ସୂର୍ଯ୍ୟରୁ ଭୟଙ୍କର ଝଡ; ଶୁକ୍ର ସହ ଧକ୍କା

ସୂର୍ଯ୍ୟରୁ ସୌର ଝଡ। ଏହି ସପ୍ତାହରେ ଦ୍ୱିତୀୟ ଥର ପାଇଁ ସୂର୍ଯ୍ୟଙ୍କଠାରୁ ସୌର ଝଡ ବାହାରୁ ଶୁକ୍ର ଗ୍ରହ ଉପରେ ପଡିଛି। ଏହି ପ୍ଲାଜ୍‌ମା ସୂର୍ଯ୍ୟଙ୍କ ବିପରୀତ ପାର୍ଶ୍ୱରୁ ବାହାରିଥିବାରୁ ତାହା ପୃଥିବୀରୁ ଦେଖାଯାଇ ନଥିଲା। ନାସାର ଷ୍ଟେରିଓ-ଏ ମହାକାଶଯାନ ସୂର୍ଯ୍ୟ ଠାରୁ ଏକ କୋରୋନଲ ମାସ ବାହାରୁଥିବା ଦେଖିଛି।

ଲାଇଫ୍‌ ସାଇନ୍ସ ଡଟ୍ କମ୍ ଅନୁଯାୟୀ, ଏହି ନିର୍ଗମନ ସିଧାସଳଖ ରେକର୍ଡ କରାଯାଇଛି, ଯାହା ସୂର୍ଯ୍ୟଙ୍କ ପଛ ପାର୍ଶ୍ୱରେ ଥିଲା। କୋରୋନଲ୍ ମାସ୍ ଇଜେକସନ ସୂର୍ଯ୍ୟ ପୃଷ୍ଠରୁ ଆସୁଥିବା ସବୁଠାରୁ ବଡ ବିସ୍ଫୋଟକ ମଧ୍ୟରୁ ଗୋଟିଏ, ଯେଉଁଥିରେ ଘଣ୍ଟା ପ୍ରତି ଅନେକ ଲକ୍ଷ କିଲୋମିଟର ବେଗରେ ଅନେକ ବିଲିୟନ ଟନ୍ ପଦାର୍ଥ ମହାକାଶକୁ ନିର୍ଗତ ହୁଏ। ସୂର୍ଯ୍ୟଙ୍କଠାରୁ ବାହାରୁଥିବା ଏହି କଣିକା ଏବଂ ବିକିରଣ ମହାକାଶରେ ଉପସ୍ଥିତ ଥିବା ଇଲେକ୍ଟ୍ରୋନିକ୍ସ ଏବଂ ଉପଗ୍ରହ ପାଇଁ ଘାତକ ହୋଇଥାଏ।

ସୂର୍ଯ୍ୟଙ୍କ ଠାରେ ହୋଇଥିବା ଦାଗରୁ କରୋନାଲ୍ ମାସ୍ ବାହାରି ଥାଏ। ଏହାପୂର୍ବରୁ ସେପ୍ଟେମ୍ବର ୧ରେ ଏହା ବାହାରିଥିଲା। ରିପୋର୍ଟ ଅନୁସାରେ ସୂର୍ଯ୍ୟର ଅପର ପାର୍ଶ୍ୱରେ ଥିବା ସନ୍ ସ୍ପଟ୍ ଏତେ ବଡ ଯେ ଏହା ସମଗ୍ର ସୂର୍ଯ୍ୟଙ୍କ କମ୍ପନ ଉପରେ ପ୍ରଭାବ ପକାଉଛି। ଆହୁରି ମଧ୍ୟ କୁହାଯାଇଛି ଯେ ସନ ସ୍ପଟ୍ ଯେଉଁଠାରୁ ଏହା ଉତ୍ପନ୍ନ ହୋଇଛି ତାହା ହେଉଛି AR3088। ସେଥିପାଇଁ ବୈଜ୍ଞାନିକମାନେ ଉଭୟ ଝଡକୁ ଯାଆଁଳା ବୋଲି କହୁଛନ୍ତି।

ୟୁରୋପର ସୋଲାର ଅର୍ବିଟର ଆରମ୍ଭ ହେବା ପରଠାରୁ ବିଶେଷଜ୍ଞମାନେ ଏହି ଘଟଣାକୁ ସର୍ବ ବୃହତ ସୌର ଶକ୍ତି କଣିକା ଝଡ ବୋଲି କହିଛନ୍ତି। ସୂର୍ଯ୍ୟଙ୍କଠାରୁ ଉତ୍ପନ୍ନ ଏହି ଭୟଙ୍କର ଝଡରୁ କକ୍ଷପଥ ରକ୍ଷା ପାଇଯାଇଛି। ଯେଉଁ ମହାକାଶଯାନ ଏ ବିଷୟରେ ଖବର ନେଇଛି ତାହା ଶୁକ୍ରର ମଧ୍ୟଭାଗରୁ ୧୨,୫୦୦ କିଲୋମିଟର ଦୂରରେ ରହିଛି, ଯାହା ଏହାର ଗ୍ୟାସୀୟ ପୃଷ୍ଠରୁ ପ୍ରାୟ ୬୦୦୦ କିଲୋମିଟର ଦୂରରେ ଅବସ୍ଥିତ।