କରୋନା କାଳରେ ଆମ ଜୀବନ ଶୈଳୀରେ କିଛିଟା ପରିବର୍ତ୍ତନ ହୋଇଛି। ଆମେ ଆମ ଜୀବନରେ କିଛି ନୂଆ ଅଭ୍ୟାସକୁ ସାମିଲ କରିଛୁ। ଏହି ଅଭ୍ୟାସ ଗୁଡ଼ିକରେ ରହିଛି ମୁହଁରେ ମାସ୍କ ପିନ୍ଧିବା, ସାନିଟାଇଜର ବ୍ୟବହାର କରିବା ଓ ସମୟ ସମୟରେ ହାତ ଧୋଇବା। ଏଥିମଧ୍ୟରୁ ମାସ୍କ ବ୍ୟବହାର କରିବାର ଅଭ୍ୟାସ କେବଳ ସ୍ୱାସ୍ଥ୍ୟ ପାଇଁ ନୁହେଁ ବରଂ ବେଳେବେଳେ ପକେଟ୍ ପାଇଁ ମଧ୍ୟ ଭଲ ବୋଲି ପ୍ରମାଣ କରେ। କାରଣ ନିକଟରେ ଜଣେ ବ୍ୟକ୍ତି ମାସ୍କ ପିନ୍ଧି ନଥିବାରୁ ତାଙ୍କୁ ଲକ୍ଷ ଲକ୍ଷ ଲଙ୍କା ଜରିମାନା ଦେବାକୁ ପଡିଛି।
ବ୍ରିଟେନ୍ର ଖ୍ରୀଷ୍ଟୋଫର୍ ଓ’ ଟୁଲ୍ କହିଛନ୍ତି ଯେ ସପିଂ କରିବା ସମୟରେ ସେ ତାଙ୍କ ମୁହଁରୁ କିଛି ସମୟ ପାଇଁ ମାସ୍କକୁ କାଢିଥିଲେ। ଏହା ବଦଳରେ ତାଙ୍କୁ ଲକ୍ଷାଧିକ ଟଙ୍କା ଜରିମାନା ଦେବାକୁ ପଡିଲା। କ୍ରିଷ୍ଟୋଫର କହିଛନ୍ତି ଯେ ମାସ୍କ ପିନ୍ଧିବାର ନିୟମକୁ ପାଳନ କରିବାରେ କୌଣସି ଅସୁବିଧା ନାହିଁ। ସପିଂ କରିବା ସମୟରେ ସେ ମାତ୍ର କିଛି ସମୟ ପାଇଁ ନିଜ ମାସ୍କକୁ କାଢିଥିଲେ। କିନ୍ତୁ ଏହା ବଦଳରେ ତାଙ୍କୁ ହଜାରେ କି ଦୁଇ ହଜାର ନୁହେଁ ବରଂ ୨ ଲକ୍ଷ ଟଙ୍କା ଜରିମାନା ଦେବାକୁ ପଡିଛି।
Also Read
ଖ୍ରୀଷ୍ଟୋଫର୍ ଓ’ ଟୁଲେଙ୍କ ସହିତ ଏହି ଘଟଣାଟି ସେତେବେଳେ ଘଟିଥିଲା ଯେତେବେଳେ ସେ ପ୍ରେସ୍କାଟ୍ରେ B&Mରେ ସପିଂ କରୁଥିଲେ। ଖ୍ରୀଷ୍ଟୋଫରଙ୍କ କହିବା ଅନୁଯାୟୀ, ତାଙ୍କୁ ଟିକେ ଅଣନିଶ୍ୱାସୀ ଲାଗିବାରୁ ସେ ମାତ୍ରା ୧୬ ସେକେଣ୍ଡ ପାଇଁ ତାଙ୍କ ମୁହଁରୁ ମାସ୍କ କାଢିଥିଲେ। ଠିକ୍ ଏତିକି ବେଳେ ପୋଲିସ କର୍ମଚାରୀମାନେ ଦୋକାନ ଭିତରକୁ ପଶିଆସିଲେ। ମାସ୍କ ନ ପିନ୍ଧିଥିବାରୁ ତାଙ୍କ ନାମକୁ ଲେଖିଥିଲେ।
ଏହି ଘଟଣା ଗତ ବର୍ଷ ଫେବୃଆରୀ ମାସର୍, ଯେତେବେଳେ ବ୍ରିଟେନର ସବୁ ସ୍ଥାନରେ ମାସ୍କ ପିନ୍ଧିବା ବାଧ୍ୟତାମୂଳକ ଥିଲା। ଘଟଣାର କିଛି ଦିନ ପରେ କ୍ରିଷ୍ଟୋଫର୍ଙ୍କୁ କ୍ରାଇମବ୍ରାଞ୍ଚ ରେକର୍ଡ କାର୍ଯ୍ୟାଳୟରୁ ଏକ ଚିଠି ମିଳିଥିଲା, ଯେଉଁଥିରେ ତାଙ୍କୁ ପ୍ରାୟ ୧୦ ହଜାର ଟଙ୍କା ଜରିମାନା ଦେବାକୁ କୁହାଯାଇଥିଲା।
ଏହି ଚିଠି ବଦଳରେ ଅଧିକାରୀମାନଙ୍କୁ ଇ-ମେଲ ମାଧ୍ୟମରେ ଜରିମାନା ନ ଦେବା ପାଇଁ ଖ୍ରୀଷ୍ଟୋଫର ଏକ ସଫେଇ ଦେଇଥିଲେ। ଏହା ବଦଳରେ ତାଙ୍କୁ କର୍ତ୍ତୃପକ୍ଷଙ୍କଠାରୁ ଆଉ ଏକ ଚିଠି ଦିଆଯାଇଥିଲା ଯେଉଁଥିରେ ତାଙ୍କ ଜରିମାନା ମୂଲ୍ୟ ୨ ଲକ୍ଷକୁ ବୃଦ୍ଧି କରାଯାଇଥିଲା।
ଖ୍ରୀଷ୍ଟୋଫରଙ୍କ କହିବା ଅନୁଯାୟୀ, ଏହି ଜରିମାନା ପ୍ରଦାନ କଲେ ତାଙ୍କର ଗୋଟିଏ ମାସର ଦରମା ଚାଲିଯିବ। ବର୍ତ୍ତମାନ ଏହି ମାମଲା କୋର୍ଟରେ ପହଞ୍ଚିଛି ଏବଂ ତାଙ୍କୁ କୋର୍ଟରେ ଏହି ମାମଲାକୁ ଲଢିବାକୁ ପଡିବ। ଏହାପୂର୍ବରୁ, ବ୍ରିଟେନରେ ଭୁଲ୍ ପାର୍କିଂ ହେତୁ ଜଣେ ବ୍ୟକ୍ତିଙ୍କୁ ୨୦ ଟଙ୍କା ବଦଳରେ ୨୭ ହଜାର ଟଙ୍କା ଜରିମାନା ଦେବାକୁ ପଡିଥିଲା।