ପୋଲିସ-ସେବାୟତଙ୍କ କଳିରେ ଦୁଇ ଦିନ ଧରି ଉପବାସରେ ପ୍ରଭୁ ନୀଳମାଧବ

ଉପବାସରେ ରହିଛନ୍ତି ପ୍ରଭୁ ନୀଳମାଧବ । ଗତ ଦୁଇ ଦିନ ଧରି ଖାଡ଼ା ଉପବାସରେ ରହିଛନ୍ତି ନୟାଗଡ଼ କଣ୍ଟିଲୋ ନୀଳମାଧବ । ମନ୍ଦିର ସେବାୟତଙ୍କୁ ପୋଲିସ୍ ଦୁର୍ବ୍ୟବହାର ଅଭିଯୋଗରେ ଦୁଇ ଦିନ ହେଲା ଧାରଣାରେ ବସିଛନ୍ତି । କଣ୍ଟିଲୋ ଫାଣ୍ଡି ଅଧିକାରୀ ରମେଶ ଚନ୍ଦ୍ର ଜେନା ପୂଜକ ମାନଙ୍କୁ ଦୁର୍ବ୍ୟବହାର କରିବା ସହ ବିଭିନ୍ନ ସମୟରେ ଧମକ ଚମକ ଦେଉଥିବା ଅଭିଯୋଗ ଆସିଛି l

ତେବେ ଫାଣ୍ଡି ଅଧିକାରୀଙ୍କ ବଦଳି ଦାବି କରି ଦୁଇ ଦିନ ହେଲା ପୂଜକ ମାନେ ନୀତି ବନ୍ଦ କରିଛନ୍ତି । ଭୋଗ ନହେବାରୁ ପର୍ଯ୍ୟଟକ ମାନେ ପ୍ରସାଦ ବି ପାଇ ପାରୁନାହାନ୍ତି । ତେବେ ପୋଲିସ ଓ ସେବାୟତଙ୍କ ତିକ୍ତତା ଭିତରେ ପ୍ରଭୁ ନୀଳମାଧବ ଉପବାସରେ ରହିଛନ୍ତି ।