ପୁରୁଣା ଗାଡ଼ିରେ ହାଇ ସିକ୍ୟୁରିଟି ନମ୍ବର ପ୍ଲେଟ ଲଗାଇବା ନେଇ ପରିବହନ କମିଶନରଙ୍କୁ ରାଜ୍ୟ ସରକାରଙ୍କ ନିର୍ଦ୍ଦେଶ । ଗାଁ ଗହଳିରେ ଓ ଉପାନ୍ତ ଅଞ୍ଚଳରେ ଗାଡ଼ିଗୁଡ଼ିକୁ ଯେପରି ହାଇ ସିକ୍ୟୁରିଟି ନମ୍ବର ପ୍ଲେଟ ଲଗାଯାଇପାରିବ, ସେନେଇ ପଦକ୍ଷେପ ନେବାକୁ କହିଛନ୍ତି । ଗତ ୬ ତାରିଖରେ ରାଜ୍ୟ ପରିବହନ ବିଭାଗର ଯୁଗ୍ମ ସଚିବ ଏନେଇ ରାଜ୍ୟପରିବହନ ଆୟୋଗଙ୍କୁ ଚିଠି ଲେଖିଛନ୍ତି ।
ରାଜ୍ୟରେ କେତେ ପୁରୁଣା ଗାଡ଼ି ଅଛି, ସେ ସବୁଥିରେ ନୂଆ ନମ୍ବର ଲାଗିବାକୁ ହେଲେ କେତେଦିନ ଆବଶ୍ୟକ ହେବ, ତାହାର ଆକଳନ ପାଇଁ ସରକାରଙ୍କ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଏହାସହ ଯେଉଁ ଗାଡ଼ିଗୁଡ଼ିକର ଉତ୍ପାଦନ ବନ୍ଦ ହୋଇଯାଇଛି, ହେଲେ ପୁରୁଣା ଗାଡ଼ି ଅଛି, ସେସବୁ ଗାଡ଼ିରେ ନୂଆ ନମ୍ବର ପ୍ଲେଟ କିପରି ଲାଗିବ, ସେନେଇ ମଧ୍ୟ ପଦକ୍ଷେପ ନେବାକୁ ସରକାର କହିଛନ୍ତି ।
Also Read
ମୁଖ୍ୟ କଥା ହେଲା, ରାଜ୍ୟରେ ୨୦୧୯ ଏପ୍ରିଲ ପହିଲା ପୂର୍ବରୁ ରେଜିଷ୍ଟ୍ରେସନ ହୋଇଥିବା କେତେ ଗାଡ଼ି ଅଛି ଓ ସେଗୁଡ଼ିକରେ ନମ୍ବର ପ୍ଲେଟ ଲଗାଇବାକୁ କେତେଦିନ ଆବଶ୍ୟକ, ତାହା ସ୍ଥିର କରିବାକୁ ସରକାର କହିଛନ୍ତି ।