ଭାରତର ଉତ୍ତର ପୂର୍ବର ଲୋକମାନଙ୍କର ଆଖି ସାଧାରଣତଃ ଛୋଟ ଥାଏ । ଏଥିପାଇଁ ଅନେକ ସମୟରେ ସେମାନଙ୍କୁ ପରିହାସ ତଥା କମେଣ୍ଟର ସମ୍ମୁଖୀନ ହେବାକୁ ପଡିଥାଏ । ଅନେକ ସମୟରେ ଦେଖିବାକୁ ମିଳେ ଯେ ଜାତିଆଣ ମନୋଭାବ ରଖି ଲୋକେ ନିଜ ଦେଶର ଛୋଟ ଆଖି ଥିବା ଲୋକଙ୍କୁ ଅଶ୍ଳୀଳ ମନ୍ତବ୍ୟ ତଥା ଅଶ୍ଳୀଳ ନାମରେ ଡାକି ତାଙ୍କର ଉପହାସ କରିଥାନ୍ତି । ତେବେ ଜାତିଆଣ ମାନସିକତା ଥିବା ଲୋକଙ୍କୁ ନାଗାଲାଣ୍ଡ ମନ୍ତ୍ରୀ କଡ଼ା ପ୍ରତିଉତ୍ତର ଦେଇଛନ୍ତି ।
ନିକଟରେ ନାଗାଲାଣ୍ଡର ଉଚ୍ଚଶିକ୍ଷା ଏବଂ ଆଦିବାସୀ ବ୍ୟାପାର ମନ୍ତ୍ରୀ ଟେମଜେନ୍ ଇମ୍ନା ଆଲଙ୍ଗ (Temjen Imna Along) ଜାତିଆଣ ମାନସିକତା ଥିବା ଲୋକଙ୍କୁ ଏକ ଉପଯୁକ୍ତ ଉତ୍ତର ଦେଇଛନ୍ତି । ଯାହାର ଭିଡ଼ିଓ ଏବେ ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି । କାରଣ ମନ୍ତ୍ରୀ ଅତି ମଜାଳିଆ ଭାବରେ ଏହାର ଉତ୍ତର ଦେଇଛନ୍ତି । ଏହାକୁ ଅନ୍ୟ ଲୋକଙ୍କ ପରିହାର କରୁଥିବା ଲୋକଙ୍କୁ ନିହାତି ଶୁଣିବା ଆବଶ୍ୟକ ।
କ’ଣ କହିଲେ ମନ୍ତ୍ରୀ ?
Also Read
ଏକ କାର୍ଯ୍ୟକ୍ରମକୁ ସମ୍ୱର୍ଦ୍ଧିତି କରିବା ସମୟରେ ମନ୍ତ୍ରୀ କହିଲେ ଯେ, ‘ ଲୋକେ କୁହନ୍ତି ଉତ୍ତର ପୂର୍ବର ଲୋକମାନଙ୍କ ଆଖି ଛୋଟ ହୋଇଥାଏ । ଆମମାନଙ୍କ ଆଖି ଛୋଟ ହୋଇଥାଇ ମଧ୍ୟ ଆମେ ଭଲ ଭାବରେ ଦେଖିପାରୁ । ’ କେବଳ ଏତିକି ନୁହେଁ ମନ୍ତ୍ରୀ ଛୋଟ ଆଖିର ଉପକାରିତା ମଧ୍ୟ ବଖାଣିଛନ୍ତି । ଛୋଟ ଆଖିର ଅନେକ ଫାଇଦା ରହିଛି । ପ୍ରଥମତଃ ଆଖିରେ କମ୍ ଧୂଳି ପଶିଥାଏ । ଦ୍ୱିତୀୟରେ ଆମେ ଲମ୍ୱା ସମୟ ଧରି ଚାଲିଥିବା କାର୍ଯ୍ୟକ୍ରମରେ ଶୋଇ ପାରିଥାଉ ବୋଲି ମଧ୍ୟ କହିଛନ୍ତି ମନ୍ତ୍ରୀ । ତେବେ ମନ୍ତ୍ରୀଙ୍କ ଏହି ଭିଡ଼ିଓଟି ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି । ଏମିତିକି ଆସାମର ମୁଖ୍ୟମନ୍ତ୍ରୀଙ୍କ ସମେତ ଅନେକ ୟୁଜର୍ସମାନେ ଏହି ଭିଡ଼ିଓଟିକୁ ଶେୟାର କରିଛନ୍ତି ।