ନେପାଳ ବିମାନ କ୍ରାସ : ନିଖୋଜ ୪ ଭାରତୀୟ ଓଡ଼ିଶାର ସୂଚନା

ନେପାଳରେ ନିଖୋଜ ଯାତ୍ରୀବାହୀ ଘରୋଇ ବିମାନରେ ଥିବା ୪ ଜଣ ଭାରତୀୟ ହେଉଛନ୍ତି ଓଡ଼ିଶାର । ସେମାନେ ହେଲେ ଅଶୋକ ତ୍ରିପାଠୀ, ଧନୁଷ ତ୍ରିପାଠୀ, ରିତିକା ତ୍ରିପାଠୀ ଓ ବୈଭବୀ ତ୍ରିପାଠୀ । ସମସ୍ତେ ଗୋଟିଏ ପରିବାରର ବୋଲି ଜଣାପଡିଛି । ସେମାନଙ୍କ ଘର ଭୁବନେଶ୍ୱର ଜୟଦେବ ବିହାରରେ । ଅଶୋକ ତ୍ରିପାଠୀ ତାଙ୍କ ପରିବାର ସହ ନେପାଳ ବୁଲିଯାଇଥିବା ବେଳେ ବିମାନ ଦୁର୍ଘଟଣା ଘଟିଥିଲା ।

ଏହି ୪ ଭାରତୀୟଙ୍କ ସମେତ ୨୨ ଜଣ ଯାତ୍ରୀଙ୍କୁ ନେଇ ଯାଉଥିବା ତାରା ଏୟାରର ଏକ ବିମାନ ନିଖୋଜ ହୋଇଯାଇଛି । ଆଜି ପୂର୍ବାହ୍ନ ୯ଟା ୫୫ ବେଳେ ବିମାନ ସହ ଯୋଗାଯୋଗ ବିଛିନ୍ନ ହୋଇ ଯାଇଥିଲା । ଏହି ବିମାନରେ ୪ ଜଣ ଭାରତୀୟ, ୩ ଜଣ ଜାପାନୀ ନାଗରିକ ଥିଲେ ବାକି ସମସ୍ତେ ନେପାଳୀ ବୋଲି କୁହାଯାଇଛି । ତେବେ କ୍ରୁ ମେମ୍ବରଙ୍କୁ ମିଶାଇ ମଟ୍ ୨୨ ଜଣ ଏଥିରେ ଯାତ୍ରା କରୁଥିଲେ ।