ଅନେକ ସମୟରେ ଆପଣମାନେ ଟ୍ରେନରେ ଯାତ୍ରା କରିଥିବେ । ସେହି ସମୟରେ କୌଣସି ଅସାଧାରଣ ଜିନିଷ ଯମେିତି କି କୌଣସି ପଶୁ, ପକ୍ଷୀକୁ ଟ୍ରେନରେ ଯାତ୍ରା କରୁଥିବାର ଦେଖିନଥିବେ । ହେଲେ ଏହିପରି ଏକ ଅଦ୍ଭୁତ ଘଟଣା ଦେଖିବାକୁ ମିଳିଛି ।
ଏକ ଲୋକାଲ୍ ଟ୍ରେନରେ ଗୋଟିଏ ଘୋଡା ଯାତ୍ରା କରୁଥିବାର ଫଟୋ ଏବେ ଖୁବ୍ ଭାଇରାଲ୍ ହେଉଛି । କେବଳ ଏତିକି ନୁହେଁ ଟ୍ରେନର ନିୟମଉଲଙ୍ଘନ କରିବା ଅଭିଯୋଗରେ ଘୋଡାଟିର ମାଲିକକୁ ଆର୍.ପି.ଏଫ୍ ପୋଲିସ ଗିରଫ କରିଛନ୍ତି ।
ସୂଚନା ଅନୁସାରେ, ଗାଫର ଅଲି ମୋଲ୍ଲା ନାମକ ଜଣେ ୪୪ ବର୍ଷୀୟ ବ୍ୟକ୍ତି ତାଙ୍କ ଘୋଡାକୁ ପଶ୍ଚିମବଙ୍ଗର ଡାକସିନ୍ ଦୁର୍ଗାପୁରରୁ ନେତ୍ରାକୁ ଟ୍ରେନରେ ଆଣୁଥିଲେ । ଘୋଡାଟି ଗୋଟେ ଦୌଡା ପ୍ରତିଯୋଗିତାରେ ଅଂଶ ଗ୍ରହଣ କରି ହାଲିଆ ହୋଇଥିବାରୁ ତାକୁ ଏକ ଲୋକାଲ ଟ୍ରେନରେ ମାଧ୍ୟମରେ ଘରକୁ ଫେରାଇଆଣୁଥିଲେ ।
Also Read
ତେବେ ଲୋକାଲ ଟ୍ରେନରେ ଯାତ୍ରୀଙ୍କ ଗହଳି ଭିତରେ ଠିଆ ହୋଇଥିବା ଘୋଡାର ଏହି ଫଚୋ ବେଶ୍ ଭାଇରାଲ୍ ହେବାରେ ଲାଗିଲା । ଯାହା ପରେ ଆର୍.ପି.ଏଫ୍ କର୍ତ୍ତୁପକ୍ଷ ସ୍ଥାନୀୟ ପୋଲିସ ସହାୟତାରେ ଘୋଡାଟିର ମାଲିକକୁ ଗିରଫ କରିଛନ୍ତି ।
ଘଟଣାକୁ ନେଇ ଜଣେ ସାମ୍ବାଦିକ ନିଜ ଟ୍ୟୁଇଟ୍ ଆକାଉଣ୍ଟରେ ଯାତ୍ରାକରୁଥିବା ସମୟରେ ଘୋଡାଟିର ଫଟୋକୁ ସେୟାର କରିଛନ୍ତି ।
ଭାଇରାଲ୍ ହେଉଥିବା ଏହି ଫଟୋକୁ ନେଇ ଅନେକ ଲୋକ ଅନେକ ଅନେକ କମେଣ୍ଟ କରିଛନ୍ତି ।