ପ୍ରାୟତଃ ସମସ୍ତ ଭାରତୀୟଙ୍କ ପାଖରେ ଆଧାର କାର୍ଡ ରହିଥାଏ । ଆଧାର ସହ ପାନ୍ ଲିଙ୍କ କରିବା ନେଇ କେନ୍ଦ୍ର ସରକାରଙ୍କ ପକ୍ଷରୁ ପୂର୍ବରୁ ଅନେକ ବିଜ୍ଞପ୍ତି ଜାରି କରାଯାଇଛି । ଏହାସହ ପାନ୍ ସହ ଆଧାର ଲିଙ୍କ କରିବାର ତାରିଖ ମଧ୍ୟ ପୂର୍ବରୁ ଅନେକ ଥର ବୃଦ୍ଧି କରାଯାଇଛି ।
Also Read
ହେଲେ ଏହାର ସମୟସୀମାର ଅବଧିକୁ କେନ୍ଦ୍ର ସରକାର ଏବେ ପୁଣି ଥରେ ବୃଦ୍ଧି କରିଛନ୍ତି । ବର୍ଦ୍ଧିତ ସମୟ ସୀମା ଅନୁଯାୟୀ ଏବେ ସମସ୍ତେ ୨୦୨୨ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ପାନ୍ କାର୍ଡ ସହ ଆଧାର କାର୍ଡ ଲିଙ୍କ କରାଇପାରିବେ । ଯେଉଁମାନେ ଲିଙ୍କ କରିନାହାନ୍ତି ସେମାନେ ଏହି ସମୟ ମଧ୍ୟରେ ହିଁ ତୁରନ୍ତ ଅପିଲ କରିବାକୁ କେନ୍ଦ୍ର ସରକାରଙ୍କ ପକ୍ଷରୁ ପରାମର୍ଶ ଦିଆଯାଇଛି ।
ତେଣୁ ଯେଉଁମାନେ ଧାର୍ଯ୍ୟ ସମୟ ପୂର୍ବରୁ ଆଧାର କାର୍ଡ ସହ ପାନ୍ କାର୍ଡ ଲିଙ୍କ କରିବେ ନାହିଁ ସେମାନଙ୍କ ପ୍ୟାନ୍ କାର୍ଡ ଡିଆକ୍ଟିଭେଟ୍ କରିଦିଆଯିବ ବୋଲି ସ୍ପଷ୍ଟ ଭାବରେ ସୂଚନା ଦିଆଯାଇଛି । କେବଳ ଏତିକି ନୁହେଁ ଏହାସହ ସଂପୃକ୍ତ ବ୍ୟକ୍ତିଙ୍କୁ ମୋଟା ଅଙ୍କର ଜରିମାନା ମଧ୍ୟ ଦେବାକୁ ପଡିବ ।
ଯଦି କେହି ମାର୍ଚ୍ଚ ୩୧ ତାରିଖ ମଧ୍ୟରେ ଆଧାର କାର୍ଡ ସହ ପାନ୍ କାର୍ଡ ଲିଙ୍କ ନ କରନ୍ତି ତେବେ ସେମାନଙ୍କୁ ୧ ହଜାର ଟଙ୍କାର ଜରିମାନା ଦେବାକୁ ପଡିବ । ସେହିପରି ପାନ୍ କାର୍ଡ ଡିଆକ୍ଟିଭ ଥିବାବେଳେ ବ୍ୟବହାର କରିଲେ ସେମାନଙ୍କୁ ୧୦ ହଜାର ଟଙ୍କା ପର୍ଯ୍ୟନ୍ତ ଜରିମାନା ଦେବାକୁ ପଡିପାରେ ।
ସମସ୍ତ କାର୍ଯ୍ୟ ପାଇଁ ପାନ୍ କାର୍ଡ ବ୍ୟବହାର ବାଧ୍ୟତାମୂଳକ ରହିଥାଏ । ତେଣୁ ପାନ୍ କାର୍ଡ ଡିଆକ୍ଟିଭ ଥିଲେ ବିଭିନ୍ନ ପ୍ରକାକରର ସମସ୍ୟା ଦେଖାଯିବାର ସମ୍ଭାବନା ରହିଛି । ଯେମିତିକି ଡିମେଟ୍ ଆକାଉଣ୍ଟ, ମ୍ୟୁଚୁଆଲ ଫଣ୍ଡ, ବ୍ୟାଙ୍କ ଆକାଉଣ୍ଟ ଖୋଲିବା ଆଦି ସମୟରେ ସମସ୍ୟା ଦେଖାଯିବ । ଏପରିକି ପାନ୍ କାର୍ଡ ନିହାତି ଆବଶ୍ୟକ ଥିବା କ୍ଷେତ୍ରରେ ବିଭିନ୍ନ ସମସ୍ୟାମାନ ଦେଖାଯିବ । ତେଣୁ ଯବି ବର୍ତ୍ତମାନ ପର୍ଯ୍ୟନ୍ତ କେହି ପାନ୍ ସହ ଆଧାର କାର୍ଡ ଲିଙ୍କ କରିନାହାନ୍ତି ତେବେ ତାହା ତୁରନ୍ତ କରିଦିଅନ୍ତୁ ।
କେମିତି କରିବେ ପାନ୍ ସହ ଆଧାରର ଲିଙ୍କ?
- ସର୍ବପ୍ରଥମେ ଆୟକର ୱେବସାଇଟ୍ ରେ https://incometaxindiaefiling.gov.in/ ଖୋଲନ୍ତୁ
- ତା’ ପରେ ପାନ୍ କାର୍ଡର ୟୁଜର ଆଇଡି, ପାସଓ୍ବାର୍ଡ ଏବଂ ଜନ୍ମ ତାରିଖ ଦେଇ ଲଗ୍ ଇନ୍ କରନ୍ତୁ
- ଯାହା ପରେ ଏକ ପପ୍ଅପ୍ ଓ୍ବିଣ୍ଡୋ ଖୋଲିବ
- ଯେଉଁଥିରେ ଆପଣଙ୍କ ପାନ୍ ସହ ଆଧାର କାର୍ଡ ଲିଙ୍କ କରିପାରିବେ
(କିମ୍ୱା)
- ମେନୁ ବାର୍ରେ ପ୍ରୋଫାଇଲ ସେଟିଂସ୍କୁ ଯାଇ ‘ଲିଙ୍କ୍ ଆଧାର’ରେ କ୍ଲିକ୍ କରନ୍ତୁ
- ପାନ୍ କାର୍ଡ ଅନୁଯାୟୀ, ନାମ, ଜନ୍ମ ତାରିଖ ଏବଂ ଲିଙ୍ଗ ଭଳି ବିବରଣୀ ଲେଖନ୍ତୁ
- ଯାହା ପରେ ନିଜର ଆଧାର ଏବଂ ପାନ୍ କାର୍ଡର ବିବରଣୀ ଯାଞ୍ଚ କରନ୍ତୁ
- ବିବରଣୀ ମେଳ ଖାଇଲେ ହିଁ ଆପଣଙ୍କର ଆଧାର ନମ୍ବର ଦିଅନ୍ତୁ ଏବଂ ‘ଲିଙ୍କ ନାଓ’ ରେ କ୍ଲିକ୍ କରନ୍ତୁ
- ଯାହା ପରେ ଏକ ପପ୍ଅପ୍ ନୋଟିଫିକେସନ୍ ଆସିବ । ଯେଉଁଥିରେ ଲେଖା ହୋଇଥିବ କି ଆପଣଙ୍କ ଆଧାର କାର୍ଡ ସହ ପାନ୍ କାର୍ଡ ସଫଳତାପୂର୍ବକ ଲିଙ୍କ ହୋଇଯାଇଛି ।