ଗାର୍ଡ ଅଫ୍‌ ଅନର ବେଳେ ଦ୍ରୌପଦୀ ମୁର୍ମୁଙ୍କ ଗାଡ଼ିରେ ଥିଲେ ଓଡ଼ିଆ କମାଣ୍ଡିଂ ଅଫିସର

ଓଡ଼ିଆ ଝିଅ ଦ୍ରୌପଦୀ ମୁର୍ମୁ ରାଷ୍ଟ୍ରପତି ଭାବେ ଶପଥ ନେବା ପରେ ସେରିମନିଆଲ ସାଲ୍ୟୁଟ ବେଳେ କମାଣ୍ଡିଂ ଅଫିସର ଥିଲେ ଜଣେ ଓଡ଼ିଆ ଅଫିସର । ମ୍ୟାଡମ ପ୍ରେସିଡେଣ୍ଟ ଯେତେବେଳେ ଗାଡ଼ିରେ ଅଭିବାଦନ ଗ୍ରହଣ କରୁଥିଲେ ସେତେବେଳେ ବି ସଂପୃକ୍ତ ଓଡ଼ିଆ କମାଣ୍ଡିଂ ଅଫିସର ଜଣକ ଗାଡ଼ିରେ ଉପସ୍ଥିତ ଥିଲେ । ସେ ହେଉଛନ୍ତି କର୍ଣ୍ଣେଲ୍ ଷ୍ଟାଲିନ୍ ମହାନ୍ତି ।

ରାଷ୍ଟ୍ରପତିଙ୍କ ସହ ସେରିମନିଆଲ୍ ସାଲ୍ୟୁଟ ବେଳେ ଗାଡ଼ିରେ ଥିବା କର୍ଣ୍ଣେଲ ଷ୍ଟାଲିନ୍ ମହାନ୍ତି ପୈତୃକ ଘର କଟକ ଜିଲ୍ଲା କଣ୍ଟାପଡ଼ାରେ । ତେବେ ସେ କିନ୍ତୁ ମୟୂରଭଂଜରେ ଜନ୍ମଗ୍ରହଣ କରିଥିଲେ । କର୍ଣ୍ଣେଲ ଷ୍ଟାଲିନ୍ ମହାନ୍ତି ଉଦଳା ସ୍ଥିତ ଶ୍ରୀ ଅରବିନ୍ଦ ସ୍କୁଲରେ ପାଠ ପଢ଼ିଥିଲେ । ଏହାପରେ ୧୯୯୩ରୁ ୨୦୦୦ ମସିହା ଯାଏଁ ସେ ଭୁବନେଶ୍ୱର ସୈନିକ ସ୍କୁଲରେ ପାଠ ପଢ଼ିଥିଲେ ।

ସେହିପରି କର୍ଣ୍ଣେଲ ମହାନ୍ତି ୨୦୦୦-ରୁ ୨୦୦୩ରେ NDA ଓ ୨୦୦୪ରେ IMA ପାସ୍ ଆଉଟ ହେଉଛନ୍ତି । ସେରିମନିଆଲ ସାଲ୍ୟୁଟ ବେଳେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସହ ସେ ଉପସ୍ଥିତ ଥିବାରୁ ପରିବାର ଲୋକେ ଖୁସି ପ୍ରକଟ କରିଛନ୍ତି ।