ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ୱାରା କେନ୍ଦ୍ର ବଜେଟ୍ ୨୦୨୨ ଉପସ୍ଥାପିତ ହୋଇଛି। ମଙ୍ଗଳବାର ରାଷ୍ଟ୍ରପତିଙ୍କ ଭାଷଣ ସହିତ ସଂସଦରେ ଅର୍ଥନୈତିକ ସର୍ଭେ ମଧ୍ୟ ଉପସ୍ଥାପିତ ହୋଇଥିଲା, ଯାହାକି FY21-22 ରେ ଭାରତର ଜିଡିପି ଅଭିବୃଦ୍ଧି ୯.୨ ପ୍ରତିଶତ ଥିବ କୁହାଯାଇଥିଲା।
ତେବେ ନିର୍ମଳା ସୀତାରମଣଙ୍କ ବଜେଟ୍ ପ୍ରସ୍ତୁତି ପାଇଁ ଏକ ଟିମ୍ ଦିନରାତି କାମ କରୁଥିଲା । ଏହି ଚଳିତ ବର୍ଷର ବଜେଟ୍ ପଛରେ ତାଙ୍କର ଏକ ଟିମ୍ର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ରହିଛି। ପାଞ୍ଚଜଣ ଉଚ୍ଚ ପଦସ୍ଥ ଅଧିକାରୀଙ୍କୁ ନେଇ ସୀତାରମଣଙ୍କ ଟିମ୍ ଗଠିତ। ସେମାନଙ୍କ ମଧ୍ୟରେ ଅଛନ୍ତି ଟିଭି ସୋମନାଥମ୍ ତରୁଣ ବଜାଜ୍, ଦେବାଶିଷ ପଣ୍ଡା, ଅଜୟ ସେଠ୍ ଓ ତୁହିନ୍ କାନ୍ତ ପାଣ୍ଡେ। ପ୍ରତ୍ୟେକ ଆର୍ଥିକ ସମୟରେ ବିଭିନ୍ନ କ୍ଷେତ୍ରକୁ କିପରି ଆବଣ୍ଟନ କରାଯିବ ତାହା ସ୍ଥିର କରିବାରେ ଏମାନଙ୍କର ଏକ ପ୍ରମୁଖ ଭୂମିକା ରହିଛି। ତେବେ ଆସନ୍ତୁ ସଂକ୍ଷେପରେ ସେମାନଙ୍କୁ ଜାଣିନେବା।
Also Read
ଟିଭି ସୋମନାଥମ୍:
ତାମିଲନାଡୁ କ୍ୟାଡର୍ର ୧୯୮୭ ବ୍ୟାଚ ଆଇଏଏସ୍ ଅଧିକାରୀ ଟିଭି ସୋମନାଥମ୍ ଏହାପୂର୍ବରୁ ୨୦୧୫ରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଯୁଗ୍ମ ସଚିବ ଭାବରେ କାର୍ଯ୍ୟ କରିଥିଲେ। ଏହି ୫ ଜଣଙ୍କ ମଧ୍ୟ ସେ ବରିଷ୍ଠ ଥିବାବେଳେ ବର୍ତ୍ତମାନ ଅର୍ଥ ସଚିବ ଭାବରେ ନିଯୁକ୍ତ ହୋଇଛନ୍ତି
ଦେଶରେ ମହାମାରୀ-ତ୍ୱରିତ ଅର୍ଥନୈତିକ ଚାପ ମଧ୍ୟରେ ଆର୍ଥିକ ସ୍ଥିତିକୁ ସୁଧାରିବା ନେଇ ସେ ମନ୍ତ୍ରଣାଳୟକୁ ଅଧିକ ପୁଞ୍ଜି ବ୍ୟୟ ଉପରେ ଜୋର ଦେଇଛନ୍ତି। ତେବେ କେନ୍ଦ୍ର ବଜେଟ୍ ୨୦୨୨ ପରେ ଚଳିତ ଆର୍ଥିକ ବର୍ଷରେ ପୁଞ୍ଜି ବ୍ୟୟ କିପରି ଖର୍ଚ୍ଚ ହେବ ତାହା ସୋମନାଥନ୍ କିପରି ଆକଳନ କରିଛନ୍ତି ପରେ ଜଣାପଡିବ।
ତରୁଣ ବଜାଜ:
ଅର୍ଥ ମନ୍ତ୍ରଣାଳୟର ରାଜସ୍ୱ ସଚିବ ତରୁଣ ବଜାଜଙ୍କ ମଧ୍ୟ ବଜେଟ୍ ତିଆରି ପଛରେ ପ୍ରମୁଖ ଭୂମିକା ରହିଛି। ଅର୍ଥ ମନ୍ତ୍ରଣାଳୟରେ ବାସ୍ତବିକ ଟିକସ ଲକ୍ଷ୍ୟକୁ ସୁନିଶ୍ଚିତ କରିବା ଏବଂ ଚଳିତ ବର୍ଷ ଟିକସ ସଂଗ୍ରହକୁ ଗୁରୁତ୍ୱ ଦେବା ନେଇ ସେ ଯୋଜନା କରିଛନ୍ତି। ମହାମାରୀ ସମୟରେ ସ୍ୱାସ୍ଥ୍ୟସେବା ପ୍ୟାକେଜ୍କୁ ସୁଗମ କରିବାରେ ବଜାଜ ପ୍ରମୁଖ ଭୂମିକା ଗ୍ରହଣ କରିଥିଲେ। ୨୦୨୨ ବଜେଟ୍ ସମୟରେ ବଜାଜ ଟିକସ ନିୟନ୍ତ୍ରଣକୁ ସହଜ କରିବେ ଓ ମହାମାରୀଜନିତ ବ୍ୟବସାୟ ତଥା କ୍ଷେତ୍ରଗୁଡିକ ପାଇଁ ପ୍ୟାକେଜ୍ ଘୋଷଣା କରିବେ ବୋଲି ଆଶା କରାଯାଉଥିଲା।
ଅଜୟ ସେଠ୍:
ଏପ୍ରିଲ ୨୦୨୧ରେ ଅର୍ଥନୈତିକ ବ୍ୟାପାର ସଚିବ ଭାବରେ ଯୋଗଦେବା ପୂର୍ବରୁ ଅଜୟ ସେଠ୍ ବାଙ୍ଗାଲୋର ମେଟ୍ରୋର ପରିଚାଳନା ନିର୍ଦ୍ଦେଶକ ଥିଲେ। ବଜେଟ୍ ୨୦୨୨ର ଭାଷଣ ପ୍ରସ୍ତୁତ କରିବା ପଛରେ ତାଙ୍କର ଭୂମିକା ରହିଛି। ପୁଞ୍ଜି ବିଭାଗ, ପୁଞ୍ଜି ବିନିଯୋଗ ଏବଂ ଭିତିଭୂମି ସମ୍ବନ୍ଧୀୟ ନୀତି ପାଇଁ ତାଙ୍କ ବିଭାଗର ମୁଖ୍ୟ ଭୂମିକା ରହିଛି। ରାଜସ୍ୱ ଆଦାୟ ଓ ଚାକିରି ସୃଷ୍ଟି କରିବା ନେଇ ତାଙ୍କ ଉପରେ ଆଶା କରାଯାଏ।
ଦେବାଶିଷ ପଣ୍ଡା:
୧୯୮୭ ବ୍ୟାଚ୍ ଆଇଏଏସ୍ ଅଧିକାରୀ ଦେବାଶିଷ ପଣ୍ଡା ଆର୍ଥିକ ସେବା ବିଭାଗର ମୁଖ୍ୟ ଭାବରେ ସରକାରୀ କାର୍ଯ୍ୟାଳୟର ପୁନରୁଥାନରେ ଏକ ପ୍ରମୁଖ ଭୂମିକା ଗ୍ରହଣ କରନ୍ତି। ତାଙ୍କ ଯୋଗୁଁ ମହାମାରୀ ସତ୍ତ୍ୱେ ବ୍ୟାଙ୍କ୍ଗୁଡିକ ଭଲ ପ୍ରଦର୍ଶନ କରିଛନ୍ତି ଏବଂ ବଜେଟ୍ରେ ଅନେକ ସୁବିଧା ମିଳିବ ବୋଲି ତାଙ୍କ ଠାରୁ ଆଶା କରାଯାଏ।
ତୁହିନ୍ କାନ୍ତ ପାଣ୍ଡେ:
ଚଳିତ ବର୍ଷ ସରକାର ହୁଏତ ଏହାର ବିନିଯୋଗ ଲକ୍ଷ୍ୟ ପୂରଣ କରିପାରି ନ ଥାଆନ୍ତା। କିନ୍ତୁ ଏୟାର ଇଣ୍ଡିଆର ବିନିଯୋଗରେ ତୁହିନ୍ କାନ୍ତ ପାଣ୍ଡେ ଏଥିରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ବଜେଟ୍ ୨୦୨୨ ବ୍ୟତୀତ ଚଳିତ ବର୍ଷ ତାଙ୍କର LIC IPO ଭଳି ଅନେକ ପ୍ରମୁଖ ବିନିଯୋଗ ପ୍ରକଳ୍ପ ଲାଇନରେ ରହିଛି। DIPAMର ସଚିବ ଶ୍ରୀ ପାଣ୍ଡେ ସରକାରଙ୍କ ଡିସଇନଭେଷ୍ଟମେଣ୍ଟ ପ୍ରକଳ୍ପର ନେତୃତ୍ୱ ନେଉଛନ୍ତି।