ମିଳିଲାନି ଆମ୍ବୁଲାନ୍ସ, ୨୦ କି.ମି.ବୁହାହେଲା ଶବ

ନବରଙ୍ଗପୁର ନନ୍ଦାହାଣ୍ଡିରେ ଦାନ ମାଝୀ ଘଟଣାର ପୁନରାବୃତ୍ତି। ମିଳିଲାନି ଆମ୍ବୁଲାନ୍ସ, ୨୦ କି.ମି. ଭାରରେ ବୁହାହେଲା ଶବ। ଗାଡ଼ି ଭଡ଼ା ଦେବାକୁ ଟଙ୍କା ନଥିବାରୁ ପରିବାର ଏବଂ ସଂପର୍କୀୟମାନେ ମହିଳାଙ୍କ ମୃତଦେହକୁ ଭାରରେ ୨୦ କିଲୋମିଟର ବୋହି ଘରକୁ ଆଣିଛନ୍ତି।

ମୃତକ ହେଲେ ନନ୍ଦାହାଣ୍ଡି ଫୁପୁ ଗାଁର କରୁଣା ଆମନାତ୍ୟ। ସେ ତାଙ୍କ ବାପ ଘର ପୁର୍ଣ୍ଣିଗୁଡ଼ା ଯାଇଥିବା ବେଳେ କୌଣସି କାରଣରୁ ଗତ ରାତିରେ ତାଙ୍କର ଦେହାନ୍ତ ହୋଇଥିଲା। ତେବେ ମୃତଦେହ ଶାଶୁଘରକୁ ଆଣିବା ଲାଗି କୌଣସି ସରକାରୀ ସୁବିଧା ନମିଳିବାରୁ ପରିବାର ଲୋକେ ମୃତଦେହକୁ ଭାରା କରି ୨୦ କିମି ବୋହି ଆଣିଥିଲେ। ତେବେ ଏ ନେଇ ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ।