ଦୁର୍ଘଟଣାରେ ଯୁବକଙ୍କ ମୃତ୍ୟୁକୁ ନେଇ ତାତିଲେ ଲୋକେ । ସୁବର୍ଣ୍ଣପୁର ବିନିକା ଥାନା ଦାନିପାଲି ଛକରେ ଦୁର୍ଘଟଣା ପରେ କଲେଜ୍ ଛକରେ ବହୁ ସଂଖ୍ୟାରେ ସ୍ଥାନୀୟବାସିନ୍ଦା ରାସ୍ତାରୋକୋ କରିଛନ୍ତି । ମୃତଦେହକୁ ରାସ୍ତା ଉପରେ ରଖି ଟାୟାର ଜାଳି ଅବରୋଧ କରି ରଖିଛନ୍ତି ।
Also Read
ଫଳରେ ବିନିକା-ବରପାଲି ମୁଖ୍ୟ ରାସ୍ତାରେ ଗାଡ଼ି ଚଳାଚଳରେ ବାଧା ସୃଷ୍ଟି ହୋଇଛି । ରାତି ତମାମ୍ ଷ୍ଟ୍ରାଇକ୍ରେ ବସିଛନ୍ତି ଲୋକେ । ମୃତକଙ୍କ ପରିବାରକୁ ଅନୁକମ୍ପା ରାଶି ଓ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ଏନେଇ ଜଣେ ଆନ୍ଦୋଳନକାରୀ କହିଛନ୍ତି ଯେ, ‘ଜଣେ ନିରିହ ଛାତ୍ରଟିର ମୃତ୍ୟୁ ହୋଇଥିବାରୁ ଆମେ ଠେଙ୍ଗାବାଡ଼ି ନେଇ ରାସ୍ତାରୋକୋ କରିଛୁ । ଯେଉଁ ପର୍ଯ୍ୟନ୍ତ ଆମ ଦାବି ପୂରଣ ନ ହୋଇଛି ଆମେ ପ୍ରତିବାଦରୁ ହଟିବା ନାହିଁ । ଦାବି ପୂରଣ ନ ହେବା ଯାଏ କୌଣସି ଗାଡିକୁ ଏହି ରାସ୍ତା ଦେଇ ଛାଡିବୁନି...ଏହିପରି ଭାବେ ରାସ୍ତାରୋକୋ ଜାରି ରଖିବୁ ’
ତେବେ ଦୁର୍ଘଟଣାରେ ଯୁବକଙ୍କ ମୃତ୍ୟୁକୁ ନେଇ ତାତିଥିବା ଲୋକେ ପ୍ରତିବାଦରୁ ହଟିବାର ନାଁ ନେଉନାହାଁନ୍ତି ।