ବିମାନ ଯାତ୍ରା କିପରି ହେବ ସହଜ, କହିଲେ ମହିଳା ପାଇଲଟ୍

ବିମାନ ଯାତ୍ରାର ଅଭିଜ୍ଞତା ସମସ୍ତଙ୍କ ପାଇଁ ଭିନ୍ନ ହୋଇଥାଏ ସତ କିନ୍ତୁ ଯେଉଁମାନେ ପ୍ରଥମ ଥର ପାଇଁ ବିମାନରେ ଯାତ୍ରା କରନ୍ତି, ସେମାନଙ୍କ ପାଇଁ ଏହା ଅତ୍ୟନ୍ତ ଉତ୍ସାହଜନକ ହୋଇଥାଏ। ତେବେ ବିମାନ ଯାତ୍ରା ତ ଟ୍ରେନ୍ ଭଳି ହୋଇ ନଥାଏ। ଅଧିକ ଉଚ୍ଚତାକୁ ଗଲେ କାନ ବନ୍ଦ ହୋଇଯାଏ ଏବଂ ଶରୀରରେ ମଧ୍ୟ ଅନେକ ପରିବର୍ତ୍ତନ ଆସିଥାଏ।

ଏଭଳି ପରିସ୍ଥିତିରେ, ଏହି ସମସ୍ୟାରୁ ରକ୍ଷା ପାଇବା ପାଇଁ ପାଇଲଟ୍‌ମାନେ ଏପରି ୩ଟି ଜିନିଷ ଉପରେ ଧ୍ୟାନ ଦେଇ ଥାଆନ୍ତି, ଯାହା ସେମାନଙ୍କର ଯାତ୍ରାକୁ ସହଜ କରିବା ସହ ଆରାମରେ ଯାତ୍ରା କରିବାରେ ସାହାଯ୍ୟ କରିଥାଏ।

ରିପୋର୍ଟ ଅନୁଯାୟୀ, କ୍ରିଷ୍ଟିନ୍ କ୍ୟାନକର ଜଣେ ପାଇଲଟ୍‌ ଏବଂ ନିକଟରେ ସେ ଉପଦେଶ ଦେଇ କହିଛନ୍ତି ଯେ ବିମାନରେ ଯିବା ସମୟରେ କେଉଁ ଜିନିଷ ପାଖରେ ନିହାତି ରଖିବା ଦରକାର। ପାଇଲଟ୍ ହେବା ସହିତ କ୍ରିଷ୍ଟିନ୍ ମଧ୍ୟ ଜଣେ ଅପ୍ଟିସିୟାନ୍, ଅର୍ଥାତ୍ ତାଙ୍କ ଆଖି ବିଷୟରେ ମଧ୍ୟ ଜ୍ଞାନ ଅଛି।

ସେ କହିଛନ୍ତି ଯେ ବିମାନର କ୍ୟାବିନ୍‌ରେ ଥିବା ଏସି ଯୋଗୁଁ ବାୟୁ ବହୁତ ଶୁଷ୍କ ହୋଇଯାଏ, ତେଣୁ ଆଖି ମଧ୍ୟ ଶୀଘ୍ର ଶୁଖିବା ଆରମ୍ଭ କରେ। ଏହାକୁ ଏଡାଇବା ପାଇଁ, ସେ ପାଖରେ ଆଇ ଡ୍ରପ୍ ରଖନ୍ତି ଏବଂ ଯାତ୍ରା ସମୟରେ ସେ ଆଖିରେ ପକାନ୍ତି।

କେବଳ ଏତିକି ନୁହେଁ, ତାଙ୍କ କହିବା କଥା ଯାତ୍ରା ସମୟରେ ଏସି କାରଣରୁ ଚର୍ମ ମଧ୍ୟ ଶୁଖିବା ଆରମ୍ଭ କରେ। ଆଜିକାଲି ଏୟାରଲାଇନ୍ସ ମାସ୍କକୁ ବାଧ୍ୟତାମୂଳକ କରିଦେଇଛି। ଏହା ଦ୍ୱାରା ମଧ୍ୟ ଚର୍ମରେ ଚିହ୍ନ ରହିଯାଏ। ଏପରି ପରିସ୍ଥିତିରେ, ସେ ତାଙ୍କ ସହିତ ଆଲୋଭେରା ରଖନ୍ତି, ଯାହା ସେ ଚର୍ମରେ ଲଗାନ୍ତି।

ଏହି ଦୁଇଟି ଜିନିଷ ବ୍ୟତୀତ ସେ ଆଉ ଏକ୍ ଗୁରୁତ୍ୱପୂର୍ଣ୍ଣ ଜିନିଷ ବିଷୟରେ କହିଛନ୍ତି ଯେ ଚପଲ ଚୟନ ମଧ୍ୟ ଯାତ୍ରୀଙ୍କ ଜୀବନ ରକ୍ଷା କରିବାରେ ଉପଯୋଗୀ। ବିମାନରେ ଦୁର୍ଘଟଣା ହେବା ଅସମ୍ଭବ ନୁହେଁ। ଏଭଳି ପରିସ୍ଥିତିରେ କ୍ରିଷ୍ଟିନ୍ କହିଛନ୍ତି ଯେ ଯାତ୍ରୀମାନେ, ବିଶେଷକରି ମହିଳାମାନେ, ବିମାନରେ କେବେବି ହାଇ ହିଲ୍ ପିନ୍ଧିବା ଉଚିତ ନୁହେଁ। କାରଣ ଦୁର୍ଘଟଣା ବେଳେ ଖସିଯିବାରେ ଏହା କଷ୍ଟ ହୋଇଥାଏ। ବିମାନରେ ସର୍ବଦା ଫ୍ଲାଟ୍‌ ଜୋତା କିମ୍ବା ଚପଲ ପିନ୍ଧିବା ଉଚିତ।

ଅନ୍ୟ ଜଣେ ପାଇଲଟ ମଧ୍ୟ କହିଛନ୍ତି ଯେ ବିମାନରେ ଜୋତା କାଢିବା ଖାଲି ପାଦରେ ମଧ୍ୟ ବସିବା ଉଚିତ ନୁହେଁ। କାରଣ ବିମାନର ଚଟାଣ ବହୁତ କ୍ୱଚିତ୍ ସଫା କରାଯାଏ। ତେଣୁ ଏହା ବହୁତ ମଇଳା ହୋଇଥାଏ।