ମୁସଲମାନ ସମାଜର ନାଗରିକମାନଙ୍କର ପୂର୍ବପୁରୁଷମାନେ ମଧ୍ୟ ହିନ୍ଦୁ ଥିଲେ: ଧିରେନ୍ଦ୍ର କୃଷ୍ଣ ଶାସ୍ତ୍ରୀ

ସାରା ଦୁନିଆରେ ଚର୍ଚ୍ଚାରେ ଥିବା ବାଗେଶ୍ୱର ଧାମର ବାବା ଧୀରେନ୍ଦ୍ର କୃଷ୍ଣ ଶାସ୍ତ୍ରୀ ଶ୍ରୀମନ୍ଦିରେ ମହାପ୍ରଭୁଙ୍କ ଦର୍ଶନ କରି ଫେରିଛନ୍ତି। ମନ୍ଦିର ଭିତରେ ପ୍ରାୟ ଘଣ୍ଟାଏ କାଳ ରହି ଚତୁର୍ଦ୍ଧା ବିଗ୍ରହଙ୍କ ଦର୍ଶନ କରି ଭାବବିହ୍ୱଳ ହୋଇଥିଲେ। କାଳିଆ ସାଆନ୍ତଙ୍କ ଦର୍ଶନ ପରେ ଉପସ୍ଥିତ ଶ୍ରଦ୍ଧାଳୁ ଆଗରେ ଜଗନ୍ନାଥଙ୍କୁ ନେଇ ତାଙ୍କ ଅନୁଭୁତି କହିଥିଲେ। ଓଡ଼ିଶାରେ ତାଙ୍କ ଆଗମନ ଅନେକ ଭିଡ ମଧ୍ୟ ହୋଇଥିଲା।

ଏହାରି ଭିତରେ ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ଏକ ବଡ଼ ଭବିଷ୍ୟବାଣୀ ଏବେ ଚର୍ଚ୍ଚାରେ ରହିଛି। ବାବା ବାଗେଶ୍ୱର ଧାମର ଧିରେନ୍ଦ୍ର କୃଷ୍ଣ ଶାସ୍ତ୍ରୀ କହିଛନ୍ତି ଯେ ୨୦୨୪ ମସିହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଥରେ ଭାରତର ପ୍ରଧାନମନ୍ତ୍ରୀ ହେବେ। ଧିରେନ୍ଦ୍ର କୃଷ୍ଣ ଶାସ୍ତ୍ରୀ ଏହା ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ଭାରତ ଏକ ହିନ୍ଦୁରାଷ୍ଟ୍ରରେ ପରିଣତ ହେବ।

ଏକ ଟିଭି ଚ୍ୟାନେଲକୁ ଏହି ସାକ୍ଷାତକାର ଦେଇ ଶାସ୍ତ୍ରୀ ଜୀ ପୂର୍ବାନୁମାନ କରିଛନ୍ତି ଯେ ୨୦୨୪ ମସିହାରେ ପ୍ରଧାନମନ୍ତ୍ରୀ ମୋଦି ପୁନର୍ବାର ଭାରତର ପ୍ରଧାନମନ୍ତ୍ରୀ ହେବେ।

ଏହି ସାକ୍ଷାତକାରରେ ବାବା ଅନେକ ପ୍ରସଙ୍ଗ ଉପରେ ଆଲୋଚନା ମଧ୍ୟ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ସମସ୍ତ ଆଲୋଚନାର କେନ୍ଦ୍ରରେ ରହିଥିଲେ। ସେ କହିଛନ୍ତି ଯେ ନରେନ୍ଦ୍ର ମୋଦି କେବଳ ଭାରତର ନୁହେଁ ବିଶ୍ୱର ସର୍ବମାନ୍ୟ ନେତା ହୋଇଛନ୍ତି। ତାଙ୍କ ନେତୃତ୍ୱରେ ସନାତନ ଧର୍ମର ହଜିଯାଇଥିବା ଗୌରବ ପୁଣି ଥରେ ଫେରି ଆସିଛି।

ତାଙ୍କର ଏହି ସାକ୍ଷାତକାରରେ ପଣ୍ଡିତ ଧିରେନ୍ଦ୍ର କୃଷ୍ଣ ଶାସ୍ତ୍ରୀ କହିଛନ୍ତି ଯେ ସନାତନ ଧର୍ମ ହେଉଛି ସମଗ୍ର ମାନବିକତାର ଧର୍ମ। ସନାତନର ଅର୍ଥ ହେଉଛି ଯାହା ସର୍ବଦା ଅଛି। ଯେଉଁ ଧର୍ମ ସର୍ବଦା ବିଶ୍ୱରେ ସମଗ୍ର ମାନବିକତାର ଧର୍ମ ହୋଇଆସିଛି ତାହା ହେଉଛି ସନାତନ ଧର୍ମ।

ଏହି ସାକ୍ଷାତକାରରେ ବାବା ଧିରେନ୍ଦ୍ର କୃଷ୍ଣ ଶାସ୍ତ୍ରୀ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସନାତନ ଧର୍ମର ପ୍ରକୃତ ରକ୍ଷକ। ଭାରତ କେବଳ ମୋଦୀଙ୍କ ନେତୃତ୍ୱରେ ହିନ୍ଦୁ ରାଷ୍ଟ୍ରର ଗୌରବ ହାସଲ କରିବ। ମୋଦି ପ୍ରଧାନମନ୍ତ୍ରୀ ରହିବା ବେଳେ ହିଁ ଭାରତକୁ ଆନୁଷ୍ଠାନିକ ଭାବେ ହିନ୍ଦୁ ରାଷ୍ଟ୍ର ଭାବେ ଘୋଷଣା କରାଯିବ ବୋଲି ସେ କହିଛନ୍ତି।

ଏକ ପ୍ରଶ୍ନର ଉତ୍ତରରେ ପଣ୍ଡିତ ଧିରେନ୍ଦ୍ର କୃଷ୍ଣ ଶାସ୍ତ୍ରୀ କହିଛନ୍ତି ଯେ ସମସ୍ତେ ଜାଣନ୍ତି ଯେ ଭାରତ ଏକ ହିନ୍ଦୁ ରାଷ୍ଟ୍ର। ଭାରତକୁ ଆନୁଷ୍ଠାନିକ ଭାବରେ ହିନ୍ଦୁ ରାଷ୍ଟ୍ର ଭାବରେ ଘୋଷଣା କରିବାର ପ୍ରକ୍ରିୟା ଦ୍ରୁତ ଗତିରେ ଚାଲିଛି। ମୋଦି ପ୍ରଧାନମନ୍ତ୍ରୀ ପଦରେ ଥିବା ବେଳେ ହିଁ ଭାରତକୁ ଏକ ହିନ୍ଦୁ ରାଷ୍ଟ୍ର ଭାବେ ଘୋଷଣା କରାଯିବ ବୋଲି ତାଙ୍କର ସମ୍ପୂର୍ଣ୍ଣ ଆଶା ରହିଛି ବୋଲି ଧିରେନ୍ଦ୍ର ଶାସ୍ତ୍ରୀ କହିଛନ୍ତି।

ସେ କହିଛନ୍ତି ଯେ ମୁସଲମାନ ସମାଜର ନାଗରିକମାନଙ୍କର ପୂର୍ବପୁରୁଷମାନେ ମଧ୍ୟ ହିନ୍ଦୁ ଥିଲେ। ଏହି କାରଣରୁ ଭାରତକୁ ହିନ୍ଦୁସ୍ତାନ କୁହାଯାଏ। ବାବା ବାଗେଶ୍ୱର ଧାମର ଧିରେନ୍ଦ୍ର କୃଷ୍ଣ ଶାସ୍ତ୍ରୀ କହିଛନ୍ତି ଯେ ବାବା ବାଗେଶ୍ୱରଙ୍କ ଅନୁଗ୍ରହରେ ତାଙ୍କର ସମ୍ପୂର୍ଣ୍ଣ ବିଶ୍ୱାସ ରହିଛି ଯେ ଖୁବ ଶୀଘ୍ର ଭାରତକୁ ଏକ ହିନ୍ଦୁ ରାଷ୍ଟ୍ର ଭାବରେ ଘୋଷଣା କରାଯିବ।