ହତ୍ୟାକାଣ୍ଡ ମାମଲାର ତଦନ୍ତ କରୁ କରୁ ପୋଲିସ୍ ହାତରେ ଲାଗିଲା ବଡ଼ ସୁରାଗ। ପୁରୀ ସେବାୟତ ଶିବରାମ ପାତ୍ର ହତ୍ୟାକାଣ୍ଡ ମାମଲାର ତଦନ୍ତ ବେଳେ ବେଆଇନ ବନ୍ଧୁକ କାରବାର ନେଇ ପୋଲିସ ହାତରେ ସୁରାଗ ଲାଗିଛି।
ଏହି ଘଟଣାର ତଦନ୍ତ ପରେ ୭ ଜଣଙ୍କୁ ଗିରଫ କରାଯିବା ସହ ୪ଟି ବନ୍ଧୁକ, ୪ ରାଉଣ୍ଡ ଲାଇଭ୍ ପୋଲିସ ଜବତ କରିଛି। ବଳିଆ ପଣ୍ଡା ଥାନା ଓ ଟାଉନ ଥାନା ଅଞ୍ଚଳରୁ ଗୋଟିଏ ଲେଖାଏ ଓ ସଦର ଥାନା ଅଞ୍ଚଳରୁ ୨ଟି ବନ୍ଧୁକ ଜବତ କରାଯାଇଛି।
ସୂଚନାଥାଉ କି, କିଛି ଦିନ ପୂର୍ବେ ଗୁଳି କରି ସେବାୟତ ଶିବରାମ ପାତ୍ରଙ୍କୁ ହତ୍ୟା କରାଯାଇଥିଲା। ପୂର୍ବ ଶତ୍ରୁତା ଓ ପ୍ରେମ ବ୍ୟାପାରରୁ ଏହି ହତ୍ୟାକାଣ୍ଡ ହୋଇଥିବା କୁହାଯାଉଛି। ଯେଉଁ ବନ୍ଧୁକରୁ ଶିବରାମଙ୍କୁ ଗୁଳି କରାଯାଇଥିଲା, ସେ ଦିଗରେ ତଦନ୍ତ କରିବା ପରେ ଏହି ବେଆଇନ ବନ୍ଧୁକ ରାକେଟର ସୁରାଗ ପୋଲିସକୁ ମିଳିଥିଲା।