ ବ୍ୟାଙ୍କ ଜମା, ଗୋଟିଏ ଇନୋଭା, ଗୋଟିଏ ବୋଲେରୋ ମଧ୍ୟ ଭିଜିଲାନ୍ସ ପକ୍ଷରୁ ଠାବ କରାଯାଇଛି ।