ଆମ ଦେଶରେ ଯେପରି ୫୦ ବର୍ଷ ବୟସ ଅତିକ୍ରମ କରିବା ପରେ ମଧ୍ୟ ଅଭିନେତା ତଥା ମଡେଲ ମିଲିନ୍ଦ ସୋମନଙ୍କ ଫିଟ୍ନେସ୍ ସମସ୍ତଙ୍କୁ ତାଜୁବ୍ କରେ ସେହିପରି ଆମେରିକାର ମଡେଲ ଟ୍ରଏ କ୍ୟାସୀ ୫୫ ବର୍ଷ ବୟସରେ ମଧ୍ୟ ନିଜକୁ ଫିଟ୍ ରଖିଛନ୍ତି। ଟ୍ରଏ କ୍ୟାସୀଙ୍କ ଏହି ଫିଟ୍ନେସ୍ରେ ପାଗଳ ହେଉଥିବା ଲୋକଙ୍କୁ ଯେତେବେଳେ ତାଙ୍କ ଫିଟ୍ନେସ୍ ପଛରେ ଥିବା ରହସ୍ୟ ଜଣାଗଲା ସେମାନେ ନିଜ କାନକୁ ମଧ୍ୟ ବିଶ୍ୱାସ କରିପାରିଲେ ନାହିଁ।
ଯୁକ୍ତରାଷ୍ଟ୍ରର ଆରିଜୋନରେ ରହୁଥିବା ପୂର୍ବତନ ଭର୍ସେସ୍ ମଡେଲ ଟ୍ରଏ କ୍ୟାସୀ କରିଛନ୍ତି ଯେ ତାଙ୍କର ଚମକୁଥିବା ଚର୍ମ ଏବଂ ସୁପର୍ଫିଟ୍ ଶରୀରର କାରଣ ହେଉଛି ଦୈନନ୍ଦିନ ପରିସ୍ରା ପିଇବା। କେବଳ ଏତିକି ନୁହେଁ, ସେ ମଧ୍ୟ ପରିସ୍ରାକୁ ଶରୀରର ଲୋସନ ଭାବରେ ବ୍ୟବହାର କରନ୍ତି। ଏହା ଶୁଣି ଆପଣ ନିଶ୍ଚିତ ଭାବରେ ଟିକେ ଅଜବ ଅନୁଭବ କରୁଥିବେ, କିନ୍ତୁ ଏହା ଟ୍ରଏଙ୍କ ପାଇଁ ସାଧାରଣ ରୁଟିନ୍ର ଏକ ଅଂଶ ହୋଇଯାଇଛି।
Also Read
୧୭ ବର୍ଷ ହେଲା ପିଉଛନ୍ତି ପରିସ୍ରା:
ଟ୍ରଏ କରିଛନ୍ତି ଯେ ସେ ଗତ ୧୭ ବର୍ଷ ଧରି କ୍ରମାଗତ ଭାବରେ ନିଜର ପରିସ୍ରାକୁ ପିଉଛନ୍ତି। ଟପ୍ ବ୍ରାଣ୍ଡ୍ସ ପାଇଁ ମଡେଲିଂ କରୁଥିବା ଟ୍ରଏ କ୍ୟାସୀଙ୍କ ଅନୁଯାୟୀ, ଆୟୁର୍ବେଦରେ ୟୁରିନ୍ ଥେରାପି ଏକ ପ୍ରାଚୀନ ପଦ୍ଧତି, ଯାହା ବିଷୟରେ ଅଧିକ ଆଲୋଚନା କରାଯାଏ ନାହିଁ।
ନିଜ ପରିସ୍ରାରେ ଆମିନୋ ଏସିଡ୍, ଷ୍ଟେମ୍ ସେଲ୍ ଏବଂ ଆଣ୍ଟିବଡି ଭରପୂର ପରିମାଣରେ ମିଳେ। ଟ୍ରଏ ପ୍ରତିଦିନ ସକାଳେ ତାଙ୍କ ପରିସ୍ରା ପିଇଥାନ୍ତି ଏବଂ ଏହାକୁ ସେ ଶକ୍ତିର ଭଣ୍ଡାର ବୋଲି କୁହନ୍ତି। ବେଳେବେଳେ ସେ ୟୁରିନ୍ ଫାଷ୍ଟିଂ ମଧ୍ୟ କରନ୍ତି ଏବଂ ଅନେକ ଦିନର ପରିସ୍ରାକୁ ସେ ଏନିମା ମାଧ୍ୟମରେ ବାହାର କରନ୍ତି। ଏହା ଦ୍ୱାରା ତାଙ୍କ ପେଟ ଫ୍ଲାଟ୍ ଦେଖାଯାଏ ବୋଲି ସେ କୁହନ୍ତି।
ଶରୀରରେ ବି ଲଗାନ୍ତି ପରିସ୍ରା:
ଟ୍ରଏ କ୍ୟାସୀ କହିଛନ୍ତି ଯେ ଲୋକମାନେ ଅନେକ ସମୟରେ ଆଡୁସାଡୁ ବହୁତ କିଛି ଖାଆନ୍ତି, ତେଣୁ ସେମାନେ ନିଜ ପରିସ୍ରାକୁ ପିଇବାକୁ ଭୟ କରନ୍ତି। ସେ ତାଙ୍କ ସ୍ୱାସ୍ଥ୍ୟ ରହସ୍ୟ ବିଷୟରେ ଏକ ପୁସ୍ତକ ମଧ୍ୟ ଲେଖିଛନ୍ତି, ଯେଉଁଥିରେ ସେ ୫୫ ବର୍ଷ ବୟସରେ ତାଙ୍କର ସୁସ୍ଥ ଓ ଚିକ୍କଣ ଦେଖାଯିବାର ରହସ୍ୟ ବିଷୟରେ ସେ କହିଛନ୍ତି। ଇନ୍ଷ୍ଟାଗ୍ରାମ୍ରେ ୧୨୦,୦୦୦ ଅନୁସରଣକାରୀ ଥିବା ଟ୍ରଏ କ୍ୟାସୀ କହିଛନ୍ତି ଯେ ସେ ତାଙ୍କ ଶରୀରରେ ପରିସ୍ରା ବୋଳିହେବା ଦ୍ୱାରା ତାଙ୍କ ଚର୍ମ ଚମକି ଉଠୁଥିବା ବେଳେ ଏହାକୁ ପିଇବା ଦ୍ୱାରା ତାଙ୍କ ଶରୀରର ଗଠନ ଚମତ୍କାର ହୋଇଥାଏ। ପରିସ୍ରା ପିଇବା ଦ୍ୱାରା ଶରୀରକୁ ଅହେତୁକ ଶକ୍ତି ଆସିଥାଏ ବୋଲି ସେ କହିଛନ୍ତି।