ରାସ୍ତାରେ ଶୁଖୁଥିଲା ବାଣ, କାର୍‌ ଚଢ଼ିଯିବାରୁ ହଠାତ୍ ହେଲା ବିସ୍ଫୋରଣ...

କେନ୍ଦ୍ରାପଡ଼ାରେ ବାଣ ବିସ୍ଫୋରଣରେ ଉଡ଼ିଗଲା କାର୍‌ । ରାସ୍ତାରେ ବାଣ ଶୁଖା ଯାଇଥିବା ବେଳେ କାର ଚଢ଼ିଯିବାରୁ ବାଣ ବିସ୍ଫୋରଣ ହୋଇଥିଲା । ଏଥିରେ କାର୍‌ ସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ ଡ୍ରାଇଭର ଆହତ ହୋଇଛନ୍ତି । କେନ୍ଦ୍ରାପଡ଼ା ସଦର ଥାନା ଖଣ୍ଡିଆ ବନ୍ଧ ଗାଁରେ ଏହି ବିସ୍ଫୋରଣ ହୋଇଛି ।

ସୂଚନା ଅନୁସାରେ, ବାଣ ତିଆରି କରି କେହି ରାସ୍ତାରେ ଶୁଖାଇଥିବା ବେଳେ ରାସ୍ତାରେ ଯାଉଥିବା କାର୍‌ ଚକ ଚଢ଼ି ଯିବାରୁ ବଡ଼ ବିସ୍ଫୋରଣ ହୋଇଥିଲା । ଫଳରେ ଗାଡ଼ିର ସମ୍ମୁଖ ଭାଗ ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି ।