ମଲ୍ଟି-ଟାସ୍କିଂ ମହିଳା ମୋନିକା ସିଂହ; ଝିଅକୁ ଧରି ଡ୍ୟୁଟିରେ ଲାଗିଗଲେ

ଆମ ସମାଜରେ ଅନେକ ମହିଳା ଅଛନ୍ତି ଯେଉଁମାନେ ଚାକିରି କରିବା ସହିତ ପରିବାରର ଯତ୍ନ ମଧ୍ୟ ନିଅନ୍ତି। ଏମାନେ ଘର ସଜାଇବା ଠାରୁ ଆରମ୍ଭ କରି ଅଫିସରେ ବଡ ବଡ ଦାୟିତ୍ୱକୁ ସୂଚାରୁ ରୂପେ ପରିଚାଳନା କରନ୍ତି। ସେଥିପାଇଁ ମହିଳାମାନଙ୍କୁ ମଲ୍ଟି-ଟାସ୍କିଂ କୁହାଯାଏ। ଏହା ପରିବାର ପ୍ରତି କର୍ତ୍ତବ୍ୟ ହେଉ କିମ୍ବା ଚାକିରିରେ ନିଜର ଦୟିତ୍ୱବୋଧ ହେଉ, ମହିଳାମାନେ ସାବଧାନତା ସହିତ ସବୁ ପୂରଣ କରନ୍ତି।

ଯଦି ଏଠାରେ ଜଣେ ମହିଳା ପୋଲିସଙ୍କ ବିଷୟରେ କୁହାଯାଏ ତେବେ ତାଙ୍କର ଦାୟିତ୍ୱ ଆହୁରି ବଢିଯାଏ। ସମାଜର ସୁରକ୍ଷା ପାଇଁ, ପୋଲିସ କର୍ମଚାରୀମାନେ ସମୟର ସୀମାଠାରୁ ଉର୍ଦ୍ଧ୍ୱକୁ ଯାଇ ଦିନରାତି ନିଜ କର୍ତ୍ତବ୍ୟରେ ଥାଆନ୍ତି।

ଏହି ସମୟରେ ତାଙ୍କ ପରିବାର ଏବଂ ପିଲାମାନେ ମଧ୍ୟ ତାଙ୍କୁ ଆବଶ୍ୟକ କରନ୍ତି। ଉଭୟକୁ ଏକାଠି ପରିଚାଳନା କରିବା କଷ୍ଟକର ହେଉଥିଲେ ବି ମହିଳାମାନେ ଏହାକୁ ଭଲ ଭାବରେ ପରିଚାଳନା କରନ୍ତି। ଏହିପରି ଜଣେ ମହିଳା ପୋଲିସ ହେଲେ ମଧ୍ୟପ୍ରଦେଶର ଡିଏସ୍‌ପି ମୋନିକା ସିଂ। ସେ ଉଭୟ ଖାକି ଓ ମା’ର ଧର୍ମକୁ ବହୁତ ଭଲ ଭାବରେ ପାଳନ କରୁଛନ୍ତି। ତେବେ ଆସନ୍ତୁ ଜାଣିବା ମୋନିକା ସିଂଙ୍କ ବିଷୟରେ, ଯାହାଙ୍କ କାମକୁ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ମଧ୍ୟ ପ୍ରଶଂସା କରିବାରେ ନିଜକୁ ଅଟକାଇ ପାରି ନଥିଲେ। କିଏ ଏହି ମୋନିକା ସିଂହ:

ମୋନିକା ସିଂ ମଧ୍ୟପ୍ରଦେଶ ପୋଲିସ ବିଭାଗରେ କାର୍ଯ୍ୟ କରୁଛନ୍ତି। ୨୦୧୭ ବ୍ୟାଚ୍‌ର ଡିଏସ୍‌ପି ମୋନିକା ସିଂଙ୍କ ଟ୍ରେନିଂ ପରେ ସିଦ୍ଧି ଜିଲ୍ଲାରେ ତାଙ୍କର ପ୍ରଥମ ପୋଷ୍ଟିଂ କରାଯାଇଛି। ମୋନିକା ସିଂ ବର୍ତ୍ତମାନ କ୍ରାଇମ ବ୍ରାଞ୍ଚର ଦାୟିତ୍ୱରେ ଅଛନ୍ତି।

ମୋନିକାଙ୍କ ପରିବାର:

ଡିଏସ୍‌ପି ମୋନିକା ସିଂହ ବିବାହିତ। ମୋନିକାଙ୍କ ସ୍ୱାମୀ ଏକ ଘରୋଇ ଫାର୍ମରେ କାମ କରନ୍ତି। ସେ ଜଣେ ସଫ୍ଟୱେୟାର ଇଞ୍ଜିନିୟର ଏବଂ ଦିଲ୍ଲୀରେ ରୁହନ୍ତି। ଏହା ବ୍ୟତୀତ ସେ ସାଇବର ସମ୍ବନ୍ଧୀୟ ଅନେକ ବଡ ବଡ ଏଜେନ୍ସିର ପରାମର୍ଶଦାତା ମଧ୍ୟ ଅଟନ୍ତି। ସେମାନଙ୍କର ଏକ ୧୮ ମାସର ଶିଶୁ କନ୍ୟା ମଧ୍ୟ ଅଛି।

ଏମିତି ଆସିଲେ ଚର୍ଚ୍ଚାକୁ :

ଜୋବଟ ବିଧାନସଭାରେ ହେବାକୁ ଥିବା ଉପ-ନିର୍ବାଚନ ପାଇଁ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ଆଲିରାଜପୁର ଗସ୍ତରେ ଆସିଥିବା ବେଳେ ଡିଏସ୍‌ପି ମୋନିକା ସିଂହ ଲୋକଲୋଚନକୁ ଆସିଥିଲେ। ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ଝୋତରାଡା ଗାଁର ହେଲିପ୍ୟାଡ୍‌ରେ ଡିଏସ୍‌ପି ମୋନିକା ସିଂହଙ୍କୁ ଲାଗୁ କରାଯାଇଥିଲା।

ଯେତେବେଳେ ମୋନିକା ଡ୍ୟୁଟି କରିବାକୁ ଯାଉଥିଲେ, ସେତେବେଳେ ତାଙ୍କ ଝିଅ ମାୟରା କାନ୍ଦିବାକୁ ଲାଗିଲା। ଫଳରେ ସେ ଝିଅକୁ ସାଙ୍ଗରେ ଆଣିବାକୁ ବାଧ୍ୟ ହୋଇଥିଲେ। ମୁଖ୍ୟମନ୍ତ୍ରୀଙ୍କ କନଭେନର ପହଞ୍ଚିବା ପରେ ଡିଏସ୍‌ପି ଝିଅକୁ ଏକ ବେବି ବ୍ୟାଗ୍‌ରେ ଛାତିରେ ବାନ୍ଧି ଡ୍ୟୁଟି କରିବା ଆରମ୍ଭ କରିଥିଲେ।

ମୁଖ୍ୟମନ୍ତ୍ରୀଙ୍କ ପ୍ରଶଂସା:

ଯେତେବେଳେ ଶିବରାଜ ସିଂ ଚୌହ୍ୱାନ ହେଲିପ୍ୟାଡ୍‌ରେ ପହଞ୍ଚିଲେ ଡିଏସପି ଝିଅକୁ ଆଟେଣ୍ଡର୍ ପାଖରେ ଛାଡି ହାତରେ ୱେୟାର୍‌ଲେସ୍ ସେଟ୍‌ ଧରି ଡ୍ୟୁଟିରେ ଲାଗିଗଲେ। ମା’ଠାରୁ ଦୂରେଇ ହୋଇଯିବା ପରେ ଯେତେବେଳେ ତାଙ୍କ ଝିଅ କାନ୍ଦିବାକୁ ଲାଗିଲା, ମୋନିକା ଝିଅକୁ କୋଳେଇ ନେଇ ଛାତିରେ ଝୁଲାଇ ଡ୍ୟୁଟିରେ ଲାଗିଗଲେ। ଏହି ଦୃଶ୍ୟ ମୁଖ୍ୟମନ୍ତ୍ରୀଙ୍କ ନଜରରେ ପଡିଗଲା। ଏହା ଦେଖି ସେ ତାଙ୍କୁ ପ୍ରଶଂସା କରି ସେ ଓ ସମଗ୍ର ମଧ୍ୟପ୍ରଦେଶ ମୋନିକା ସିଂଙ୍କ ପାଇଁ ଗର୍ବିତ ବୋଲି କହିଥିଲେ।